Marko 9:7 - Katɔti Ɔku Kedee

⁷ Amu na ɔdi úbewi bana ƒui lɛlɔ, na lɛdi lɛdi lɛ́su lɛnini, “Ɔmɛni ndi mina ubi ɔyɔne. Bise atu na binu-nwu litemi!”

Marko 9:7 ပူးပေါင်းရင်းမြစ်များ

Kɔgya 2:7

Ɔmmɔ kama ni, Ɔga Ɔƒunadi ɔmɛni ɔ́su ɔnini, “Ndubɔkɔ lɛsa na Unwoti lɛla lɛni na úse kenye úte-mi lɛlɔ ɔnini, ‘Awɔ ndi mina ubi. Na ɔmwi ni, línwini-ɔ ɔti.

Kɔgya 97:2

Ulɔyɔ litigbli suu lɛdi lɛ́ka lɛ́mana-nwu. Na nwuna lɛga kadikɔ kenye kete ka ɔbla ala siin, na ɔtɛ litemi ulu lɛlɔ.

Israelƒuɔ Bɔlɛ 24:16

Na Unwoti bukeye bonwu búbaƒɔ Sinai kɔbi kɔmmɔ lɛlɔ. Na emeyi aku sɔɔn na liƒlukutu lɛmmɔ lɛ́kya kɔbi kɔmmɔ lɛlɔ mmɔ. Na limeyi maatɛdi ni, Unwoti ɔ́kpali Mose ɔ́siku liƒlukutu lɛmmɔ kemmo.

Israelƒuɔ Bɔlɛ 40:34

Amu na liƒlukutu lɛdi líbebi Kevo Kasakɔ kammɔ lɛlɔ na Unwoti bukeye bɔ́ƒɔ ɔtɔ ɔmmɔ kemmo ƒui.

Daniel 7:13

Ntɛ mɔɔnu ala ani ƒui mɔɔlɛ́ usien ɔmmɔ, na lɛ́nu ukyuli ɔdi ɔni nse aani ɔyawine ubi na ɔ́si ɔdubo na ulɔyɔ kemmo na kayaa. Na bébeti-nwu bétényene Katɔti ɔni nli uwi ƒui anumi.

Mateo 27:43

Ɔ́sia Katɔti anu, na ɔɔlɔ lɛlɔ ɔnii Katɔti Ubidi. Na si Katɔti ɔɔyɔ́ ni, ɔdubɔƒɔ-nwu ɔƒɛni kani bɔnu!”

Mateo 27:54

Na uwi ɔni na bekpone unengu ku bekpone bani nnye mɔɔgyumana Yesu bánu kalɛ na kalɔ kákunku ku ala ani nálɛ ƒui na mmɔ ni, ɔtɔtɔ ɔ́gyu-ma na liƒu lɛ́da-ma geen! Na básu banii, “Sɔsɔ na ukyuli ɔmɛni ɔdi Katɔti Ubidi.”

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Marko 1:11

Na lɛdi lɛdi lɛ́si Katɔ lɛɛsu lɛnii, “Awɔ ndi mina ubi ɔni náƒɔ-mi kuye, na kubiti kɔɔda-mi ƒula lɛlɔ.”

Marko 9:8

Bátɛ anu bámana, nsu bátanu ukyuli ɔdi ntu Yesu ɔni nnye-ma kudɔ kani.

Luka 3:22

Na Katɔti Kɔyu kɔ́yu kúbo kúbelie-nwu lɛlɔ aani abloduma kalɛ. Amu na bénu Katɔti lɛdi ka lɛ́si katɔ lɛnini, “Awɔ ndi mina Ubi Ɔyɔne. Aaƒɔ́-mi anu geen.”

Yohane 1:34

Na lɛ́nu ka ɔ́lɛ lɛni na ukyuli ɔmɛni lɛlɔ. Na mɔɔsu-mii geen ka anwu ndi Katɔti Ubidi ɔmmɔ.”

Yohane 1:49

Natanael ɔ́su-nwu ɔnini, “Rabi, awɔ ndi Katɔti Ubidi. Awɔ ndi Israelƒuɔ Ɔga.”

Yohane 12:28

Anwuɔsu mɔɔsu nnii, ‘Ati, ya na bekyuli bakɔliku ƒula lɛnyi katɔ.’ ” Mmɔ ni, bénu butemi bɔdi básiku kayaa ka bɔɔsu bɔnini, “Lɛ́ɛya na bekyuli bákɔliku mina lɛnyi katɔ. Na nsɔ ndubo bɔya na bakɔliku-mi lɛnyi katɔ bebu.”

Yohane 19:7

Amu na bekyuli lisu lɛmmɔ básu banini, “Bubo ɔda bubo bɔni mɔɔtina ka ɔlɛka ukpi. Ɔsika ɔ́su ɔnii ɔdi Katɔti Ubidi.”

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Yohane 5:18

Ɔmɛni bɔsu ɔsu ni, Yudaƒuɔ benengu básɔ báwia ulu bébu ka badu-nwu. Ɔsika na lɛnwunameyi ɔda bubo lɛlɔ tadi kama ni, ɔ́sɔ ɔ́tɛmi ɔ́siku Katɔti lɛlɔ aani Ɔti kalɛ. Na ɔmɛni ɔɔtina ka anwu ku Katɔti bese likeke.

Yohane 5:37

Na mina Ɔti ɔni nátala-mi lɛnɔ údie kenye ɔ́tina-mii ɔ́si mina lɛlɔ ina ka bítenu-nwu lɛdi iye útedie lɛlɔ útatina-mii anumi ku anumi.

Yohane 6:69

Na abu bɔ́ɔƒɔ bɔdi na bɔ́ɔnu bɔ́ti ka awɔ ndi Katɔti Ubidi Kedee ɔmmɔ.”

Yohane 9:35

Ka Yesu únu ka bábɔku-nwu bédie mmɔ ni, ɔ́wia ɔnana ɔmmɔ ɔ́nu. Na úye-nwu ɔnini, “Áƒɔ Ukyuli Ɔyawine Ubi ádi?”

Batalane Kabla 1:9

Na ɔmɛni bɔ́su kama ni, Katɔti úti-nwu ɔ́kɔliku katɔ na benye baanu-nwu útédu ka úduo kemmo na ɔ́yii-ma anumi.

Batalane Kabla 7:37

“Mose ɔmmɔ ɔlatidi násu Israelƒuɔ ɔnini, ‘Katɔti ɔdubudie kenye udiene ɔdi aani ami kalɛ, na ɔdubudie-nwu ɔlɛku bina kaba kemmo.’

Batalane Kabla 8:36

Amu na uwi ɔni na bakɛ bésela ni, bátánu ntu bɔdi ka bunye likpo lɛdi na ulu kudɔ mmɔ. Na unengu ɔmmɔ ɔ́su Ƒilipo ɔnini, “Aanu ntu bɔdi. Bi ɔsu na naaakana Katɔti ntu bɔkpila ɔdi ɔmmɔ bɔƒɔ?” Amu na Ƒilipo ɔ́su-nwu ɔnini, “Si áƒɔ ádi ku ƒula kayi ƒui ni, adubɔkana.”

Romaƒuɔ 1:4

Na ɔkɛnku Katɔti Kɔyu lɛlɔ ni, Katɔti údie-nwu ɔ́tina bekyuli ku ɔyikun bonwu ka ɔdi ubidi ɔni na ɔ́gyila ɔ́lɛku bekpine akɔ.

Hebriƒuɔ 2:1

Ɔmɛni ɔsu na ɔdi ka bɔbla bɔsiaku ala ani na búnu lɛlɔ kaduɛ na bɔda-nya kpakplaa kalɛ na bulayii ulu geen ɔmmɔ.

Petro 2 1:17

Na bunye mmɔ uwi ɔni na Katɔti úti ɔbu úte-nwu na ɔ́ya na uukeye ku uwi ɔni na Katɔti ɔmmɔ lɛdi lɛ́si katɔ na nwuna lɛgadi bukeye kemmo lɛnini, “Ɔmɛni ndi mina Ubi ɔni mɔɔƒɔ́-mi anu.”

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Budie Taatina 1:7

Bɛnu! Aanu-nwu ka ɔ́si kayaa ɔdubo na kemmo! Ukyuli biala ɔdubo-nwu bɔnu ku bani ƒui nábla-nwu kalala. Kayawi bekyuli ƒui badubuwulo kɔnyana ku keku. Ɔsia lɛni.