Marko 4:2 - Katɔti Ɔku Kedee

² Uwi pii na nwuna ala bɔtina kemmo ni, agba na uubó teeti teedie lɛla lɛni na ɔɔyɔ́ ka ɔsu kalɔ taatina-ma. Ala ani na ɔ́tina-ma ndi amɛni.

Marko 4:2 ပူးပေါင်းရင်းမြစ်များ

Kɔgya 49:4

Agba na adi na ndubo bubo. Na ɔbentaa na ndubo bɔgya budie-nya kalɔ.

Kɔgya 78:2

Agba kemmo na ndubuti lidie ala abɛdi ani nébo ábavi kalɔ lite-mii.

Mateo 13:10

Amu na batɛyane bammɔ bébo Yesu kudɔ na bébeye-nwu banii, “Bi ɔsu na aatina bekyuli bammɔ ala na agba kemmo?”

Mateo 13:3

Mmɔ na ɔ́tina-ma ala pii na agba kemmo ɔnini, “Uwi ɔdi nébo úbavi ni, ukyuli ɔdi úsie utágya edula.

Mateo 7:28

Ka Yesu ɔ́su ala amɛni ƒui ɔ́wɔlɔ ni, nwuna ala bɔtina bɔ́bla-ma dɛye dɛye.

Marko 10:1

Amu na Yesu ɔ́tɔlɔ mmɔ úsie Yudea kalɔ lɛlɔ, na útávia Yordan Ketu. Bekyuli pii básɔ bébo bábaka bámana-nwu mmɔ lɛnɔ, na ɔkya ɔɔtina-ma litemi buni aani kalɛ na ɔɔyɔ́ bɔbla kalɛ.

Marko 12:1

Amu na Yesu úbo-ma lɛgba ɔnini, “Dii ni, ɔnana ɔdi úse adingyii kemo kadi. Na ɔ́gyi ɔba ɔ́mana-ka. Na úku ubu na kalɔ kammɔ ntɛ kesii kani na ɔdubo ebi ammɔ ntu butaamana teewi. Na ɔ́tu kesii kani nákuku kalɛ na benye mmɔ bataagyumana kemo kammɔ. Amu na úti kemo kammɔ úte kabla bablane badi ɔnii bataanu-ka lɛlɔ, na anwu ku-ma beti lɛla lɛni bákɛ mmɔ bele. Amu na ɔ́tɔlɔ úsie ulu.

Marko 12:38

Ka Yesu ɔdaku bekyuli bamɛni ala bɔtina ni, ɔ́su-ma ɔnini, “Bɛnu kaduɛ na ɔda bubo ala batinane lɛlɔ. Ama mɔɔkya lɛwu libendi na baayɔ́ busie taavi kuyeya kalɛ na bekyuli bataakya-ma kenye ku ɔbu.

Marko 3:23

Anwuɔsu Yesu ɔ́lɔ-ma na ɔ́tɛmiku-ma na lɛgba kemmo ɔnini, “Dɛ na wabla asa na Satan wabɔku anwu ɔlati walɛku ukyuli lɛlɔ kemmo?

Marko 4:11

Amu na Yesu ɔ́su-ma ɔnini, “Katɔti úti nwuna lɛga bɔdi abɛla ani na bekyuli pii baaagyi ɔ́tina-mii. Na bakladi bani nkya kama ni, ama agba kemmo kani na badubunu etemila.

Marko 4:3

Ɔ́su-ma ɔnini, “Binu! Uwi ɔdi ni, ɔnana ɔdi úsie kemo ɔnii utágya edula adi.

Yohane 18:19

Uwi ɔmmɔ ni, ɔkpane unengudi ɔkya uuye Yesu ala taasiku nwuna basiakune ku ala ani na ɔɔtina lɛlɔ.