Mateo 3:1 - Katɔti Ɔku Kedee

¹ Uwi ɔmmɔ kama ni, Ntu Ɔkpilane Yohane úsie ketele kani nkya Yudea kalɔ lɛlɔ, na úse kalɔ ɔɔkɔ́ lɛsa

Mateo 3:1 ပူးပေါင်းရင်းမြစ်များ

Baga 1 2:34

Anwuɔsu Yoiada ubidi Benaia úsie na útaƒiɛmi Yoab ɔ́du na mmɔ. Na béti-nwu bátáva anwu ɔlati kalɔ na ketele kalɔ kakwiidi kemmo.

Mateo 11:11

Na mɔɔsu-mii geen ka Ntu Ɔkpilane Yohane ɔ́ƒɔ kuye utulo ukyuli ɔni nélie kayawi kamɛni úbavi. Nsu ni, ukyuli ɔni nátaƒɔ lɛnyi na Katɔ Ɔga Ɔma muedi ni, ɔ́ƒɔ kuye útulo Yohane ɔmmɔ.

Mateo 11:7

Uwi ɔni na Yohane batɛyane bammɔ baatɔlɔ mmɔ ni, Yesu ɔ́su Yohane lɛlɔ litemi ɔ́tina bekyuli bammɔ ɔnini, “Ka bísie ketele kemmo ni, bi na bísie bitánu? Evete ani na ɔƒɛƒɛɛ uubó taavinku?

Mateo 16:14

Bédie kenye banii, “Badi banii awɔ ndi Ntu Ɔkpilane Yohane. Na badi lɛnɔ banii awɔ ndi Katɔti Kenye Udiene Elia. Na babambadi lɛnɔ baasu banii awɔ ndi Yeremia iye Katɔti kenye bediene bammɔ akɔ ɔbambadi ɔdi.”

Mateo 21:32

Ntu Ɔkpilane Yohane úbo úbatina-mii ulu buni ɔni lɛlɔ na bɛsia, nsu bítaƒɔ-nwu bítadi. Nsu beyune ku bayalɛ ama báƒɔ bádi. Na ina ka bɛ́nu ɔmɛni muedi ni, bítavumana bina kasusu na bɛƒɔ-nwu bɛdi.

Mateo 3:8

Bɛtina na bina ɔbladu kemmo ka bínwini kama bɛ́kya bina alaekpidi.

Marko 1:15

Ɔkya ɔɔsu ɔnini, “Uwi ɔbuni ɔmmɔ úudu. Katɔti lɛga bɔdi uwi úude. Binwini kama bɛkya bina ekpidi na bɛƒɔ litemi buni lɛmɛni bɛdi!”

Marko 1:2

Kukuuku ni, Katɔti Kenye Udiene Yesaia únweni úse ka Katɔti ɔ́su Ubidi ɔnini, “Ndubɔtala ɔtu ɔdi na wagyu watɔ-ɔ, kalɛ na ɔklibi bekyuli ute ƒula bubo.

Luka 1:76

Na awɔ, mina ubi ni, badubɔlɔ-ɔ banii Katɔti Ɔni Ntulo Ƒui Kenye Udiene. Awɔ ndubo bɔgyu bɔtɔ na Blɔti lɛtɔtɔ kalɛ na aklibi ulu ese ete nwuna bubo.

Luka 7:24

Ka Yohane batu bátɔlɔ kama ni, Yesu úse kalɔ uutemi taasiku Yohane lɛlɔ teete kasalakɔ bekyuli bammɔ ɔnini, “Uwi ɔni na bɛ́lɛ bísie Yohane kudɔ na ketele kemmo ni, bi na bɛ́sia anu ka bɛdubo bɔnu? Ukyuli ɔni nse aani livete lɛni na ɔƒɛƒɛɛ uubó taavinku?

Yosua 14:10

“Nsu nu! Akwa aavlene-alɔ kemmo na bɔkya mɛni ka Unwoti ɔ́su Mose litemi lɛmɛni. Uwi ɔmmɔ kemmo na bɔ́mu bɔkɛ kalɔ kakwiidi kemmo. Na ka Unwoti ɔɔdi nwuna litemi lɛlɔ ɔsu ni, lɛ́mu nli ngba úti úbedu ɔƒɛni. Aanu-mi ɔmwi! Lɛ́ɛkɛ akwa liti ku avlaatɛ-alɔ sɔɔn.

Litemi Batɛne 1:16

Amu na Mose ɔgyanti kaba bekyuli bani ndi Keniƒuɔ ku Yudaƒuɔ banana náta bási kesii kani baalɔ banii ebo ɔma unengudi na Yeriko, na bésie bétélieku bekyuli bani nli Yuda kalɔ kakwiidi kemmo akɔ na kesii kani nde Arad ɔma.