Mateo 22:4 - Katɔti Ɔku Kedee

⁴ “Anwuɔsu ɔ́tala kabla bablane babambadi ɔnii batásu bekyuli bammɔ banii, ‘Limeyi lɛni bɔdubo bɔdi lídu! Bɔ́ɔdu bebuo bani ƒui na bɔdubuti bútaanu-mii kama. Na báaklibi lɛla biala bése. Anwuɔsu biteebo uleku ketikɔ!’

Mateo 22:4 ပူးပေါင်းရင်းမြစ်များ

Batalane Kabla 13:46

Amu na Paulo ku Barnaba bése kayi na básu-ma banini, “Ɔlɛka bɔsu Katɔti litemi buni lɛmɛni buti bute Yudaƒuɔ kudeedi. Na ka bíni litemi lɛmɛni na bɛ́su bɛnii bilayɔ ngba bɔƒɔ bɔmɛni ɔsu ni, búti-ni búselaku bani naaadi Yudaƒuɔ.

Mateo 21:36

Amu na kemo ɔlati ɔmmɔ ɔ́sɔ ɔ́tala kabla bablane babambadi bani mmomo ntulo bedeedi. Na bábla ama lɛnɔ aani kalɛ na bábla bedeedi bammɔ.

Romaƒuɔ 8:32

Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Batalane Kabla 1:8

Nsu si uwi ɔni na Katɔti Kɔyu kúbo-mii kudɔ ni, kɔdubɔƒɔ-mii lɛlɔ kemmo ƒui na kɔdubɔkya-mii ɔyikun na bɛdubɔsu-mi lɛlɔ litemi na Yerusalem ku Yudea ku Samaria wetéduku kalɔ kawɔkɔ.”

Luka 14:17

Ka uwi údu ka bese bɔdi ku bɔni kalɔ ni, ɔ́tala nwuna kabla bablane ɔnii batásu nwuna bekyuli bani ƒui na ɔ́lɔ na bebo. Ɔsika lɛla biala lɛ́ɛsadi!

Mateo 22:8

“Amu na ɔ́lɔ nwuna kabla bablane na ɔ́su-ma ɔnini, ‘Mina ubi uleku buti limeyi lɛmmɔ bɔdi uwi údu. Nsu bekyuli bani na lɛ́lɔ liboku limeyi lɛmmɔ kadikɔ ni, bátamanku bétete limeyi lɛmmɔ.

Lɛnu Ƒui Ɔnu 5:1

Ami ɔlati mina uleku uveledi, líbo-ɔ kudɔ aani ami ɔlati mina kemo na mbadi ala mini mini ammɔ. Ndubɔƒiɔ mina uwɔ kɔtakɛ na lɛni uwɔ ɔmmɔ. Ndubɔni mina ntɛ ku mina bebuo anyii ntu bɔmmɔ. Mina bakpana, bɛdi na bɛni utédu uwi ɔni na bɔyɔ bɔmmɔ búmo-mii.

Kɔgya 86:5

Aabla-bu lɛƒɔndia, na eeti ekpidi taakyiɛ na bani ƒui mɔɔkpali-ɔ ni, aayɔ́-ma uwi ndi uwi geen.

Nehemia 9:17

Na béni ka benyimo ƒula akɔla lidu lidu ani na édie átina na bana akɔ. Na bana atuɔkplu ku bɔta bunye kemmo ni, bédie ɔtɔnkune ɔni nsɔ makpanku-ma matákya bana lɛbibo kabla kemmo. Nsu awɔ Katɔti aanu kɔnyana, na éyi ku bɔyɔ ku lɛƒɔndia, na éti bana ekpidi akyiɛ-ma. Ɔmmɔ ɔsu étenwini kama átakya-ma.

Agba 15:17

Si awɔ ku ƒula ɔkpana ɔdi bɛ́sa na kutukplu lɛkyami kalɔ ni, ɔdia utulo si awɔ ku ƒula ukisine bɛ́sa na ɔkyimu kalɔ.

Mateo 22:5

“Nsu bana ɔdi biala útabu nwuna bɔlɔ bɔmmɔ. Mmomu bátɔlɔ bésie kesii kani na ɔdi biala ɔɔyɔ́. Ɔdi ɔ́tɔlɔ úsie nwuna kemo. Na ɔdi lɛnɔ úsie kuye kadikɔ.