Marko 5:13 - Katɔti Ɔku Kedee

¹³ Amu na úte-ma kuƒi, na ayu amɛni álɛ ɔnana ɔmɛni lɛlɔ kemmo na étéduo baplakuo bammɔ lɛlɔ kemmo. Amu na baplakuo bamɛni ƒui, bani mabla aani mpim inyɔ békeli báyu kataku kammɔ lɛlɔ, na bétéduo ɛpu kemmo na bana ƒui békpi.

Marko 5:13 ပူးပေါင်းရင်းမြစ်များ

Hiob 2:6

Mmɔ na Unwoti ɔ́su Satan ɔnini, “Ɔdia lɛ́nyonu-nwu lɛ́kya-a lɛkɔkɔ akana na ekpoku-nwu ɔlɔna ku ɔlɛ biala kalɛ na aayɔ́, mmomu tadu-nwu.”

Budie Taatina 20:7

Na si uwi ɔni na akwa apim unwi ammɔ ása ni, badubo Satan budie bɔsiku nwuna kasuudikɔ kakyakɔ mmɔ.

Budie Taatina 9:11

Bebo ɔga ɔni ndi ɔtu ɔni mɔɔnu kasuudikɔ ubu bonwu ɔmmɔ lɛlɔ. Ɔtu ɔmmɔ lɛnyi na Hebri lɛdi kemmo ndi Abadon. Na Griki lɛdi kemmo ni, nwuna lɛnyi ndi Apolion ɔni kalɔ ndi Ɔkyulane.

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.

Yohane 8:44

Bina ɔti ndi ukisine ɔmmɔ, na bɛwia ka bɛbla nwuna lɛƒɔyɔ. Bekyuli ɔdune kani na ɔdi ɔ́si kalɔ kesekɔ ƒui. Na ulayɔ litemi geen lɛmmɔ, ɔsika ulasu lɛla siin lɛdi kudii. Si ɔ́nyi ɔkɔ ni, nwuna udu na uudie taatina na bɔtɛmi kemmo. Ɔsika ɔkɔ ɔnyine na ɔdi, na anwu ndi ɔkɔ bɔnyi ƒui ɔti.

Mateo 8:32

Mmɔ ni, Yesu ɔ́bɔku-ma ɔnii, “Bɛvi bɛlɛ-ma kemmo.” Anwuɔsu bálɛ-ma kemmo bétéduo baplakuo bammɔ kemmo. Na baplakuo bammɔ békeli báyu kɔbi kɔmmɔ lɛlɔ bátánu béduo ɛpu ɔmmɔ kemmo na békpi.

Hiob 1:12

Mmɔ mmɔ ni, Katɔti ɔ́su Satan ɔnini, “Ɔdia, amu líte-ɔ kuƒi na nwuna ala ƒui lɛlɔ, mmomu ƒula lɛnimi litetuku-nwu ɔlɔna lɛlɔ kesii biala anii aabla-nwu lɛla lɛdi.” Amu na Satan ɔ́gyu Katɔti anumi mmɔ ɔ́tɔlɔ.

Baga 1 22:22

“Amu na Unwoti úye-nwu ɔnini, ‘Ulu ɔmani lɛlɔ?’ “Mmɔ na kɔyu kɔmmɔ kɔnini, ‘Ndubusie na liti ɔkɔ etemila lɛkya kenye bediene bammɔ ƒui kenye.’ “Amu na Unwoti ɔ́su-nwu ɔnini, ‘Adubɔkana-nwu bɔtɔlɔ sɔsɔ, anwuɔsu teesie na atábla lɛni.’

Mateo 7:6

“Bitebo ala ani nse kedee bitewi beƒiebuo. Si bíti bíte-ma ni, badubɔta bebeƒie-mii. Bitebo bina asɛɛ ebi ani náƒɔ kuye bitewi baplakuo, ɔsika badubɔnya-nya bakya aba. Katɔti muuti ala abuni teete bekyuli bani muuvele-nwu ala ammɔ.

Marko 5:12

Amu na ayu amɛni évele Yesu anii, “Bɔku-bu tákya baplakuo bani nnye ngye akɔ na butéduo-ma kemmo.”

Marko 5:14

Amu na bekyuli bani mɔɔnu-ma lɛlɔ mmɔ békeli bésie ɔma kemmo ku amadɔ mmɔ, na bátásu bekyuli ƒui lɛla lɛni nébo.