Marko 3:7 - Katɔti Ɔku Kedee

^7-8 Amu na Yesu ku nwuna batɛyane bésie Galilea Ɛpu kudɔ. Na bekyuli lisu pim bani nási Galilea ku Yudea ku Yerusalem ku Idumea ku bani nási Yordan Ketu ɔvi ku bani nási Tiro ku Sidon lɛnɔ básiaku-ma. Ɔsika nwuna akɔla bɔbla búusie ɔgyu kakaaka ƒui, na bekyuli pii baayɔ́ ka beti anumi babanu-nwu.

Marko 3:7 ပူးပေါင်းရင်းမြစ်များ

Mateo 10:23

Si beekpóku-mii na ɔma unwi kemmo ni, bikeli bisie ɔbambadi kemmo. Na mɔɔsu-mii geen ka bilawɔlɔ bina kabla na Israel lɛma ƒui kemmo asa na ami, Ukyuli Ɔyawine Ubi, masɔ mebo.

Mateo 12:15

Uwi ɔni na Yesu únu ka Ƒarisiƒuɔ beeti-nwu lɛlɔ kasusu kekpidi ni, ɔ́tɔlɔ-ma kudɔ mmɔ, na bekyuli pii badi básiaku-nwu. Ɔ́bwi bani muuƒi ƒui na bana akɔ.

Mateo 12:16

Na ɔ́bala-ma ɔnii betedie-nwu keyi.

Mateo 4:25

Bekyuli pii bási Galilea ku lɛma linengudi leevu lɛdi kemmo ku Yerusalem ku Yudea kalɔ ku Yordan Ketu ɔvi ƒui bábasiaku Yesu kama.

Marko 1:39

Anwuɔsu úsie ɔ́vi Galilea kalɔ kesii biala. Ɔkɛ ɔɔsu litemi buni na kasalakɔ, na ɔɔgyá ayu ekpidi taalɛku bekyuli lɛlɔ lɛnɔ.

Marko 1:45

Nsu ka ukyuli ɔmɛni úsela ni, úse kalɔ ɔɔva taasu kalɛ na Yesu ɔ́bwi-nwu. Na ɔmɛni ɔsu ni, Yesu útakana na uduo ɔma ɔdi kemmo, ɔsika bekyuli pii beebo-nwu kudɔ. Ɔmɛni ɔsu Yesu ɔ́ƒɔ lɛlɔ ɔkya alakpi akɔ. Nsu bekyuli básɔ bási ekpo ekpo bébo-nwu kudɔ mmɔ.

Marko 3:20

Ka Yesu ɔ́si mmɔ ni, ɔ́tɔlɔ úbo kaduli kadi. Na bekyuli pii badi básɔ bébo-ma kudɔ mmɔ. Anwuɔsu ɔ́yu Yesu ku nwuna batɛyane ɔkplu ka bakɛ kuƒi badi muedi.

Marko 4:1

Yesu ɔ́sɔ úsie Galilea Ɛpu kudɔ na úsie ɔɔtina litemi buni lɛmmɔ. Na bekyuli pii bani nábaka bámana-nwu bumomo ɔsu ni, úduo ɔkɔlɔ ɔdi nsia ntu anumi kemmo na úlie kalɔ. Na bekyuli bammɔ bébenye utubili na Yesu ɔɔtɛmiku-ma.

Luka 23:5

Nsu bénye kpakplaa bébu na básu banii, “Nwuna ala ani na ɔɔtina éti lɛsɛ éboku Yudea bekyuli ƒui akɔ. Úse ɔmɛni kalɔ na Galilea, na úubo úbedu mɛni lɛnɔ.”

Luka 6:12

Uwi ɔmmɔ kemmo ni, Yesu ɔ́tɔlɔ úsie kɔbi lɛlɔ. Na ɔkya ɔɔkpali katɔ usien ɔmmɔ ƒui.

Luka 6:17

Uwi ɔni na Yesu ku nwuna batɛyane báyu bási kɔbi kɔmmɔ lɛlɔ ni, bébo bébenye kesii kani nse ƒiaa. Na nwuna basiakune pii badi bakya mmɔ ku bekyuli lisu bonwu lɛni nási Yudea kalɔ lɛlɔ ƒui ku Yerusalem ku lɛma lɛni nde ɛpu kɔtu lɛni ndi Tiro ku Sidon.

Yohane 7:41

Na babambadi lɛnɔ banini, “Ɔmɛni ndi Ukyuli Ɔƒunadi.” Nsu badi ama ni, béye banini, “Ukyuli Ɔƒunadi ɔmmɔ ni, Galilea na ɔdubo bɔsi?

Yohane 7:52

Nsu bédie kenye béye-nwu banini, “Awɔ lɛnɔ Galilea na ási yoo? Duo lɛku kemmo na anu ati ka Katɔti kenye udiene ɔdi ulási Galilea.”

Batalane Kabla 17:10

Nsu usien ɔmmɔ kani ni, baƒɔtaadine bani nkya ɔma ɔmmɔ bétiku Paulo ku Silas békeliku bésienku Beroia. Na ka bétéduo mmɔ ni, bésie Yudaƒuɔ kasalakɔ batásu litemi buni lɛmɛni.

Batalane Kabla 17:14

Nsu baƒɔtaadine bani nkya mmɔ ni, báta kɔnakunwi na bétiku Paulo bésienku ɛpu kudɔ. Na Silas ku Timoteo báƒɔ lɛlɔ bákya kama.

Yosua 20:7

Ɔmɛni ɔsu ni, lɛma lɛni bédie na Yordan Ketu ɔƒɛ kanukɔ ndi Kedes na Naƒtali abi lɛlɔ na Galilea ku Sekem na Eƒram Kɔbi lɛlɔ ku Kiriat-Arba ɔni básɔ baalɔ bani Hebron na ɔkya Yuda abi lɛlɔ.

Yosua 21:32

Na Naƒtali kaba kemmo béte-ma lɛma ɛtɛ. Na ani ndi Kedes ɔni nkya Galilea na ɔdi katamikukɔ ɔma unwi ku Hamot-Dor ku Kartan ku nina bebuo kɔdikɔ kɔlɔ.