Marko 9:4 - Katɔti Ɔku Kedee

⁴ Amu na nwuna batɛyane ɛtɛ bamɛni bánu ka Mose ku Elia báda bálɛ na baatɛmiku Yesu.

Marko 9:4 ပူးပေါင်းရင်းမြစ်များ

Mateo 11:13

Na Mose ɔda bubo ku Katɔti kenye bediene básu Katɔti litemi úbalɛ Yohane uwi lɛlɔ.

Marko 9:3

Na nwuna awu uukeye na ɔ́ƒuala ƒututuu ɔni na uukeye teetulo kalɛ na ukyuli ɔyawine ɔdubɔkana lɛla lɛdi bɔƒɔ na ntu kemmo na ukeye.

Marko 9:5

Liƒu lɛ́da Petro ku bakladi bammɔ ɔni na bátati lɛla lɛni na basu. Amu na Petro ɔ́su Yesu ɔnini, “Ala ɔtinane, bula mɛni bubo bɔdia geen! Ya bɔtu nvo ɛtɛ. Kenwi kadi ƒula kadi, na kenwi kadi Mose kadi, na kenwi lɛnɔ kadi Elia kadi.”

Luka 24:27

Na Yesu údie ala ammɔ kalɔ úte-ma ɔ́si ala ani na bénweni bákya Bunweni Kedee Ɔku kemmo ɔ́si Mose ɔku ku ala ani ƒui na Katɔti kenye bediene bénweni ɔkɛnku anwu Yesu ɔmmɔ lɛlɔ.

Luka 24:44

Amu na ɔ́su-ma ɔnini, “Ala amɛni lɛlɔ kɔtɛ geen na lɛ́tɛmiku-mii ɔni na lɛ́kya-mii kudɔ. Ala ani ƒui na bénweni na Mose ɔda bubo ɔku kemmo ku Katɔti kenye bediene ala ani bénweni ku kɔgya ɔku kemmo ni, ɔlɛka ebo-nwu kemmo lɛni.”

Luka 9:19

Amu na bédie kenye banii, “Badi baasu banii awɔ ndi Ntu Ɔkpilane Yohane. Na badi lɛnɔ banii awɔ ndi Elia. Na badi lɛnɔ baasu taatina banii Katɔti kenye bediene bakukudi bammɔ akɔ unwi násɔ únwini úbo uli ngba.”

Yohane 5:39

Bɛɛtɛya Bunweni Kedee Ɔku kemmo ala uwi biala ku kakali ka si bɛ́bla lɛni ni, bɛdubɔkɛ ngba bɔni nsɔ naaadu bɔsa kudii. Na ɔku ɔmmɔ geen muudie kenye taasiku-mi lɛlɔ.

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”