Marko 7:22 - Katɔti Ɔku Kedee

²² ɔdivo ku kasusu kekpidi buti ku ɔkɔ bɔnyi ku ɔlɔna ala ɔkwɛ bɔda bɔni muukpó kɔƒa ku lɛnungyie na bekyuli bamba ala lɛlɔ ku linyeda ku lɛlɔ bɔtina ku kɔdɔlɔ.

Marko 7:22 ပူးပေါင်းရင်းမြစ်များ

Ala Alɛdi 2 32:31

Na uwi ɔni na Babilonƒuɔ batɔnkune bátala batu badi banii betéye Hesekia na ɔ́su-ma ala adi ɔsiku akɔla budie taatina ani nálɛ na nwuna kalɔ kemmo mmɔ ni, Katɔti únye ɔ́nu Hesekia na anwu ɔlati udie kenye na anwu ɔlati kasusu kenye na ɔnu si ɔmu ɔsiaku-nwu kama siin.

Kɔgya 10:4

Ukyuli ukpidi ɔɔɔdaku Unwoti lɛda na ɔɔkali ka Unwoti uuubo kenyekɔ kadi na nwuna keliela kemmo.

Kɔgya 119:36

Ya na ƒula ɔda bubo lɛlɔ bɔdi butaada-mi ɔkwɛ teetulo kalɛ na lɛkɛ lɛkɛ.

Agba 12:23

Banundane belebo bana lɛlati kudu. Nsu badɔlɔdi ama beedie bana kɔdɔlɔ keyi.

Agba 22:15

Ɔnamu ɔni na ɔƒɛni na ɔ́si ɔɔkɔ́ ni, adɔlɔla éyi-nwu lɛlɔ kemmo tɛɛ. Nsu si átumini-nwu kaduɛ ni, ɔmmɔ ƒui ɔɔlɛ́-nwu lɛlɔ.

Agba 23:6

Bekyuli bani na bebo lɛnumi ni, awɔ ku-ma bitelie bitadi. Na bana adila mini mini atada-a ɔkwɛ.

Agba 24:9

Na ɔdɔlɔdi kɔkwɛ ni, ekpidi sɔɔn na adi. Na ukyuli ɔni muudumi bekyuli taama ni, ɔdi balayɔ-nwu.

Agba 27:22

Si éti badɔlɔdi éwi kaawɛ kemmo na égyuo-ma muedi ni, alakana bana kɔdɔlɔ bule bɔsiku bana kɔdɔlɔ kudɔ.

Agba 28:22

Ukyuli ɔni mbo sika lɛnungyie mɔɔwia ka ɔkɛ lɛkɛ pla, nsu ɔɔɔgyi ka kɔwaba kemmo na úsela utéduo.

Etemila 7:25

Anwuɔsu na lɛ́bla kasusu nnii mɔɔtɛya lɛla biala na makana kalɛ na lɛda anu na lɛti lɛla lɛni na ngba bumodi bɔmmɔ bɔdanku. Na lɛti kɔdɔlɔ ku libuokpi lɛni udu nkya likyulikpi bulie taabla lɛnɔ kemmo.

Yesaia 59:13

Bɔ́ta búnye-ɔ lɛlɔ na búni bɔnii bulasiaku-ɔ kama. Ɔkɔ etemila sɔɔn néyi-bu kayi kemmo anwuɔsu na ɔkɔ ɔmmɔ kani na bɔɔnyi na bɔɔnya bula bakpana taakya.

Yesaia 59:7

Bɛkɛ usi uwi biala ka bitábla likpidi, na bɛdu bekyuli bani na bátabla-mii lɛla lɛdi, ku ekpidi bamba lidu lɛnɔ. Likpidi kasusu kani na biilie taabla uwi biala na ala bubile kani na baanu na bina kasiakɔ ƒui.

Yeremia 17:9

“Bibo ɔkɔ geen, amii Yuda kadi bekyuli, na bɛɛtɔ́lɔ amii alati bina lɛlɔ muedi, na bilakana bɔvumana.

Mateo 20:15

Mbo kuƒi na lɛblaku mina egulabi kalɛ na mɔɔyɔ́. Anwuɔsu ɔƒɛ utada-mii na mina lɛƒɔndia lɛlɔ.’ ”

Mateo 6:23

Nsu si ƒula anumi alánu nwaa ni, lɛdisa lɛdubɔƒɔ-ɔ lɛlɔ ƒui. Anwuɔsu si ƒula bukeye búnwini lɛdisa ni, na ɔdubɔbla-a suu geen.

Marko 7:21

Ɔsika ukyuli kayi kemmo na kasusu kekpidi kaasí, na aka mɔɔyá na ɔɔbla ala ani naaadia. Na ala ammɔ ndi lɛyalɛ bɔbla ku kuyu ku ukyuli bɔdu ku kɔsɔnɔ bɔdi ku

Marko 7:23

Ala ekpidi amɛni ƒui ási ukyuli lɛlɔ kemmo na aayá na uusé lɛlɔ.”

Korintoƒuɔ 2 10:5

Bɔɔdi unyeƒi ku lɛla biala mɔɔtalaku lɛlɔ katɔ na liitile bekyuli kuƒi ka bati Katɔti lɛlɔ. Na buƒie kasusu biala na kasia Kristo ulu lɛlɔ.

Lɛkpa Ulu 15:9

Na utasu ɔnii kayu butitaakyiɛ lɛkwa lɛdaku budu ɔsu, ulete ukyuli ɔmmɔ kebunku kani na ɔɔwia. Ɔdi utaya na kasusu kekpidi kammɔ udu keduo-nwu lili kemmo. Na si ukyuli ɔmmɔ ɔ́bla nwuna ɔnwani ulikplu na útete-nwu kevonkɔ kani na ɔɔwia mmɔ na ukyuli ɔmmɔ úwulo na ɔ́kpali Katɔti ni, Katɔti ɔdubɔni ulikplune ɔmmɔ kɔtu geen.

Lɛkpa Ulu 28:54

Ina ukyuli ɔni nse buɛɛ iye ubo kasusu geen ulanu ɔwani iye ulekudi ɔni na ɔɔyɔ́ geen iye nwuna bebi bani nébu kɔnyana.

Lɛkpa Ulu 28:56

Na uleku ɔni nse buɛɛ na ubo kasusu geen na ubo akɛla ɔsu na ulesie kesi kesii muedi ni, si bina bekisine bammɔ báda bálɛ ɔma ɔmmɔ kemmo ni, anumi adubugyie uleku ɔmmɔ na adila lɛlɔ. Na ɔdubo bɔbɛ na ɔdu ubidi ɔni na ɔ́wɔ ɔkun ku awɔla ammɔ. Na ulete ɔgyani ɔni na ɔɔyɔ́ iye ubidi bamba lɛna lɛmmɔ lɛdi ɔnii ɔkun.

Petro 1 2:15

Ɔsika lɛni na Katɔti ɔɔyɔ́ ɔnii bɛbla lɛbuni na biti bɛdu ala ani na badɔlɔdi baasu kɔƒa ka baaagyi lɛla lɛdi ɔsu.

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”