Marko 4:6 - Katɔti Ɔku Kedee

⁶ Nsu ka ɔƒɛ ɔ́sia ni, áyɛyɛ na ékpi. Ɔsika ana lidu lítakɛ adila ɔ́si atabi ammɔ ɔsu.

Marko 4:6 ပူးပေါင်းရင်းမြစ်များ

Lɛnu Ƒui Ɔnu 1:6

Bitanu-mi ɔnusɛ bɛnii lɛ́sɔ ka ɔƒɛ ɔ́ya na mina ɔlɔgyii ɔdi otondi ɔsu. Mina benibi bananabi béti kɔnyi bákya-mi na báya na mɔɔbla kabla na adingyii kemo na lídie mina ɔlɔna atu na nsɔ lɛɛɛdaku-nwu lɛda.

Yesaia 25:4

Katamikukɔ kpakplaa na adi ete bawabane ku bani mɔɔyaki ala na baanya-ma taakya. Na adi kabɛkɔ ku ɔyuli ete-ma si kadi kaabi éte bani na ala eekpóku-ma geen. Ɔsika balalane bammɔ kɔnyi kuse aani kalɛ na ɔƒɛƒɛɛ kpakplaa uuƒwimi ala taatáƒiɛni kowodu lɛlɔ.

Yona 4:8

Ka kadi kammɔ kaata ni, Katɔti ɔ́ya na ɔƒɛƒɛɛ ɔni náƒɔ ogya úkpo ɔ́si ɔƒɛ katukɔ úbewi Yona lɛlɔ, na ɔ́ya na ɔƒɛ ɔmmɔ kenye lɛnɔ káyu ɔkplu. Anwuɔsu anumi ánwu-nwu kɔnakunwi, na ɔɔyɔ́ ka ukpi muedi. Ɔmmɔ ɔsu Yona ɔkya ɔɔdɔ na ɔɔká ala ɔnini, “Si líkpi muedi ni, nka ɔdia-mi utulo ɔni na nli ngba mɛni.”

Mateo 13:6

Anwuɔsu uwi ɔni na ɔƒɛ ɔ́lɛ ni, ana ƒui áyɛyɛ na ékpi, ɔsika ana lidu lítanyi kalɔ.

Marko 4:5

Adi álɛ ébo atabi lɛlɔ, kesii kani na lɛti liiibo pii. Anwuɔsu edula amɛni ákwɛ pla.

Marko 4:7

Edula ammɔ adi álɛ ébo liyu akɔ. Na liyu lɛmmɔ líyi lɛ́da-nya na átakɛ lɛlɔ. Anwuɔsu átama bebi.

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,

Koloseƒuɔ 2:7

Binye kpakplaa na nwuna kemmo aani kalɛ na kugyii ugyiitu ɔɔnyí kalɔ kemmo. Na bina bɔƒɔtaadi buteesie anumi teebu aani kalɛ na bɔ́tina-mii mmɔ. Na bitaagya Katɔti enu uwi ndi uwi.

Tesalonikaƒuɔ 2 2:10

Na bekyuli bani ƒui ndubo bɔyii ku udu ni, ɔdubɔsia likyulikpi katɔlɔ ulu biala lɛlɔ na ɔtɔlɔ-ma. Badubo bɔyii ɔsika bátaƒɔ litemi buni lɛmmɔ bátadi na Katɔti ɔƒɔ-ma ngba.

Yakobo 1:11

Aanu si ɔƒɛ ɔ́tu na ɔɔbi ni, ɔɔyá na eveteli aayɛyɛ na ana anwula eewiile teewi kalɔ. Na ana bɔdia lɛnɔ bɔɔyii udu. Lɛni kani na ɔlakɛne kabla lɛnɔ kadububo kawɔlɔkɔ.

Yuda 1:12

Badi bekyuli bani ablala mɔɔyá na bina kasala keesé lɛlɔ si bɛ́sala bɛɛdi Blɔti adila ammɔ. Beedie lɛlɔ na ama lɛti baadi teemo kalɛ na baayɔ́. Bese aani ɔnantu ɔni nánwu, nsu ulána kudii, na ɔƒɛƒɛɛ kani muubó-nwu taavinku. Na bese lɛnɔ aani egyii ani naaanwu ina egyiibi bɔnwu uwi muedi. Bese aani egyii ani na bágyu-nya ku ligyiitu na ékpi ƒui.

Budie Taatina 7:16

Na kɔka iye utukwɛ ɔsɔ uladu-ma kudii. Na ɔƒɛ iye liwulu lɛdi lɛsɔ lileƒi-ma.