Mateo 10:2 - Katɔti Ɔku Kedee

² Batalane bammɔ anyi ndi amɛni. Simon ɔni basɔ baalɔ Petro ku ɔnwani Andrea ku Yakobo ku ɔnwani Yohane bani ndi Sebedeo bebi

Mateo 10:2 ပူးပေါင်းရင်းမြစ်များ

Mateo 17:1

Emeyi aku kama ni, Yesu útiku Petro ku Yakobo ku ɔnwani Yohane úsienku kɔbi kɔdi nákuku lili. Na bátákya mmɔ ama lɛti.

Mateo 20:20

Amu na Sebedeo ulekudi útiku nwuna bebi inyɔ úsienku Yesu kudɔ ɔnii útevele-nwu kebunku.

Mateo 26:37

Úti ku Petro ku Sebedeo bebi inyɔ bammɔ ɔ́da. Na ka bákɛ ni, kɔyɔ kúwi-nwu na lɛƒɛda lɛ́ƒɔ-nwu lɛlɔ kemmo.

Mateo 4:18

Na ka Yesu ɔkɛ Galilea Ɛpu kɔtu ni, ɔ́nu banwani inyɔ badi bani ndi asawu bewine. Ama ndi Simon ɔni baalɔ Petro ku ɔnwani Andrea ka bada asawu beedie lɛna na Ɛpu ɔmmɔ kemmo.

Mateo 4:21

Amu ka úsie blii ni, ɔ́sɔ ɔ́nu banwani inyɔ badi bani baalɔ Yakobo ku Yohane bani ndi Sebedeo bebi. Ama ku bana ɔti Sebedeo ɔmɛni bakya ɔkɔlɔ kemmo baaklibi bana lɛsawu asa na Yesu ɔ́lɔ-ma.

Marko 1:29

Yesu ku nwuna batɛyane ku Yakobo ku Yohane bálɛ kasalakɔ mmɔ, na bátɔlɔ bésie Simon ku Andrea kaduli.

Marko 13:3

Yesu úsie ulie kɔbi kɔni lɛlɔ na nnɔ egyii akya mmɔ lɛlɔ. Na mmɔ ni, ɔɔnu kakpakɔ ɔtɔ ɔvi ɔni ngye. Amu na Petro ku Yakobo ku Yohane ku Andrea lɛti bébo-nwu kudɔ na béye-nwu banini,

Marko 6:30

Batalane bani na Yesu ɔ́tala na bátávi amadɔ mmɔ ni, básɔ bénwini bébo na básu-nwu ala ani ƒui na bátábla ku ala ani na bátátina na bana ulu ɔni na bésie kemmo.

Luka 11:49

Ɔmɛni ɔsu na Katɔti lɛnunda lɛ́su lɛnii, ‘Ndubɔtala Katɔti kenye bediene ku batu lɛkya-ma na badubɔdu badi na badubukpoku bakladi.’

Luka 22:14

Ka uwi ɔmmɔ údu ni, Yesu ku nwuna batalane bésie bétélie kalɔ kalɛ na badi.

Luka 22:8

Na Yesu ɔ́tala Petro ku Yohane ku kenye kamɛni ɔnini, “Bisie na bitáklibi Kukpi Lili Bɔvia adila bise kalɛ na bɔdi.”

Luka 5:10

Lɛni kani na ɔ́bla Simon bakpana Yakobo ku Yohane bani ndi Sebedeo bebi lɛnɔ. Amu na Yesu ɔ́su Simon ɔnini, “Tayia. Ɔ́si ɔƒɛni úsela ni, bɛdubuteedie bekyuli teete Katɔti.”

Luka 9:10

Batɛyane bammɔ bénwini bébo na bábasu Yesu ala ani ƒui na bábla. Amu na útiku-ma na bátɔlɔ bésie ɔma ɔni baalɔ banii Betsaida kakɛ.

Yohane 12:22

Mmɔ na Ƒilipo úsie útásu Andrea, na bana inyɔ bakɛ bésie bátásu Yesu.

Yohane 13:23

Na batɛyane bammɔ akɔ unwi ɔni na Yesu ɔɔyɔ́ ni, úlie ude Yesu.

Yohane 20:2

Anwuɔsu úkeli úsie Simon Petro ku ɔtɛyane ɔni na Yesu ɔɔyɔ́ mmɔ kudɔ. Na útásu-ma ɔnini, “Bekyuli badi bétédie Blɔti na kaƒiɔtɔ kammɔ kemmo bátɔlɔku. Na bɔɔɔgyi kesii kani na béti-nwu bétése!”

Yohane 21:2

Limeyi lɛdi ni, Simon Petro ku Toma ɔni baalɔ Nta Ubi ku Natanael ɔni nási Kana na Galilea kalɔ lɛlɔ ku Sebedeo bebi ku Yesu batɛyane inyɔ babambadi badi benye.

Yohane 21:20

Amu ka Petro ɔ́tu únwini ni, ɔ́nu ɔtɛyane ɔni na Yesu ɔɔyɔ́ mmɔ. Anwu ndi ɔtɛyane ɔni nábu úsie Yesu kudɔ uwi ɔdi návi ɔni na baadiku-nwu adila ekplodi na úye Yesu ɔnini, “Blɔti, ɔma ndubo-ɔ kakya bɔkya?”

Yohane 21:24

Ɔtɛyane ɔni lɛlɔ litemi na bɔɔsu mɛni ndi ami ɔni násu ala amɛni. Na línweni-nya líse lɛnɔ. Na baƒɔtaadine ƒui bagyi ka ala ani kenye na muudie mɛni adi litemi geen.

Yohane 6:67

Amu na Yesu úye nwuna batalane leevu-inyɔ bammɔ ɔnini, “Amii lɛnɔ bɛɛwia ka bɛsɔ binwini yoo?”

Yohane 6:70

Amu na Yesu údie kenye ɔnini, “Ami náƒuna bina leevu-inyɔ bamɛni ina ka bina akɔ unwi ɔdi ukisine.”

Yohane 6:71

Yesu ɔ́su ɔmɛni ɔ́siku Yuda ɔni ndi Simon Iskariot ubidi lɛlɔ. Ɔsika na bana leevu-inyɔ akɔ ni, anwu ndubo-nwu kakya bɔkya.

Yohane 6:8

Amu na Yesu batɛyane akɔ unwi ɔni ndi Andrea na ɔdi Simon Petro ɔnwani ɔ́su-nwu ɔnini,

Batalane Kabla 1:13

Ka bétéduo ɔma kemmo ni, bésie bétéduo bana kakyakɔ. Na bekyuli bani nli mmɔ ndi Petro ku Yohane ku Yakobo ku Andrea ku Ƒilipo ku Toma ku Bartolomeo ku Mateo ku Yakobo ɔni ndi Alƒeo ubidi ku Simon ɔni basɔ baalɔ Selote ku Yakobo ubidi Yuda.

Batalane Kabla 1:26

Na ka bátu egulabi bánu na nkyuli inyɔ bamɛni lɛlɔ ni, Matia ɔdi nénwini úwi na béti-nwu bébunku nkyuli leevu-unwi bammɔ.

Batalane Kabla 12:2

Amu na ɔ́ya na békulo Yakobo lili ɔni ndi Yohane ɔnwani.

Batalane Kabla 3:1

Limeyi lɛdi ni, Petro ku Yohane bésie Katɔti kakpakɔ uwi ɔni na Yudaƒuɔ beesié taatákpali katɔ. Ɔbla aani lɛdɔ ɛtɛ kemmo.

Korintoƒuɔ 1 15:7

Na ɔmmɔ kama údie lɛlɔ ɔ́tina Yakobo ku batalane bammɔ ƒui.

Eƒesoƒuɔ 4:11

Anwu néti etela úte bekyuli na údie badi ka babla batalane, na badi lɛnɔ badi kenye bediene, na badi lɛnɔ badi lɛsa bakɔne, na badi lɛnɔ badi baƒɔtaadine lɛlɔ banune ku ala batinane.

Hebriƒuɔ 3:1

Anwuɔsu ni, banwa kedee bani na Katɔti ɔ́lɔ ka bɛdi Katɔ Ɔga Ɔma ala, biti bina anu bɛsia Yesu ɔni ndi ɔtalane ku ɔkpane unengudi ɔni kenye na buudie lɛlɔ.

Petro 1 1:1

Ami Petro ɔni ndi Blɔti Yesu Kristo ɔtalane muunweni ɔku ɔmɛni lite Katɔti baƒɔtaadine bani nátɔlɔ bana lɛma bésie belie Romaƒuɔ kɔlɔ kɔni ndi Ponto ku Galatia ku Kapadokia ku Asia ku Bitinia lɛlɔ.

Petro 2 1:1

Ami Simon Petro ɔni ndi Yesu Kristo kabla ɔblane ku ɔtalane ni, ami muunweni ɔku ɔmɛni lite amii baƒɔtaadine ƒui bani na abu ku-mii ƒui bɔdi benwi ku Katɔti. Na ɔ́ya na bula ƒui bɔ́ƒɔ bula Ɔti ku Ɔƒɔne Yesu Kristo ɔni nse siin bɔ́di.

Yohane 2 1:1

Ami baƒɔtaadine unengu muunweni ɔku ɔmɛni lite awɔ uleku ɔni na Katɔti ɔ́ƒuna aani nwuna ɔdi ku ƒula bebi. Mɔɔyɔ́-mii na litemi geen lɛmmɔ kemmo. Na ɔɔɔdi ami lɛti mɔɔyɔ́-mii, mmomu ami ku bani ƒui ngyi litemi geen lɛmmɔ.

Yohane 3 1:1

Ɔkpana ɔyɔne Gaio, ami baƒɔtaadine unengu muunweni ɔku ɔmɛni lite-ɔ. Mɔɔyɔ́-ɔ na litemi geen lɛmmɔ kemmo.

Budie Taatina 1:1

Ɔku ɔmɛni ndi ala ani na Katɔti údie ɔ́tina nwuna kabla bablane ɔkɛnku Yesu Kristo lɛlɔ ka adubo bɔlɛ na uwi klukui kemmo. Báti ɔmɛni ɔkɛnku Katɔti ɔtu ɔni na Kristo ɔ́tala ɔ́kya nwuna kabla ɔblane Yohane na ala ani na údie ɔ́tina-nwu kemmo.

Budie Taatina 1:9

Banwa, bɔdi bavinkpana ka buliku Yesu ɔsu. Na ami ku-mii ƒui bunye lɛbibo kenye kpakplaa na kayawi kamɛni kemmo, na bɔɔdi Katɔ Ɔga Ɔma ala. Ńtaakɔ Katɔti litemi buni lɛni nkɛnku Yesu Kristo lɛlɔ lɛsa na ulu lɛlɔ. Nsu ka bekyuli balayɔ lɛni ɔsu ni, béti-mi bétése ntuntɛ kalɔ kani baalɔ Patmo.

Budie Taatina 18:20

Amii bani nkya katɔ ƒui lɛlɔ lɛyɔ-mii. Na amii Katɔti bekyuli ƒui ku batalane ku Katɔti kenye bediene ni, lɛlɔ lɛyɔ-mii! Ɔsika Katɔti ɔ́tɛku ɔma ɔmmɔ litemi na lɛla lɛni na ɔ́bla-mii ɔsu!’ ”

Budie Taatina 22:8

Ami Yohane ni, ami ndi ukyuli ɔni nénu na lɛ́nu ala amɛni ƒui. Na uwi ɔni na línu na lɛ́nu-nya ni, lɛ́yu líbi kalɔ na Katɔti ɔtu ɔni nédie ala amɛni ɔ́tina-mi lɛgba akɔ na límwi-nwu aani Katɔti.