Marko 8:34 - Katɔti Ɔku Kedee

³⁴ Amu ka Yesu ɔ́lɔ bekyuli lisu lɛmmɔ ku nwuna batɛyane úboku nwuna kudɔ ni, ɔ́su-ma ɔnini, “Si ukyuli ɔdi ɔɔyɔ́ ka ɔsiaku-mi kama sɔsɔ ni, ɔlɛka udie nwuna lɛlɔ atu, na ubo abi na ɔsiaku-mi kama.

Marko 8:34 ပူးပေါင်းရင်းမြစ်များ

Baga 1 14:8

Na líle Ɔga Dawid lɛga kemmo na líti líte-ɔ. Nsu átabla aani mina kabla ɔblane Dawid ɔni nádi mina ɔda bubo lɛlɔ. Na úti nwuna kayi ƒui ɔ́siaku-mi kama. Na ɔ́bla ala ani kani nse siin na mina anumi.

Bumomo Bɔka 14:24

Nsu ka mina kabla ɔblane Kaleb anwu úbo kɔyu kɔni návumana na úti nwuna kayi ƒui ɔsiaku-mi kama ɔsu ni, ndubuti anwu ku nwuna kaba bekyuli na betéduo kalɔ kammɔ kemmo na badubo kalɔ kammɔ ala bɔdi.

Mateo 10:38

Ukyuli biala na ulayɔ ka ɔsiaku-mi kama na ubo abi aani ami kalɛ ni, útamanku ka ɔbla mina ɔtɛyane.

Mateo 16:24

Amu na Yesu ɔ́su nwuna batɛyane ɔnini, “Si ukyuli ɔdi ɔɔwia ka ɔsiaku-mi kama ni, ɔlɛka udie nwuna lɛlɔ atu na ubo abi na ɔsiaku-mi kama.

Mateo 27:32

Uwi ɔni na bási ɔma kemmo bakɛ bésela ni, básiaku ɔnana ɔdi ɔni nási Kirene na baalɔ-nwu banii Simon. Bekpone bammɔ béƒie-nwu banii ɔlɛka ubunku Yesu ugyii ɔmmɔ buti.

Marko 10:21

Yesu ɔ́nu-nwu ku bɔyɔ na ɔ́su-nwu ɔnini, “Lɛlakpa linwi kani nébu-ɔ bɔbla. Teesie na etéti ala ani na ebo ƒui eye na eti egulabi ammɔ ete bawabane, na adubunwini ɔlakɛne na katɔ. Ɔmɛni kama ni, na ebo abasiaku-mi kama ƒui!”

Marko 7:14

Ɔmmɔ kama ni, Yesu ɔ́sɔ ɔ́lɔ bekyuli lisu lɛmmɔ ɔnii bakpɛ bede-nwu. Amu na ɔ́su-ma ɔnini, “Bina ƒui bise atu na binu.

Luka 13:24

“Kya ɔkplu na asia kayakun kani nse blii suɛ kemmo eduo. Ɔsika bekyuli pii badubɔwia geen banii baasia mmɔ beduo, nsu balakana.

Luka 14:33

Amu na Yesu ɔ́wɔlɔ nwuna kɔtɛ ɔ́su-ma ɔnini, “Lɛni kani na bina akɔ ɔdi ulakana-mi bɔtɛya si útada atu útedie lɛla biala lɛlɔ.

Luka 18:22

Ka Yesu únu-nwu litemi lɛmmɔ ni, ɔ́su-nwu ɔnini, “Lɛla linwi lɛ́sɔ líbu-ɔ na abla. Ti ala ani nse-ɔ ƒui ye, na eti egulabi ammɔ ete bawabane. Ɔmɛni ndubɔya-a na akɛ akɛla ese ete lɛlɔ na katɔ. Ɔmmɔ kama na ebo abasiaku-mi.”

Luka 20:45

Uwi ɔni na bekyuli ƒui benye beenú ala ani na Yesu ɔɔsu ni, ɔ́su nwuna batɛyane ɔnini,

Luka 9:23

Amu na ɔ́su-ma ɔnii, “Si ukyuli ɔdi ɔɔwia ka ɔsiaku-mi ni, ɔlɛka udie lɛlɔ atu na ubo abi limeyi ndi limeyi na ɔsiaku-mi kama.

Yohane 10:27

Mina baƒonu beenú-mi lɛla lɛni mɔɔsu-ma. Na ngyi-ma. Na ama lɛnɔ basiaku-mi.

Yohane 19:17

Anwuɔsu bekpone bammɔ bákpanku Yesu bátɔlɔku. Na báya na anwu ɔlati uti ugyii ɔni lɛlɔ na badubo-nwu bɔkana bɔmana mmɔ. Na báyu ulu bésie kesii kani baalɔ banii Opokuo kalɔ. Na Hebri lɛdi kemmo ndi Golgota.

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Romaƒuɔ 6:6

Na bɔgyi ka bula udu ɔkukudi ɔmmɔ ku Kristo na bákana bámana ugyii lɛlɔ kalɛ na likyulikpi lɛyii udu na bula lɛlɔ, na bula ɔlɔna ɔsɔ ulenye ulátaabla likpidi kabla.

Romaƒuɔ 8:17

Na si bɔdi nwuna bebi ni, na bɔdi nwuna ala badine. Na abu ku Kristo bɔdubɔdi Katɔti ala bɔsala. Na bɔdubukeye lɛnɔ aani nwuna kalɛ si búbo abi aani kalɛ na Kristo úbo abi.

Korintoƒuɔ 1 15:31

Banwa, kukpi ɔgbankpi ɔsiaku-mi kadi biala megye! Na mɔɔkɔliku lɛlɔ katɔ na amii ɔsu ɔkɛnku kalɛ na bɔ́bla unwi ku Kristo ɔsu. Anwuɔsu na muudie ɔmɛni keyi nwaa.

Korintoƒuɔ 1 8:13

Anwuɔsu si adila ani na mɔɔdi adubɔya na mina ɔnwani ɔbla likpidi ni, nsɔ lɛɛɛdubo adila ani na béti bákpa béte baƒiɔ bɔdi kudii kalɛ na mina ɔnwani weduo likpidi kemmo.

Korintoƒuɔ 1 9:19

Mbo mina lɛlɔ kuƒi biala ɔni na lɛɛɛkya ukyuli bamba ɔdi kalɔ. Nsu lɛ́bla lɛlɔ aani ukyuli ɔni mɔɔbla bekyuli ƒui kabla kalɛ na lɛƒɔ bekyuli pii lite Blɔti.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Galatiƒuɔ 5:24

Na bekyuli bani ndi Kristo Yesu badi ni, bákana bana ɔlɔna udu ɔkukudi ɔmmɔ ku nwuna ɔkwɛ adala ekpidi ƒui bámana ugyii lɛlɔ ku Kristo.

Galatiƒuɔ 6:14

Ami ni, mina lɛmɛnɛ lɛni ndubɔkun kani ndi kukpi kɔni na Yesu Kristo úkpi na ugyii lɛlɔ. Na ɔkɛnku nwuna kukpi na ugyii lɛlɔ ɔsu use aani si líkpi na kayawi ala kudɔ aani kalɛ kani na kayawi ala ékpi na mina anumi.

Ƒilipiƒuɔ 3:10

Na lɛla lɛni kani na mɔɔwia ndi ka lɛti Kristo. Na ɔyikun ɔni náya na ɔ́ta ɔ́lɛ bekpine akɔ ɔkya-mi lɛlɔ kemmo. Na liboku-nwu abi na lɛblaku-nwu unwi na nwuna kukpi kemmo.

Ƒilipiƒuɔ 3:7

Nsu ɔni na nka ɔlɛka lɛnu ala ammɔ aani kɔsia kɔdi ni, ɔƒɛni mɔɔnu-nya aani ala keeke ɔ́si Kristo ɔsu.

Koloseƒuɔ 1:24

Na ɔƒɛni ni, ɔdi-mi kubiti ka muubó abi na amii ɔsu. Na mina abi ani na muubó na ɔlɔna kemmo mɛni ni, ɔ́ya na muubunku na libo abi ani na Kristo ɔlɛka ubo na nwuna baƒɔtaadine lɛkpa lɛni ndi nwuna ɔlɔna ɔmmɔ lili lɛwɔlɔ.

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Tesalonikaƒuɔ 2 3:11

Bɔɔsu ala amɛni ɔsika buunú ka bakɔsɔne badi bakya-mii akɔ na bana bakpana lɛlɔ etemila kani na bakɛ baasu taavi.

Tito 2:12

Lɛƒɔndia lɛmmɔ mɔɔtina-bu ka ɔlɛka bɔda atu budie ngba bukpidi bulie kemmo ku kayawi ala keeke kama bɔsiaku. Na bɔda lɛlɔ kaduɛ, na bulie ngba bɔbuni, na bɔbla lɛlɔ kedee na kayawi kamɛni kemmo.

Hebriƒuɔ 13:13

Anwuɔsu ni, bɛya na busie butásiaku-nwu na kabanye mmɔ na bakya-bu kɔƒa kɔni bákya anwu lɛnɔ.

Petro 1 4:1

Na ɔ́si ɔni na Kristo úbo abi na ɔlɔna kemmo na bula lili ɔsu ni, amii lɛnɔ bɛda lɛlɔ bise na biti kasusu kammɔ udu kani bɛda. Ɔsika ukyuli ɔni muubó abi na ɔlɔna kemmo ni, ɔɔɔda likpidi bɔbla taaya.

Petro 1 4:13

Mmomu ni, bɛya na lɛlɔ litaayɔ-mii ka amii lɛnɔ biibó abi aani Kristo kalɛ. Ɔsika ebiti adubɔda-mii na lɛlɔ lɛyɔ-mii geen uwi ɔni na wasɔ webo na nwuna bukeye bonwu kemmo.

Petro 2 1:14

Ngyi ka kébu blii na linwini kama aani kalɛ na Blɔti Yesu Kristo ɔ́su-mi nwaa kalɛ.

Yohane 1 3:16

Kalɛ na Yesu Kristo úti nwuna ngba ɔ́kpa na bula lili ni, ɔmmɔ mɔɔtina-bu lɛla lɛni ndi bɔyɔ. Anwuɔsu na abu lɛnɔ ɔlɛka buti lɛlɔ bɔkpa bula banwa baƒɔtaadine lili.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.