Mateo 27:2 - Katɔti Ɔku Kedee

² Bébo-nwu kɔgba na béti-nwu bátákya Romaƒuɔ aban unengu Pilato enu kemmo.

Mateo 27:2 ပူးပေါင်းရင်းမြစ်များ

Ala Kalɔ Buse 22:9

Na ka bédu kesii kani na Katɔti ɔ́tina-nwu mmɔ ni, Abraham ɔ́tu lɛkpabi na ɔ́tɛ ekyweni ammɔ ɔ́sia-ni lɛlɔ. Na ɔ́da ubidi na únyimi-nwu kaduɛ na ɔ́gyu-nwu ɔ́sia lɛkpabi lɛmmɔ lɛlɔ na ekyweni ammɔ lɛlɔ.

Mateo 20:19

Na ama bani naaadi Yudaƒuɔ badubuti-mi babla lɛmala, na bebo-mi, na bakana-mi bamana ugyii lɛlɔ na likpi. Nsu emeyi atɛ kama ni, Katɔti ɔdubɔgyila-mi ɔlɛku bekpine akɔ.”

Mateo 28:14

Na si Romaƒuɔ aban unengu únu litemi lɛmɛni ni, bɔdubɔya na unu kalɔ geen ka ɔɔɔdi bina bɔƒiɔ.”

Luka 13:1

Lebo lɛmmɔ ni, bekyuli badi bakya mmɔ bani násu Yesu kalɛ na Pilato ɔ́du Galileaƒuɔ badi uwi ɔni na bákya bátaabla akpala teete Katɔti.

Luka 20:20

Ɔmmɔ ɔsu ni, báwia ulu ɔbambadi ɔni lɛlɔ basia na beƒie-nwu. Béte bekyuli badi ala na bɔbɛ kemmo. Na bása ku-ma lili banii besie Yesu kudɔ. Na babla lɛlɔ aani si litemi lɛmmɔ geen na ama alati baawia bati bete lɛlɔ. Na bátala-ma banii batákywɛ Yesu kakpagyuɛ ku etemila adi. Na bakɛ ulu ɔni na beti-nwu bakya Roma aban unengu enu kemmo.

Luka 23:1

Amu na bana ƒui báta na bétiku Yesu bésienku Pilato kudɔ.

Luka 23:12

Limeyi lɛmmɔ kani na Herode ku Pilato bénwini bakpana, na nka badi bekisine.

Luka 3:1

Na lɛkwa leevu-lɛlɔndi lɛni na Ɔga Unengudi Kaesare Tiberio ɔɔdi lɛga ni, Kenye Udiene Yohane ɔni ndi Sakaria ubidi ɔ́kɛ linyesia lɛdi ɔ́siku Katɔti kudɔ uwi ɔni na uli ketele kemmo. Na Pontio Pilato ɔɔtɔnku aban na Yudea kalɔ lɛlɔ. Na Herode ɔɔdi Galilea kalɔ lɛlɔ. Na uwi ɔmmɔ kani kemmo ni, Herode ɔnwani Ƒilipo lɛnɔ ɔɔdi kalɔ kani baalɔ Iturea ku Trakoniti kalɛkɛ lɛlɔ. Na Lɛlɔ Ɔdine Lisania lɛnɔ ɔɔdi Abilene kalɔ lɛlɔ. Na uwi ɔmɛni kemmo ni, Hana ku Kaiaƒa badi Katɔti bakpane benengudi.

Yohane 18:12

Ɔmmɔ kama ni, Romaƒuɔ bekpone ku bana ɔtɔnkune ku Yudaƒuɔ bagyumanane badi béƒie Yesu, na bényimi-nwu.

Yohane 18:24

Mmɔ na Hana úti Yesu ɔni na bámu bényimi bada úmene Ɔkpane Unengudi Kaiaƒa.

Yohane 18:28

Amu na ɔtanta tutuutu ni, bákpanku Yesu básiku Kaiaƒa kudɔ mmɔ, na béti-nwu bésienku Romaƒuɔ aban unengudi kaduli. Nsu Yudaƒuɔ bammɔ béteduo mmɔ, ɔsika na bana ɔda bubo kenye ni, bátayɔ ka beduo mmɔ na ɔya bana lɛlɔ lise lɛlɔ ka badubo Kukpi Lili Bɔvia Limeyi bɔdi ɔsu.

Batalane Kabla 12:6

Amu na uwi ɔni na Herode ɔ́kali ka ɔdubudie Petro ute kadi si kadi kégye ni, Petro ɔtɛ ɔɔlɛɛ na bagyumanane inyɔ ntɛ. Na bébo-nwu kɔgba báda-ma. Na bagyumanane babambadi benye baagyumana kayakun.

Batalane Kabla 21:33

Mmɔ kani na bekpone bamɛni unengu ɔ́ya na béƒie Paulo na béti kɔgba inyɔ bébo báda-nwu. Amu na úye únu ukyuli ɔni na ɔnana ɔmmɔ ɔdi ku lɛla lɛni na ɔ́bla.

Batalane Kabla 22:25

Amu na uwi ɔni na benye beenyimi-nwu ni, Paulo úye Romaƒuɔ bekpone unengu ɔdi ɔnini, “Ulu ɔtɛ ka bebo Romani ubi ɔni na batatɛku-nwu tɔ litemi?”

Batalane Kabla 22:29

Mmɔ mmɔ ka bekyuli bani na nka benye kagyumana ka bebo-nwu mɛni bénu ka Romani na ɔdi ni, bana ƒui békeyi lɛlɔ na bákpɛ bésie kama. Amu ka bana ɔtɔnkune ɔ́ti ka Romani na ɔdi ni, ɔtɔtɔ ɔ́gyu-nwu na liƒu lɛ́da-nwu geen, ɔsika anwu néte kuƒi na bébo-nwu kɔgba.

Batalane Kabla 24:27

Amu na akwa anyɔ kama ni, bédie Ƒelike na béti Porkio Ƒesto bébesie-nwu keliekɔ. Nsu ka Ƒelike ɔɔwia ka Yudaƒuɔ bataayɔ-nwu litemi ɔsu ni, ɔ́ya na Paulo ɔ́sɔ ɔ́kya ɔtɔ katɛnkɔ mmɔ.

Batalane Kabla 28:20

Ɔmɛni ɔsu na lɛ́lɔ-mii. Ɔsika Ukyuli Ɔƒunadi ɔni lɛlɔ na Israelƒuɔ basia anu ni, nwuna lɛlɔ na mbo bɔƒɔtaadi ɔsu na kɔgba kɔmɛni kɔda-mi lɛni.”

Batalane Kabla 3:13

Ɔsika Unwoti úti ɔbu úte Ubidi Yesu. Na Unwoti ɔmɛni ndi Abraham ku Isak ku Yakob lɛnɔ Ɔti. Na anwu kani ndi bula bati kuuku lɛnɔ Unwoti. Ubidi Yesu ɔmmɔ na amii bíti bíte bɛnii badu. Na bíni-nwu na Pilato anumi bɛnii bɛɛɛgyi-nwu ina ka Pilato ɔ́yɔ ka ɔnyonu-nwu.

Batalane Kabla 4:27

Ɔdi litemi geen ka Herode ku Pontio Pilato ku Israelƒuɔ ku bani naaadi Israelƒuɔ básala lɛlɔ na ɔma ɔmɛni kemmo, na báta bénye ƒ'ubidi Yesu ɔni ndi Ukyuli Ɔƒunadi Kedee ɔmmɔ lɛlɔ.

Batalane Kabla 9:2

Mmɔ na úvele-nwu ɔnii ute-nwu ɔku na uti usienku Yudaƒuɔ kɔsakɔ na Damasko kalɛ na ɔkɛ ɔyikun na uƒie banana ku beleku bani ƒui nsiaku bɔƒɔtaadi bɔwɔdi bɔmmɔ usienku Yerusalem.

Timoteo 1 6:13

Na Katɔti ɔni nédie lɛla biala ku Yesu Kristo ɔnii nése kayi na údie nwuna bɔƒɔtaadi keyi na Pontio Pilato anumi muudie-mi kenye ka muute-ɔ ɔda bubo bɔmɛni.

Timoteo 2 2:9

Muubó abi na litemi buni lɛni mɔɔsu ɔsu. Na bébo-mi lɛkpu muedi aani ukyuli ɔni na ubo lɛkanta likpidi. Nsu Katɔti litemi ni, bétebo-ni lɛkpu!

Hebriƒuɔ 13:3

Na binyimo bani lɛnɔ ntɛ aban ɔtɔ aani si amii lɛnɔ na bákya ɔtɔ ku-ma ku bekyuli bani na baabla-ma kalala aani si amii muubó abi.

Litemi Batɛne 15:12

Mmɔ na básu-nwu banini, “Búbo ka bubenyimi-ɔ na buti-ɔ butákya Ƒilistiƒuɔ enu kemmo.” Amu na Simson ɔ́su-ma ɔnii, “Bise kenye ka amii alati biládu-mi.”