Marko 7:26 - Katɔti Ɔku Kedee

²⁶ Na úvele Yesu ɔnii ɔbɔku kɔyu kɔmmɔ ɔ́lɛku ubidi lɛlɔ kemmo.

Marko 7:26 ပူးပေါင်းရင်းမြစ်များ

Yesaia 49:12

Mina kadi bekyuli badubɔsi ɔlɔgyu na katɔ kakɛ ku ɔƒɛ kanukɔ bebo na basi Siniƒuɔ kalɛkɛ lɛlɔ lɛnɔ bebo.”

Mateo 15:22

Mmɔ ni, kalɛkɛ kammɔ uleku ɔdi úbo Yesu kudɔ. Na úvele-nwu ɔnini, “Blɔti, Ɔga Dawid Uwɔ, nu-mi kɔnyana! Kɔyu kukpidi kɔdi kuukpóku mina ubi ulekubi na uubó abi geen!”

Mateo 4:24

Nwuna lɛlɔ litemi lígyingya na Siria kalɔ lɛlɔ ƒui. Anwuɔsu bekyuli bákpanku balɛne bani na lɛlɛ lidu lidu liikpóku-ma béboku. Na badi ni, ayu ekpidi elie-ma lɛlɔ eekpóku-ma. Na badi beeƒi kalɛ teebo. Badi lɛnɔ lɛlɔ kakɛ kékpi-ma. Na Yesu ɔ́bwi-ma ƒui.

Marko 7:25

Mmɔ ka uleku ɔdi na kɔyu kukpidi kɔsiaku ubidi únu ɔnii Yesu ɔkya mmɔ ni, úbo-nwu kudɔ na úbalɛ akɔnkɔ na nwuna anumi. Uleku ɔmɛni ɔdi ɔƒɔ ɔni na Yudaƒuɔ balayɔ. Báwɔ-nwu na ɔma ɔni baalɔ Ƒoinike na Siria kalɔ lɛlɔ.

Marko 7:27

Nsu Yesu údie kenye ɔnini, “Ya bɔka banamu adila bute asa. Ɔɔɔdia ka buti banamu adila bubo buwi bana bakpɛwe.”

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.