Mateo 3:2 - Katɔti Ɔku Kedee

² ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Mateo 3:2 ပူးပေါင်းရင်းမြစ်များ

Baga 1 8:47

Nsu bakana bavumana kayi na kɔlɔ kɔni lɛlɔ na béƒie-ma bátákya mmɔ na bavumana kasusu na bevele-ɔ basu banini, ‘Bɔ́bla likpidi bɔ́ƒiɔ-ɔ na bula likyulikpi ku kalala ala bɔbla kemmo.’

Hiob 39:12

Na adubɔsia-nwu anu ka uti kamu ubewi-ɔ kakpa na ebo, na ɔni-ka ku kɛɛkɛ utése-ɔ unwu kudɔ?

Hiob 42:6

Ɔmmɔ ɔsu na mina lɛlɔ lɛ́bɔ-mi na líbo nli ɔtumu ku ntɔ akɔ mɛni. Na mɔɔtina kalɛ na mina lɛlɔ libo kɔnyana.”

Esekiel 33:11

Su-ma anii kede kede nwaa ni, ami Unwoti Katɔti ɔni na nli ngba uwi ƒui mɛni ni, naaawia ukyuli ukpidi kukpi. Mmomu lɛlɔ mɔɔyɔ́-mi ka lɛnu ka ɔvumana udu na ɔ́da likpidi bɔbla ɔ́ya. Anwuɔsu si Israelƒuɔ baayɔ́ ka belie ngba bɔdi ni, ɔlɛka bada ekpidi bɔbla baya na benwini bebo-mi kudɔ.

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Mateo 10:7

Bisie na bitákɔ lɛsa bɛnii, ‘Uwi ɔni na Katɔti ɔdi lɛga na bula kɔyi kemmo úude.’

Mateo 11:20

Na lɛma lɛni kemmo na Yesu ɔ́bla akɔla pii ni, bekyuli bammɔ bétenwini kama bátakya bana ekpidi. Anwuɔsu úse kalɔ na ɔɔdɔnku-ma.

Mateo 12:41

Na litemi bɔtɛ limeyi lɛmmɔ lɛlɔ ni, Niniweƒuɔ badubɔta bebebo-mii lɛnimi enwu, ɔsika bénwini kama bákya bana ekpidi uwi ɔni na Yona ɔ́kɔ lɛsa úte-ma. Na mɔɔsu-mii ka ukyuli ɔdi ɔkya-mii akɔ mɛni na utulo Yona.

Mateo 13:11

Yesu ɔ́su-ma ɔnini, “Amii na Katɔti údie Katɔ Ɔga Ɔma lɛnunda abɛla ɔ́tina, na ɔɔɔdi ama.

Mateo 13:24

Yesu úbo-ma lɛgba lɛbambadi ɔnini, “Katɔti lɛga bɔdi litemi bugyingya buse aani ɔmɛni. Ukyuli ɔdi ɔ́gya edula abuni na nwuna kemmo.

Mateo 13:31

Yesu ɔ́sɔ úbo-ma lɛgba lɛdi ɔnini, “Katɔti lɛga bɔdi litemi bugyingya buse aani edula kebi blii suɛ kani na ukyuli ɔdi úti útáva na nwuna kemo.

Mateo 13:33

Yesu ɔ́sɔ úbo-ma lɛgba lɛbambadi ɔnini, “Katɔti lɛga bɔdi litemi bugyingya buse aani ɔmɛni. Uleku ɔdi úti bɔnyii ɔ́salaku ɔlaaƒɔ koƒo kunwi na ɔ́nwu ɔ́sala útédu uwi ɔni na bɔnyii bɔmmɔ bɔ́ƒɔ ɔlaaƒɔ ɔmmɔ ƒui na úƒu.”

Mateo 13:47

“Amu na Katɔti lɛga bɔdi buse aani kalɛ na asawu bewine badi baabla. Asawu bewine badi béwi asawu na ɛpu ɔdi kemmo na bédie ketu kemmo lɛna lidu lidu.

Mateo 13:52

Na Yesu ɔ́su-ma ɔnii, “Amu ni, ala ɔtinane biala ɔni mɔɔtɛya Katɔti lɛga bɔdi lɛlɔ ala ni, use aani ɔtɔlati ɔni mbo ala awɔdi ku ala akukudi lɛnɔ. Na uudie-nya keyi.”

Mateo 18:23

“Ɔmɛni ɔsu na Katɔti lɛga bɔdi buse aani ɔga ɔni náwia ka ɔbuku nwuna bekyuli bani mɔɔbla-nwu kabla akunta.

Mateo 20:1

“Katɔti lɛga bɔdi buse aani ɔmɛni kalɛ. Uwi ɔdi ni, ukyuli ɔdi ɔ́ta ɔtanta tutuutu ɔnii utáwia bekyuli badi na batuma nwuna kemmo bete-nwu na limeyi lɛyuƒɔla kenye.

Mateo 22:2

“Katɔti lɛga bɔdi buse aani ɔmɛni. Uwi ɔdi ni, ɔga ɔdi ɔ́di uleku buti limeyi lɛdi úte ubidi.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Mateo 25:1

“Na uwi ɔni na ami Ukyuli Ɔyawine Ubi ndububo ni, Katɔti lɛga bɔdi buse aani ɔmɛni. Uwi ɔdi kemmo ni, belekubi leevu badi béti bana lɛsogya banii batákpanku uleku ɔgya ku ulekudi besienku kaduli.

Mateo 25:14

“Na uwi ɔni na Ukyuli Ɔyawine Ubi ɔdubo ni, Katɔti lɛga bɔdi bɔdubuse aani ɔmɛni lɛnɔ. Uwi ɔdi kemmo ni, unengu ɔdi ɔ́ta na ɔ́bla kasusu ka usie ulu ɔdi. Ɔ́lɔ nwuna kabla bablane na úti nwuna ala ɔ́kya-ma lɛkɔkɔ.

Mateo 4:17

Ɔ́si uwi ɔni na Yesu útélie Kapernaum ni, úse kalɔ ɔɔkɔ́ lɛsa ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Mateo 4:23

Yesu ɔ́vi Galilea kalɔ lɛlɔ ƒui na ɔ́tina ala na Yudaƒuɔ kasalakɔ. Na ɔ́kɔ lɛsa na Katɔti lɛgadi litemi buni lɛlɔ. Na ɔ́bwi bekyuli bani muuƒi lɛlɛ lidu lidu ƒui.

Mateo 5:10

Lɛlɔ litaayɔ ama bani na bekyuli beekpóku ka belie siin na Katɔti anumi ɔsu. Ama ndubuduo Katɔti Lɛga Kadikɔ.

Mateo 5:3

“Lɛlɔ litaayɔ bekyuli bani nánu báti ka Katɔti lɛti lɛlɔ na basia anu. Ama ndubuduo Katɔti Lɛga Kadikɔ.

Mateo 6:10

Ƒula lɛga kadikɔ kebo-bu akɔ. Babla ƒula lɛƒɔyɔ na kalɔ lɛlɔ aani kalɛ na use na katɔ.

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Marko 1:15

Ɔkya ɔɔsu ɔnini, “Uwi ɔbuni ɔmmɔ úudu. Katɔti lɛga bɔdi uwi úude. Binwini kama bɛkya bina ekpidi na bɛƒɔ litemi buni lɛmɛni bɛdi!”

Marko 1:4

Ɔtu ɔmɛni ndi Yohane. Anwu nébo úbelie ketele kemmo, kesii kani na ɔɔkpila bekyuli ntu na ketu kemmo aani kalɛ na Yudaƒuɔ baabla kalɛ. Na ɔɔkɔ́ lɛsa ka ɔlɛka bekyuli benwini kayi na bada ekpidi bɔbla baya na baƒɔ ntu bɔkpila ɔdi ɔmmɔ, na Katɔti ɔdubuti bana alaekpidi ɔkyiɛ-ma.

Marko 6:12

Amu na batɛyane bammɔ bátɔlɔ bésie bakɛ baaví taasu litemi buni kalɛ na ukyuli biala unwini kama ɔkya alaekpidi bɔbla.

Luka 1:16

Na anwu ndubo Israel bekyuli pii bɔsɔku buboku bana Unwoti Katɔti kudɔ.

Luka 11:20

Oowo! Katɔti ɔyikun kemmo mmomu na mɔɔgyá ayu ekpidi taalɛku. Na ɔmɛni uudie taatina-mii nwaa ka ni, Katɔti lɛga kadikɔ kéebo kébeduo-mii kudɔ.

Luka 13:3

Oowo, ɔɔɔdi lɛni kudii! Nsu bɔsu nda-mii nnii si bítada bina ala ekpidi bɔbla bítaya ni, lɛni kani na amii lɛnɔ bɛdubo bukpi.

Luka 13:5

Oowo, ɔɔɔdi lɛni kudii! Mɔɔsu-mii ka si bítavumana udu ni, lɛni kani na bina ƒui bɛdubo bukpi aani ama kalɛ.”

Luka 15:10

Na mɔɔsu-mii geen ka ni, lɛni kani na Katɔti batu lɛnɔ baakɛ́ ebiti na alaekpidi ɔblane unwi ɔni nénwini kayi ɔsu.”

Luka 15:7

Na mɔɔsu-mii ka ni, lɛni na ebiti enengudi adubɔda Katɔ Ɔga Ɔma badi ƒui na alaekpidi ɔblane unwi pɛ ɔni nénwini kayi ɔsu utulo ebiti ani bebo na nkyuli liti ku aavlene-yaalenwi babuni bani naaawia kayi bunwini.

Luka 16:30

“Mmɔ na ɔlakɛne ɔmmɔ údie kenye ɔnini, ‘Ati Abraham, belénu-ma litemi! Nsu si banii ukyuli ɔdi ɔ́si kekpine mɛni úsie-ma kudɔ ni, badubunu-nwu litemi na benwini kama bakya bana ekpidi.’

Luka 21:31

Lɛni kani na si bɛ́nu ka ala amɛni aalɛ́ ni, bɛgyi bɛnii Katɔti lɛga kadikɔ kammɔ bubo uwi úudu.

Luka 24:47

Na nwuna basiakune badubɔkɔ lɛsa na nwuna lɛnyi kemmo bete kalɔ ƒui bekyuli banii benwini kayi kalɛ na Katɔti uti bana ekpidi ɔkyiɛ-ma. Na lɛsa bɔkɔ bɔmmɔ bɔdubuse kalɔ bɔsi Yerusalem.

Luka 6:20

Yesu ɔ́sia nwuna basiakune anu na ɔ́su-ma ɔnini, “Lɛlɔ litaayɔ amii bawabane, ɔsika Katɔti lɛga kadikɔ kadi bina ɔdi!

Luka 9:2

Amu na ɔ́tala-ma ɔnii beteesie na batásu Katɔti lɛga kadikɔ etemila bete bekyuli na babwi balɛne.

Batalane Kabla 11:18

Uwi ɔni na bénu etemila amɛni ni, báda bana unyeƒi báya na bése kalɔ beemwi Unwoti. Na básu banini, “Sɔsɔ ni, Katɔti úte bekyuli bamba lɛnɔ kuƒi ka benwini bebo-nwu kudɔ na bakɛ ngba.”

Batalane Kabla 17:30

Na ɔ́si kalɔ kesekɔ úti úbedu uwi ɔmɛni kemmo ni, Katɔti útani bekyuli kɔtu ɔsika bátati-nwu. Nsu ɔƒaani ni, úbo-bu ɔda ɔnii bɔda anumi budie ala amɛni bene lɛlɔ na bunwini anumi buboku-nwu kudɔ.

Batalane Kabla 2:38

Amu na Petro ɔ́su-ma ɔnini, “Ɔlɛka bina akɔ ɔdi biala ɔda ekpidi bɔbla ɔya na unwini ubo Blɔti kudɔ, na ɔƒɔ ntu bɔkpila ɔdi na Yesu Kristo lɛnyi kemmo kalɛ na Katɔti uti nwuna ekpidi ɔkyiɛ-nwu, na ukyuli ɔmmɔ wakɛ Katɔti Kɔyu aani kalɛ na Blɔti ɔ́su úse.

Batalane Kabla 20:21

Na kesi kesii na lísie ni, lɛ́su Yudaƒuɔ ku Helaƒuɔ ƒui kpakplaa ka bada ekpidi bɔbla baya na benwini besie Katɔti kudɔ, na baƒɔ Blɔti Yesu Kristo badi.

Batalane Kabla 26:20

Lɛ́ka litemi buni bɔsu bute Damaskoƒuɔ ku Yerusalemƒuɔ ku Yudaƒuɔ ƒui ku bani naaadi Yudaƒuɔ lɛnɔ nnii benwini kama bakya bana ekpidi na beti anumi besienku Katɔti kudɔ, na bataabla ala ani mɔɔtina ka bávumana sɔsɔ.

Batalane Kabla 3:19

Anwuɔsu ni, binwini kama bɛkya ekpidi bɔbla na biti anumi bɛsia Unwoti lɛlɔ, kalɛ na waƒɔ bina ekpidi wedie-mii lɛlɔ na bɛkɛ bɔnwuna buɛɛ na Blɔti kudɔ, kalɛ watala Kristo Yesu wakya-mii aani bina Ɔƒɔne kalɛ.

Korintoƒuɔ 2 7:10

Na si Katɔti ala lɛlɔ ɔsu na ukyuli alaekpidi ani na ɔ́bla éduo-nwu ni, uunwíni kama taakya ekpidi bɔbla na ɔɔkɛ́ bɔƒɔ ɔni na ɔsɔ ulenu ɔlɛ ɔdi. Nsu si kayawi ala lɛlɔ ɔsu na lɛla lɛdi liiduo-ɔ ni, ɔɔyá na aayila ngba geen bɔmmɔ.

Koloseƒuɔ 1:13

Na anwu náda-bu údie ukisine ɔmmɔ enu kemmo na kasuudikɔ mmɔ, na úti-bu útákya Ubidi ɔni na ɔɔyɔ́ geen mmɔ lɛga bɔdi kemmo.

Timoteo 2 2:25

Na bekyuli bani ƒui mɔɔta teenye litemi buni lɛmɛni lɛlɔ ni, ɔlɛka udie ala kalɔ ute-ma ku kayi buɛɛ. Na ɔƒɛni kalɛ Katɔti ɔdubɔya na benwini kayi na banu litemi geen lɛmmɔ bati.

Hebriƒuɔ 6:1

Ɔmɛni ɔsu ni, bɛya na busie anumi, na bulasɔ bulakya lɛnamu uwi kalɔ kesekɔ ala ani na bɔ́tɛya na Kristo mmɔ kani lɛlɔ kemmo. Bitaya na bɔsɔ butése kalɔ kesekɔ ala bɔtɛya kalɔ. Ala amɛni adanku kayi bunwini na ala ekpidi lɛlɔ ku kalɛ na bɔƒɔ Katɔti bɔdi lɛlɔ.

Petro 2 3:9

Katɔti uuuse nyɔɔ ka ɔbla lɛla lɛni kenye na ɔ́su úse aani kalɛ na badi baakali. Mmomu ni, ɔɔkɛ́ kayi teete-bu. Ɔsika ulayɔ ɔnii ɔdi ɔyii. Mmomu ɔɔyɔ́ ka bula ƒui bɔda bula ekpidi bɔbla bɔya.

Budie Taatina 2:21

Líte-nwu uwi ɔni na uti ɔvumana na ɔda ekpidi bɔbla ɔya, nsu ulenu kalɔ.

Budie Taatina 2:5

Anwuɔsu bɛkali bina kenyekɔ kedeedi kani bínye asa na bíbuli bɛnu. Na binwini kama bɛkya bina ekpidi, na bitaabla lɛla lɛni na bítaabla kudeedi. Nsu si bítenwini kama bítakya bina ekpidi ni, ndububo-mii kudɔ na mbada bina sika ugyiedi ugyii ku nwuna asogya ɔmmɔ lɛgyu nwuna kenyekɔ.