Mateo 10:3 - Katɔti Ɔku Kedee

³ ku Ƒilipo ku Bartolomeo ku Toma ku kuyi ɔƒɔne Mateo ku Yakobo ɔni ndi Alƒeo ubidi ku Tadeo

Mateo 10:3 ပူးပေါင်းရင်းမြစ်များ

Mateo 18:17

Na si mmɔ lɛnɔ útenu kalɔ ni, ya na baƒɔtaadine lɛkpa lɛmmɔ bati. Na si mmɔ lɛnɔ útenu lɛlɔ kalɔ ni, die-nwu atu aani ukyuli ɔni na útaƒɔ útadi iye likpidi ɔblane ɔni na útenwini kayi.

Mateo 27:56

Bana badi ndi Maria Magdalene, ku Maria ɔni ndi Yakobo ku Yoseƒ uni, ku Yohane ku Yakobo uni.

Mateo 9:9

Amu ka Yesu ɔ́si mmɔ úsela ni, ɔ́nu kuyi ɔƒɔne ɔdi na baalɔ banii Mateo ka ɔ́kya nwuna kabla kablakɔ. Na ɔ́su-nwu ɔnini, “Siaku-mi kama.” Mmɔ kani na Mateo ɔ́ta na ɔ́siaku-nwu kama.

Marko 15:40

Beleku badi lɛnɔ benye ɔgyu na baanu. Bana akɔ badi ndi Maria Magdalene ku Salome ku Maria ɔni bebi ndi Yakobo ɔnamudi ku Yose.

Marko 2:14

Ka úti úsela ɛpu kudɔ mmɔ ni, útánu Lewi ɔni ndi Alƒeo ubidi ka ɔ́bla keliekɔ kadi na ulie mmɔ ɔɔƒɔ́ kuyi. Amu na Yesu ɔ́su-nwu ɔnini, “Bo basiaku-mi kama.” Amu na Lewi úmi ɔ́ta kɔnakunwi na ɔ́siaku-nwu.

Luka 18:10

Na ɔ́su ɔnii, “Uwi ɔdi kemmo ni, nkyuli inyɔ badi bésie Katɔti kakpakɔ banii batákpali katɔ. Unwi ɔdi Ƒarisini na ɔkladi ɔdi kuyi ɔƒɔne.

Luka 18:11

Ƒarisini ɔmmɔ ɔ́ta anwu lɛti na útákpali katɔ ɔnini, ‘Katɔti mɔɔgyá-a enu, ɔsika liiibo egulabi lɛnungyie, na liiibo likyulikpi, na naaadi kɔsɔnɔ aani bekyuli bakladi kalɛ. Na mɔɔgyá-a enu lɛnɔ, ɔsika liiise aani kuyi ɔƒɔne ɔni ngye lɛnɔ kalɛ.

Luka 18:13

“Nsu kuyi ɔƒɔne ɔmmɔ anwu únye ɔgyu ɔgyu na uláwia ɔnii ɔɔkɔliku nwuna lili muedi katɔ. Nsu úti nwuna enu úwi kayi na ɔ́su ɔnini, ‘Katɔti, nu ami alaekpidi ɔblane kɔnyana!’ ”

Luka 19:2

Mmɔ na kuyi baƒɔne unengu ɔdi baalɔ banii Sakeo ɔ́kya, na ubo egulabi geen.

Luka 5:27

Ɔmmɔ kama ni, Yesu ɔ́vi ɔ́lɛ ɔtɔ ɔmmɔ kemmo na útánu kuyi ɔƒɔne ɔdi baalɔ banii Lewi ka ɔkya nwuna kabla kablakɔ. Amu na Yesu ɔ́su-nwu ɔnini, “Ta, na asiaku-mi.”

Yohane 1:48

Natanael úye-nwu ɔnini, “Dɛ na ábla na agyi ukyuli ɔni udu na ndi?” Yesu údie kenye ɔnini, “Mɔɔnu-ɔ kukuuku na kɔdingyii kɔni kalɔ na eli asa na Ƒilipo úbo úbalɔ-ɔ.”

Yohane 11:16

Amu na Toma ɔni baalɔ Nta Ubi mmɔ ɔ́su nwuna banwani batɛyane bakladi ɔnini, “Bɛya na bula ƒui bɔsiaku ala ɔtinane kalɛ na abu lɛnɔ bukpiku-nwu!”

Yohane 14:22

Amu na Yuda ɔni naaadi Iskariot ubidi ɔmmɔ úye Yesu ɔnini, “Blɔti, dɛ na ɔdubɔbla na abu kani na adubudie lɛlɔ atina, na bayawine balanu-ɔ?”

Yohane 14:5

Amu na Toma ɔ́su-nwu ɔnini, “Blɔti, bɔɔɔgyi kesii kani na ésela. Anwuɔsu bulati ulu ɔni lɛlɔ na bɔdubɔsia asa na bubo-ɔ kudɔ.”

Yohane 14:9

Mmɔ na Yesu údie kenye na úye-nwu ɔnini, “Ɔ́si uwi gyɔlɔɔ ɔni ƒui na lɛ́ɛkya-mii kudɔ mɛni ni, bɔsu na amu ada anii aaagyi-mi? Ƒilipo, ukyuli ɔni náanu-mi dii ni, ɔ́ɔnu Ati lɛnɔ. Na bi ɔsu na asɔ aasu-mi anii, ‘Tina-bu Ati ɔmmɔ’?

Yohane 21:2

Limeyi lɛdi ni, Simon Petro ku Toma ɔni baalɔ Nta Ubi ku Natanael ɔni nási Kana na Galilea kalɔ lɛlɔ ku Sebedeo bebi ku Yesu batɛyane inyɔ babambadi badi benye.

Batalane Kabla 1:13

Ka bétéduo ɔma kemmo ni, bésie bétéduo bana kakyakɔ. Na bekyuli bani nli mmɔ ndi Petro ku Yohane ku Yakobo ku Andrea ku Ƒilipo ku Toma ku Bartolomeo ku Mateo ku Yakobo ɔni ndi Alƒeo ubidi ku Simon ɔni basɔ baalɔ Selote ku Yakobo ubidi Yuda.

Batalane Kabla 12:17

Amu na ɔ́ya na bába lɛsɛ. Na ɔ́su-ma ala ani nébo ku kalɛ na Unwoti úbedie-nwu ɔ́lɛku ɔtɔ kemmo. Na ɔ́su-ma ɔnii basu Yakobo ku bakladi lɛla lɛni nálɛ. Ɔmɛni kama ni, ɔ́tɔlɔ mmɔ úsie kesii bamba.

Batalane Kabla 15:13

Uwi ɔni na ama báwɔlɔ ni, Yakobo lɛnɔ ɔ́ta únye na ɔ́su ɔnini, “Banwa, bɛkywɛ atu na binu.

Batalane Kabla 21:18

Na ka kadi kégye ni, Paulo útiku-bu na búsie bútánu Yakobo ku Yerusalem baƒɔtaadine benengu.

Galatiƒuɔ 1:19

Ɔmmɔ kama lɛ́sɔ ńtanu ɔtalane ɔdi lɛnɔ, amu ntu Yakobo ɔni ndi Blɔti ɔnwani kani.

Galatiƒuɔ 2:9

Na ka Yakobo ku Petro ku Yohane bani nnye baƒɔtaadine lɛkpa lɛmmɔ kenye geen aani batɔnkune kalɛ bánu Katɔti kabla kani na úti ɔ́kya-mi enu kemmo mɛni báti ni, bégyingya enu na báƒɔ ami ku Barnaba. Na bénu kalɔ ka abu buteesie butásu litemi buni lɛmmɔ bute bani naaadi Yudaƒuɔ, na ama lɛnɔ bataasu-ni teete Yudaƒuɔ.

Yakobo 1:1

Ami Yakobo ɔni ndi Katɔti ku Blɔti Yesu Kristo kabla ɔblane muugyele amii Katɔti bekyuli ƒui bani négyingya bakya kayawi ekpo ekpo ƒui.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.