Mateo 22:3 - Katɔti Ɔku Kedee

³ Ɔ́tala nwuna kabla bablane ɔnii batásu bekyuli bani na ɔ́lɔ ɔnii bebo limeyi kadikɔ mmɔ na bebo. Nsu béni na banii belebo.

Mateo 22:3 ပူးပေါင်းရင်းမြစ်များ

Kɔgya 68:11

Katɔti údie lɛdi, na beleku pii badi básu lɛla lɛni nálɛ mmɔ na bégyingya-ni, banini,

Yesaia 30:15

Israel Unwoti Kedee Ɔyikune Ƒui ɔnini, “Ndubudie-mii na bina ɔgbankpi biala kemmo si bíti bina anu ku kayi ƒui bɛ́sia-mii lɛlɔ na bínwini bíbo-mi kudɔ na bíboku lɛlɔ kalɔ kpoo.

Yeremia 25:4

Unwoti ɔ́tala kenye bediene ɔ́kya-mii kɔlɛ kɔlɛ, nsu bíni na bítenu-nwu litemi.

Yeremia 35:15

Bíni bɛnii bilenu mina kenye bediene bani mɔɔsu-mii uwi ndi uwi banini, ‘Bɛda alaekpidi bɔbla bɛya na bɛda baƒiɔ lɛnɔ bɔkpa bɛya! Na bise kalɔ biteenu Unwoti litemi na bitaadi-ni lɛlɔ na ɔdubɔya na bilie kalɔ kani na úti úte bina bati kuuku mɛni lɛlɔ.’

Hosea 11:2

Nsu kɔlɛ kɔlɛ kɔni na mɔɔlɔ-nwu teeboku lɛlɔ aani ubi kalɛ ni, kɔlɛ kɔmmɔ na uusié kama na mina kudɔ. Na baabla akpala teete Baal baƒiɔ na baakyula oloƒui teete ala ani na bávɔ mmɔ.

Hosea 11:7

Mɔɔnu ka mina bekyuli bálɛ ugyii ka bada lɛlɔ bamami-mi lɛlɔ. Na baawia ka beti lɛlɔ bete baƒiɔ bani na baakali ka bebo ɔyikun bétulo-mi, nsu balakana-ma kebunku kadi bute.

Seƒania 1:7

“Ami ndi Unwoti Katɔti, anwuɔsu bibile bina inye kpoo! Ɔsika uwi ɔmmɔ úude. Na ndaku lɛlɔ bɔklibi ka liti mina bekyuli aani lɛkpa na lɛlɔ mina bekyuli ƒui bani lɛ́klibi líse.

Mateo 21:34

Uwi ɔni na egyiibi ammɔ édu bude ni, kemo ɔlati ɔmɛni ɔ́tala nwuna kabla bablane ɔnii batáƒɔ nwuna kadikɔ beboku-nwu.

Mateo 23:37

“Yerusalem, Yerusalem! Awɔ muubó Katɔti kenye bediene ku bekyuli bani na Katɔti ɔ́tala ɔ́kya-mii atabi taadu. Kɔlɛ kɔlɛ sɔɔn mɛni na líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ!

Mateo 3:2

ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Mateo 9:15

Yesu údie kenye ɔnini, “Bɛɛƒɔ́ taadi ka bekyuli bani na bálɔ béboku uleku ketikɔ badubo kɔnyana buteewulo na uwi ɔni na uleku ɔgya ɔmmɔ ɔkya-ma kudɔ? Ulebo ulete lɛni kudii! Nsu limeyi lɛdi lɛdububo ɔni na badubuti uleku ɔgya ɔmmɔ na bana kudɔ. Na uwi ɔmmɔ na badubulie kɔka.

Luka 13:34

“Yerusalem, Yerusalem! Awɔ mɔɔdú Katɔti kenye bediene, na awɔ muubó Katɔti batalane bani na ɔ́tala ɔ́kya-a atabi. Kɔlɛ kɔlɛ sɔɔn mɛni ka líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ.

Luka 15:28

“Ɔmɛni ɔ́ya na livo líƒi ɔnwani unengudi ɔmmɔ kaduɛ ɔni na úni ɔnii ɔsɔ uleduo kaduli muedi. Ɔmɛni ɔsu ɔti ɔ́vi ɔlɛ úbo-nwu kudɔ mmɔ, na úbevele-nwu ɔnii ubo ubeduo kaduli.

Luka 19:27

Na ɔƒɛni ni, mina bekisine bani na banii nka baláwia ka bese-mi lɛga ni, bɛkpanku-ma biboku mɛni na bɛdu-ma na mina anumi.’ ”

Yohane 5:40

Nsu biiní ka bibo-mi kudɔ na lɛya na bɛkɛ ngba bɔmmɔ.

Batalane Kabla 13:45

Na uwi ɔni na Yudaƒuɔ benengu bánu bekyuli lisu lɛni nébo kasalakɔ mmɔ ni, anumi égyie-ma, na bákyaku Paulo unyeƒi na bédumi-nwu.

Romaƒuɔ 10:21

Nsu na Yudaƒuɔ lɛlɔ ni, Katɔti ɔ́su ɔnini, “Lígyingya enu líse limeyi limodi ka lɛƒɔ-ma. Nsu bátakpete-mi, ɔsika badi bekyuli bani naaabu lɛla lɛdi na báta bénye-mi lɛlɔ.”

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Hebriƒuɔ 9:15

Ɔmɛni ɔsu na Kristo ndi ukyuli ɔni nnye bunyimi bɔwɔdi bɔmɛni kenye kalɛ na bekyuli bani na Katɔti ɔ́lɔ ka babla anwu badi ni, bana kɔnu kutuku linyese lɛni ndi ngba bɔni nsɔ naaadubo bɔsa kudii. Ɔmɛni uubo teete lɛni, ɔsika Kristo kukpi ɔsu na Katɔti uuti ekpidi ani na bekyuli bábla na bunyimi bɔkukudi kemmo taakyiɛ-ma.

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.

Samuel 1 9:13

Na si bíduo ɔma ɔmmɔ kemmo kani ni, bɛdubo-nwu bɔnu asa na weti wataakɔ utádi na kesii kani na lɛkpabi lɛmmɔ linye. Na bekyuli bammɔ baaadubo bɔdi tɔ wetédu uwi ɔni na úbo, ɔsika anwu na ɔdi ka úti enu ɔ́sia adila ammɔ lɛlɔ úwi-nya kusɛ kusɛ, asa bekyuli bani na bálɔ béboku mmɔ bese kalɔ ku bɔdi. Bɛkɔ bisie mmɔ, na bɛdubɔkana na bɛnu-nwu uwi ɔmɛni lɛlɔ.”