Marko 5:11 - Katɔti Ɔku Kedee

¹¹ Uwi ɔmmɔ kemmo ni, baplakuo pii badi benye baadi na kataku kadi lɛlɔ.

Marko 5:11 ပူးပေါင်းရင်းမြစ်များ

Yesaia 65:4

Bakɛ bekpine kɔvakɔ na kɔƒiɔtɔ akɔ usien umodi lɛlɛɛ talɛɛ talɛɛ banii baakpali ala. Na baadú baplakuo taakun na béƒulo lɛna lidu lɛni muusé lɛlɔ béyile kutu lɛtata.

Yesaia 66:3

Nsu ukyuli biala nádu ɔmantɛ akɔ ka ɔkpa ute-mi ni, use aani ukyuli ɔni nádu nwuna ukyuli ɔkpana. Na ɔdi biala nádu koƒonubi ka ɔkpa ute-mi ni, use aani ukyuli ɔni náƒɛ akpewe limɔ. Na ɔdi biala néti kakpa edula ebi ka ubakpa ute-mi ni, use aani ukyuli ɔni néti ɔplakuo ubugya uboku-mi. Na ɔdi biala makyula oloƒui mete-mi use aani ukyuli ɔni mɔɔkpá baƒiɔ. Amii alati bɛ́ƒuna ala ani na bɛɛyɔ́ bíte lɛlɔ na binye bɛɛbla ala ani muusé lɛlɔ mɛni, ka anya mɔɔda-mii kubiti ɔsu.

Mateo 7:6

“Bitebo ala ani nse kedee bitewi beƒiebuo. Si bíti bíte-ma ni, badubɔta bebeƒie-mii. Bitebo bina asɛɛ ebi ani náƒɔ kuye bitewi baplakuo, ɔsika badubɔnya-nya bakya aba. Katɔti muuti ala abuni teete bekyuli bani muuvele-nwu ala ammɔ.

Mateo 8:30

Amu na amadɔ mmɔ ni, baplakuo pii badi benye baadi.

Marko 5:10

Na kɔyu kɔmmɔ kɔ́sia kama kúvele Yesu ka utabɔku ayu amɛni utalɛku kalɔ kammɔ kemmo.

Marko 5:12

Amu na ayu amɛni évele Yesu anii, “Bɔku-bu tákya baplakuo bani nnye ngye akɔ na butéduo-ma kemmo.”

Luka 8:32

Mmɔ ni, baplakuo pii badi bakɛ kataku kadi lɛlɔ baadi. Amu na ayu ekpidi ammɔ évele Yesu anii ɔya na betéduo baplakuo bammɔ lɛlɔ kemmo. Amu na Yesu úte-ma kuƒi.

Lɛkpa Ulu 14:8

Na bitakun ɔplakuo. Ɔsika bebuo bamɛni beesé lɛlɔ. Bebo agbanvuo ani kemmo nábwɛ inyɔ, nsu belekpo taakun. Na ɔdi utakun bebuo bamɛni iye biteti bina enu bitetuku bana ukpine.