Mateo 2:1 - Katɔti Ɔku Kedee

¹ Uwi ɔni na Herode ɔɔdi lɛga ni, báwɔ Yesu na ɔma ɔni baalɔ Betlehem na Yudea kalɔ lɛlɔ. Na uwi ɔmmɔ kani kemmo ni, benengu bani mɔɔtɛya ala ani mɔɔlɛ́ na ayabi lɛlɔ taati badi bási ɔƒɛ katukɔ bébo Yerusalem.

Mateo 2:1 ပူးပေါင်းရင်းမြစ်များ

Ala Kalɔ Buse 10:30

Na kalɛkɛ kani lɛlɔ na bélie kewi kási kesii kani baalɔ banii Mesa úti úsela Seƒar kakɛ na ɔƒɛ katukɔ na abi lɛlɔ.

Ala Kalɔ Buse 25:6

Nsu na nwuna ngba kemmo ni, úte nwuna bebi bani na beleku bamba báwɔ béte-nwu ƒui ɔdi biala nwuna kadikɔ na údie-ma ulu na úbu Isak lɛti pɛ.

Ala Kalɔ Buse 41:8

Na ɔtanta ɔmmɔ ni, kasusu kékpoku Ƒarao geen. Ɔmmɔ ɔsu ɔ́ya na bálɔ bekebone ku Egyipteƒuɔ banundane béte-nwu. Na ɔ́sɔku ana ani na úgye ƒui ɔ́su-ma. Nsu ɔdi útakana na udie-nya kalɔ ute-nwu.

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Baga 1 4:30

Na Salomo lɛnunda litulo lɛnunda lɛni na banana bani ƒui na bakya kalɔ kammɔ ɔ́ƒɛ kanukɔ ku Egyipte ƒui bebo.

Ala Alɛdi 1 2:51

ku Sabal ɔni náwɔ Betlehem kadi bekyuli ku Hareƒ ɔni náwɔ Bet-Gader kadi bekyuli.

Hiob 1:3

Na ubo baƒonu mpim maatɛ ku bebuo ala betine ku keƒu mpim ɛtɛ ku ɔmantɛ bakɔ ku kɔgba kɔni baabala-ma eti leevu ku bebuo ala betine eti leevu ku kabla bablane pii badi. Na ɔdi unengu geen na bekyuli bani nkya ɔƒɛ katukɔ kakɛ mmɔ ƒui akɔ.

Yesaia 11:10

Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Mateo 1:25

Nsu ni, Yoseƒ ku Maria baaagyi lɛlɔ aani ɔnana ku uleku kalɛ útédu uwi ɔni na ɔ́wɔ ubidi ɔnanabi ɔmmɔ. Na Yoseƒ ɔ́sia-nwu lɛnyi ɔnii Yesu.

Mateo 2:16

Uwi ɔni na Herode úti-nwu ka baƒɔ bani nási ɔƒɛ katukɔ mmɔ bátɔlɔ-nwu ni, úti kɔnyi geen. Anwuɔsu ɔ́ya na nwuna bekpone bésie Betlehem ku amadɔ mmɔ ƒui. Na bátádu bebi bananabi bani náaƒɔ akwa anyɔ ku bani nétedu tɔ lɛni aani kalɛ na baƒɔ bammɔ béti bátina ka lɛyabi lɛmmɔ lɛ́lɛ kenye.

Mateo 2:19

Ka Herode úkpi ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo na Egyipte.

Mateo 2:3

Uwi ɔni na Ɔga Herode únu litemi lɛmɛni ni, ɔƒɛ ɔ́da anwu ku bekyuli bani nkya Yerusalem mmɔ ƒui geen.

Mateo 2:5

Amu na básu-nwu banini, “Betlehem na badubɔwɔ-nwu na Yudea kalɔ lɛlɔ, ɔsika lɛni na Katɔti kenye udiene ɔdi únweni ɔnii,

Mateo 2:7

Anwuɔsu Herode ɔ́lɔ baƒɔ bani nási ɔƒɛ katukɔ mmɔ úsienku kɔƒɛlɛ, na úye-ma únu uwi ɔni geen bánu ka lɛyabi lɛmmɔ lɛ́lɛ.

Luka 1:5

Uwi ɔni na Herode ɔɔdi lɛga na Yudea kalɔ lɛlɔ ni, Katɔti ɔkpane ɔdi ɔkya ɔni baalɔ Sakaria. Ɔ́si ɔkpane bɔdi ulu ɔni nkɛ ɔkpane ɔni baalɔ Abia ulu lɛlɔ. Sakaria ɔmɛni ulekudi baalɔ Elisabet na anwu lɛnɔ ɔ́si Katɔti ɔkpane ɔni baalɔ Aaron kaba kemmo.

Luka 2:11

Na ɔmwi limeyi lɛmɛni kani lɛlɔ ni, báwɔ Ɔƒɔne ɔni ndi Blɔti Kristo béte-mii na Ɔga Dawid ɔma kemmo.

Luka 2:15

Na uwi ɔni na Katɔti batu bamɛni bátɔlɔ-ma kudɔ na básɔ bénwini bésie katɔ ni, baƒonu badane bamɛni básu lɛlɔ banii, “Bɛya na busie Betlehem butánu ala ani nálɛ na Unwoti údie ɔ́tina-bu mɛni.”

Yohane 7:42

Ɔɔɔdi bɔsu na Bunweni Kedee Ɔku ɔ́su ka Ukyuli Ɔƒunadi ɔmmɔ wasi Ɔga Dawid kaba kemmo na Betlehem ɔma kesii kani na Dawid ɔ́si yoo?”

Litemi Batɛne 17:7

Na Lewini okloƒu ɔdi ɔkya ɔni nási Betlehem na Yuda kalɔ lɛlɔ. Na ɔ́si kukuuku úsie ɔkya Yuda kɔdua bekyuli kudɔ.