Marko 9:12 - Katɔti Ɔku Kedee

¹² Yesu ɔ́su-ma ɔnii, “Sɔsɔ na básu. Elia na ɔlɛka ɔka bubo kalɛ na wabaklibi lɛla biala wese. Nsu Bunweni Kedee Ɔku lɛnɔ ɔ́su ka Ukyuli Ɔyawine Ubi ɔdububo abi pii na badubudumi-nwu. Dɛ bɛɛkali ka ɔmɛni lɛnɔ kalɔ kaatina?

Marko 9:12 ပူးပေါင်းရင်းမြစ်များ

Kɔgya 74:22

O Katɔti, ta na edie lɛlɔ kenye na bekyuli benu. Na tayiƒala kalɛ na badɔlɔdi bamɛni baamá-a uwi ndi uwi.

Yesaia 49:7

Ɔmmɔ kama ni, Unwoti ɔni ndi Israel Katɔti Kedee ɔni lɛnɔ ndi bana ngba ɔƒɔne ɔ́su nwuna kabla ɔblane ɔni na bekyuli béni na beekisi-nwu kpakplaa ɔsu na únwini ɔɔbla-ma kabla ɔnini, “Baga badubɔnu-ɔ na bata benye na bagabi badubɔnu-ɔ na bakya-a lili kalɔ, ɔsika ami Israel Unwoti Kede ɔni náƒuna-a mɔɔdi mina litemi lɛlɔ.

Yesaia 50:6

Mɔɔda mina kama teese na beebó kugyiimi na baagyɔ-mi keduo linwini. Na ina ka bédumi-mi na bétuo lisuo béwi-mi anumi muedi ni, ńtedeyi ńtesie kɔmadɔ kesii bamba kadi.

Yesaia 52:14

Liƒu bonwu lɛ́da bekyuli pii na lɛla lɛni nálɛku-nwu ɔsu. Na bani ƒui nánu-nwu ni, liƒu lɛ́da-ma lítulo, ɔsika úbo abi na nwuna bɔnu bɔsɔ bulátina aani si ukyuli na ɔsɔ ɔdi muedi.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Malakai 4:6

Na ɔdubɔtɔnku bebi ku bawɔne na bataayɔ lɛlɔ teetulo ɔƒɛni, kalɛ na si líbo ni, na neeebo naaabayila kalɔ kammɔ ƒui udu.”

Mateo 16:21

Ɔ́si uwi ɔmmɔ kemmo ni, Yesu úse kalɔ ɔɔsu nwuna batɛyane bammɔ nwaa ɔnii, “Ɔlɛka lisie Yerusalem na ntébo abi na kadi benengu ku bakpane benengu ku ɔda bubo ala batinane enu kemmo. Badubɔdu-mi. Nsu limeyi lɛtɛdi lɛlɔ ni, Katɔti ɔdubɔgyila-mi ɔlɛku kekpine na nsɔ mbelie ngba.”

Mateo 26:24

Ami Ukyuli Ɔyawine Ubi ndubukpi aani kalɛ na Bunweni Kedee Ɔku ɔ́su. Nsu ni, bɔbuɛ muute ukyuli ɔni na ndubɔkya-mi kakya. Si nka bátawɔ-nwu muedi ni, na nka ɔdia-nwu utulo.”

Marko 10:33

Ɔ́su-ma ɔnini, “Binu! Búsela Yerusalem kesii kani na badubuti ami, ɔni ndi Ukyuli Ɔyawine Ubi, bakya bakpane benengudi ku ɔda bubo ala batinane enu kemmo. Badubɔdu-mi kukpi kɔtɔ na beti-mi bakya Romaƒuɔ lɛkɔkɔ.

Marko 9:13

Mɔɔsu-mii ka Elia ɔmmɔ úubo. Nsu bekyuli bátabu-nwu kaduɛ. Mmomu bábla-nwu kalɛ na ama baayɔ́. Lɛla lɛmɛni líbalɛ aani kalɛ na Katɔti kenye bediene bénweni bése na Bunweni Kedee Ɔku kemmo básiku-nwu lɛlɔ.”

Marko 9:31

ɔsika ɔkya ɔɔtina nwuna batɛyane ala. Ɔ́su-ma ɔnini, “Ukyuli ɔdi ɔdubo Ukyuli Ɔyawine Ubi kakya bɔkya na uti-nwu ute bekyuli na badu-nwu. Na limeyi lɛtɛdi lɛlɔ ni, ɔsɔ ɔdubɔta na ulie ngba.”

Luka 1:76

Na awɔ, mina ubi ni, badubɔlɔ-ɔ banii Katɔti Ɔni Ntulo Ƒui Kenye Udiene. Awɔ ndubo bɔgyu bɔtɔ na Blɔti lɛtɔtɔ kalɛ na aklibi ulu ese ete nwuna bubo.

Luka 23:11

Herode ku nwuna bekpone báma Yesu na bédumi-nwu. Na béti awu gyɔlɔɔ ɔbuni ɔdi bákya-nwu aani ɔga kalɛ, na básɔku-nwu bémene Pilato.

Luka 23:39

Bekyuli bekpidi bani lɛnɔ na bákana bámana ligyii lɛlɔ mmɔ akɔ unwi ɔkya uudumi Yesu ɔnini, “Ɔɔɔdi awɔ ndi Ukyuli Ɔƒunadi ɔmmɔ? Kpo die lɛlɔ, na edie abu lɛnɔ!”

Batalane Kabla 1:6

Ɔmɛni ɔsu ka batalane bamɛni ku Yesu básɔ bása ni, béye-nwu banini, “Unwoti, ɔƒaani na aawia ka asɔku Israel lɛga kadikɔ ese yoo?”

Batalane Kabla 4:11

Na Yesu ɔmmɔ lɛlɔ na Bunweni Kedee bɔɔsu taasiku bɔnii, “ ‘Lɛtabi lɛni na amii batune bíni bɛ́va ni, ani nébo líbenwini lɛtabi lɛni náƒɔ kuye lítulo na atabi ƒui akɔ.’