Mateo 11:3 - Katɔti Ɔku Kedee

³ Na bétéye Yesu banii, “Awɔ ndi ukyuli ɔni na Katɔti ɔ́su úse ka ɔdubo, munuu butaanu ukyuli bamba ulu?”

Mateo 11:3 ပူးပေါင်းရင်းမြစ်များ

Ala Kalɔ Buse 12:3

Bekyuli bani mete-ɔ kusɛ kusɛ ni, ami lɛnɔ ndubute-ma kusɛ kusɛ. Na ukyuli biala ɔni mewida-a ni, ami lɛnɔ ndubo-nwu buwida. Ndubute kalɔ lɛlɔ bekyuli ƒui kusɛ kusɛ ɔkɛnku awɔ lɛlɔ.”

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Kɔgya 118:26

Bimwi anwu ɔni ndubo na Unwoti lɛnyi kemmo. Kusɛ kusɛ ɔsiaku-ɔ ɔsiku Unwoti kakpakɔ mɛni.

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Obadia 1:21

Na bani Unwoti ɔ́ƒɔ mmɔ badubɔkya Sion Kɔbi lɛlɔ na badi Edom lɛlɔ. Na lɛga kadikɔ kammɔ ƒui kenwini Unwoti kadi.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Hagai 2:7

Ndubo kadi bekyuli ƒui bɔkunku ku bana akɛla ani náƒɔ-ma kuye na beti-nya beboku mɛni. Mmɔ na kalɛ na mina bukeye bɔɔtu anumi bɔdubɔƒɔ kakpakɔ kammɔ kemmo ƒui.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Bumomo Bɔka 24:17

“Mɔɔnu-nwu nsu ɔɔɔdi ɔƒɛni mɔɔnu taati nsu uuude. Kayabi kadi kadubo bɔbwɛ bɔlɛ Yakob kaba kemmo. Ɔgagyii ɔdi ɔdubɔlɛ Israelƒuɔ akɔ, na ubo Moabƒuɔ batɔnkune ƒui uwi kalɔ, na ɔƒɛ Set bekyuli ƒui uwi kalɔ.

Mateo 11:10

Yohane ɔmɛni ndi ɔtu ɔni lɛlɔ na Bunweni Kedee Ɔku ɔmmɔ ɔ́su ɔ́siku uwi ɔni na Katɔti ɔ́su Ubidi ɔnini, “ ‘Ndubɔtala ɔtu ɔdi na ɔgyu ɔtɔ-ɔ na ɔklibi bekyuli ute ƒula bubo.’

Mateo 11:4

Amu na Yesu údie kenye ɔnini, “Binwini bisie na bitásu Yohane ala ani na biinú ku ani na bɛɛnu ka mɔɔbla.

Mateo 21:5

“Bɛsu Sion bekyuli bɛnii, ‘Bɛnu! Bina ɔga ɔdubo-mii kudɔ. Úboku lɛlɔ kalɔ na ulie ebuo ala utine ubi lɛlɔ ɔdubo.’ ”

Mateo 21:9

Amu na bekyuli bani ntɔ ku bani nkpɛ ƒui bése kalɔ baava taasu banii, “Yiidu! Ɔga Dawid Uwɔ ɔmmɔ ɔ́si ɔdubo o-o! Bimwi anwu ɔni ndubo na Blɔti lɛnyi kemmo! Hosiana!”

Marko 11:9

Bekyuli bani ntɔ ku bani nkpɛ ƒui baava taasu banini, “Hosiana! Bimwi anwu ɔni ndubo na Blɔti lɛnyi kemmo!

Luka 19:38

Na básu banii, “Bimwi Ɔga ɔni nási ɔdubo na Blɔti lɛnyi kemmo! Na keyi buɛɛ kaƒɔ Katɔ Ɔga Ɔma ƒui! Hosiana!”

Yohane 11:27

Ka Yesu úye-nwu lɛni ni, Marta údie kenye ɔnini, “Ɛɛn, Blɔti, lɛ́ƒɔ-ɔ lɛ́di ka awɔ ndi Ukyuli Ɔƒunadi ɔni ndi Katɔti Ubidi ɔni na básu bése ka ɔdubo kayawi.”

Yohane 12:13

Anwuɔsu béti kuke na bálɛ bésie bátásiaku-nwu. Na baava taasu banini, “Hosiana! Bimwi anwu ɔni ndubo na Blɔti lɛnyi kemmo! Bimwi Israelƒuɔ Ɔga!”

Yohane 16:14

Ɔdubɔya na bekyuli bakɔliku-mi lɛnyi katɔ, ɔsika lɛla lɛni na masu-nwu ni, ani na ɔdubuti ubasu-mii.

Yohane 4:21

Yesu údie kenye ɔnini, “Uleku, ƒɔ-mi litemi lɛni mɔɔsu-ɔ mɛni di ka ni, uwi ɔdubo ɔni na ɔɔɔdi kɔbi kɔmɛni lɛlɔ iye Yerusalem na ɔlɛka bɛkpa Katɔti.

Yohane 6:14

Amu ka bekyuli bammɔ bánu akɔla budie taatina bɔmɛni ni, básu banini, “Sɔsɔ anwu ndi Katɔti Kenye Udiene ɔni mebo kayawi.”

Yohane 7:31

Nsu bana akɔ pii báƒɔ-nwu bádi na béye banii, “Na si Ukyuli Ɔƒunadi ɔmmɔ úbo ni, ɔdubɔbla akɔla budie bɔtina butulo ani na ukyuli ɔmɛni ɔ́ɔbla?”

Hebriƒuɔ 10:37

Ɔsika Bunweni Kedee Ɔku ɔ́su ɔnini, “Kébu blii na ukyuli ɔni ndubo mmɔ ɔda ɔlɛ ɔni na ɔsɔ uletu uwi.