Marko 4:8 - Katɔti Ɔku Kedee

⁸ Na adi álɛ ébo kalɔ kabuni lɛlɔ. Na ákwɛ, na ádia, na áma bebi. Na adi ánwu ebi liti ku leevu, na adi lɛnɔ ánwu ebi eti anyɔ.”

Marko 4:8 ပူးပေါင်းရင်းမြစ်များ

Ala Kalɔ Buse 26:12

Ka edula ɔkyawi údu ni, Isak ɔ́kya edula. Na ka údu ana ɔƒɛwi ni, ɔ́ƒɛ edula liti liti ɔsia kama, ɔsika Katɔti úte-nwu kusɛ kusɛ na ɔ́ya na edula ádia-nwu geen.

Yesaia 58:1

“Kɔ litemi lɛmmɔ lɛsa na tebile kenye tasɔ telie. Na asu mina kadi bekyuli Israelƒuɔ bana ekpidi ku kalɛ na báta bénye-mi lɛlɔ.

Yeremia 23:29

Mina etemila ebo ɔyikun aani ogya. Na ese aani lɛbuala bonwu lɛni na beeti teebo atakpɛ teegyingya.

Mateo 13:23

Na edula ani néwi kalɔ kabuni ndi bekyuli bani muunú litemi lɛmmɔ na beenú-ni kalɔ. Na ebi adi aanwu eti anyɔ, adi liti ku leevu, na adi lɛnɔ avlaatɛ.”

Mateo 13:8

Na edula ammɔ adi éwi kalɔ kabuni lɛlɔ na ánwu ebi. Adi ánwu ebi eti anyɔ. Adi lɛnɔ ánwu liti ku leevu, na adi lɛnɔ ánwu avlaatɛ.”

Marko 4:20

“Na bekyuli badi lɛnɔ bénu Katɔti litemi aani egyiibi ani nálɛ ébo kalɔ kabuni lɛlɔ. Bekyuli bammɔ báƒɔ-ni ku kayi kemmo ƒui. Na uwi ndi uwi ni, baalɛ́ lili na baanwu kɔyu kemmo ebi. Badi bese aani edula ani nánwu ebi avlaatɛ, iye liti ku leevu, iye eti anyɔ.”

Marko 4:7

Edula ammɔ adi álɛ ébo liyu akɔ. Na liyu lɛmmɔ líyi lɛ́da-nya na átakɛ lɛlɔ. Anwuɔsu átama bebi.

Marko 4:9

Kawɔlɔkɔ ni, Yesu ɔ́su-ma ɔnii, “Anwuɔsu, si bibo atu ni, na binu kaduɛ!”

Luka 8:15

Na edula ani nálɛ ébo kalɔ kabuni lɛlɔ ni, ese aani bekyuli bani muunú litemi lɛmmɔ teeti-ni taada ku kayi nwaa. Na beeboku lɛlɔ kalɔ na beenye momoomo teetédu kawɔlɔkɔ kalɛ na banwu ebi pii.

Luka 8:8

Na akladi anya álɛ ébo kalɔ buni lɛlɔ. Na ka ákwɛ ni, ánwu ebi eti anyɔ anyɔ.” Amu na Yesu ɔ́su-ma ɔnini, “Bibimi atu, na binu kaduɛ!”

Yohane 15:5

“Ami ndi kɔdingyii kɔmmɔ, na amii ndi kuna kɔgba. Ukyuli ɔni nliku-mi na ami lɛnɔ nliku-nwu ni, ɔɔnwu ebi pii. Ɔsika bilakana lɛla lɛdi bɔbla si liiibo-mii kemmo.

Yohane 7:17

Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Batalane Kabla 17:11

Na Beroiaƒuɔ ni, bana kasusu kébimi kétulo Tesalonikaƒuɔ kadi. Na bése atu na bénu bana butemi. Na limeyi ndi limeyi ni, bátaawia Bunweni Kedee Ɔku kemmo etemila taanu si Paulo ala ani na ɔ́su adi sɔsɔ.

Eƒesoƒuɔ 2:21

Na anwu ndi ukyuli ɔni náda ɔtɔ ɔni na bátu mmɔ ɔ́sala na ɔ́ya na únwini Katɔti kakpakɔ kedee.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Koloseƒuɔ 1:6

Litemi buni lɛmɛni ala abuni amu aalɛ́ku bekyuli na liigyingya na kayawi ekpo ƒui aani kalɛ na ɔ́lɛku-mii uwi ɔni na bínu Katɔti kɔnyana bɔnu litemi geen lɛmmɔ kudeedi, na bɛ́nu bɛ́ti kalɛ na Katɔti ɔɔyɔ́-mii.