Marko 3:5 - Katɔti Ɔku Kedee

⁵ Yesu únwini ɔ́nu bana ƒui na kɔnyi kemmo, ɔsika livo líƒi-nwu na bana ukyulikpana kebunku tete ɔsu. Amu na ɔ́su ɔlɛne ɔmɛni ɔnii, “Nene kɔnu boku.” Únene kɔnu. Na kɔnakunwi ni, nwuna kɔnu kɔ́ba-nwu.

Marko 3:5 ပူးပေါင်းရင်းမြစ်များ

Ala Kalɔ Buse 6:6

Na úduo Unwoti ka údie ukyuli ɔ́kya kalɔ lɛlɔ. Na nwuna kayi kénu ɔlɛ geen.

Baga 1 13:6

Amu na Ɔga Yerobeam ɔ́su kenye udiene ɔmmɔ ɔnini, “Vele ƒula Unwoti Katɔti na akpali-nwu na ɔsɔku mina kɔnu ɔklibi aani kalɛ kuse kudeedi.” Ɔmmɔ ɔsu, kenye udiene ɔmmɔ úvele Unwoti na ɔ́ya na ɔga ɔmmɔ kɔnu kɔ́bla aani kalɛ kuse kudeedi.

Nehemia 13:8

Na ka ńtánu ni, livo líƒi-mi geen, na lɛ́la Tobia ala ƒui líbo líwi keyi.

Kɔgya 95:10

Na ɔmmɔ ɔsu akwa aavlene sɔɔn na líti kɔnyi lɛ́kya-ma geen na lɛ́su nnini, “Badi likyulikpi ala bablane bani naaasia mina ulu lɛlɔ.”

Mateo 12:13

Amu na ɔ́su ɔnana ɔni na kɔnu kɔ́gogolo-nwu mmɔ ɔnini, “Nene ƒula kɔnu.” Na únene-ku. Kɔnakunwi ni, kɔnu kɔmmɔ kɔ́sɔ kɔ́bla aani kalɛ na kunyɔdi kɔmmɔ kuse.

Marko 3:4

Amu na únwini anumi ɔ́tina bekyuli bammɔ na úye-ma ɔnini, “Ɔdia ka ukyuli ɔbla lɛbuni na lɛnwunameyi lɛlɔ? Munuu lɛnwunameyi ɔdi limeyi lɛni lɛlɔ na ukyuli ubile lɛla? Ɔdi limeyi lɛni lɛlɔ baaƒɔ́ ngba, munuu ɔdi limeyi lɛni lɛlɔ na beebile ngba?” Nsu bátakana-nwu lɛla lɛdi bɔsu.

Luka 13:15

Mmɔ na Blɔti údie kenye na ɔ́su-nwu ɔnini, “Amii, anumi lɛlɔ bekyuli, biidie bebuo bani mɔɔbla-mii kabla iye beeti-mii ala lɛbuli na bɛɛkpanku-ma teesienku ntu kanikɔ.

Luka 17:14

Yesu ɔ́nu-ma na ɔ́su-ma ɔnini, “Biteesie na biti bina lɛlɔ bitátina Katɔti bakpane na banu-mii kaduɛ.” Ka bakɛ bésela ni, bánu báti ka bana ɔlɛ ɔ́ba-ma.

Luka 6:10

Yesu ɔ́tɛ anu ɔ́mana-ma na ɔ́su ɔnana ɔmmɔ ɔnini, “Nene ƒula kɔnu.” Únene-ku, na mmɔ kani ni, nwuna kɔnu kɔ́sɔ kɔ́bla-nwu kaduɛ.

Yohane 9:7

Na ɔ́su-nwu ɔnini, “Teesie na atáƒɔ anumi na lɛba blii lɛni baalɔ banii Siloa kemmo.” Na Siloa kalɔ ndi bátala-nwu. Anwuɔsu ɔnana ɔmmɔ úsie na útáƒɔ nwuna anumi. Na nwuna anumi álɛmi na ɔɔnu, na ɔ́sɔ únwini úbo kaduli.

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Korintoƒuɔ 2 3:14

Sɔsɔ na ɔdi ka bana kasusu kalánu ɔmɛni taati. Use aani si lɛdiku lɛmmɔ udu kani lɛmu libi-ma kasusu lɛlɔ si baaká bunyimi bɔkukudi ɔku ɔmmɔ kemmo etemila. Ɔsika lɛla lɛni kani na ndubɔya na lɛdiku lɛmmɔ lɛmami ndi si ukyuli úti lɛlɔ ɔ́mana Kristo.

Eƒesoƒuɔ 4:18

na bana ala kalɔ bunu bɔkya lɛdisa kemmo. Na ka baaagyi lɛla lɛdi na balayɔ banii beenú lɛla lɛdi lɛnɔ ɔsu ni, beeebo kadikɔ kadi na ngba bɔni na Katɔti uute nwuna bekyuli kemmo.

Eƒesoƒuɔ 4:26

Si bíti kɔnyi ni, bitaya na bina kɔnyi kɔya na bɛbla likpidi. Na bitaya na ɔƒɛ ɔ́nu ɔkya-mii na bina kɔnyi kemmo.

Eƒesoƒuɔ 4:30

Na bitaya na Katɔti Kɔyu kúduo kɔnyana kemmo. Ɔsika Kɔyu kɔmmɔ nése-mii likpo kúse ka bɛdi Katɔti bekyuli bani ngba na ɔdubɔƒɔ na limeyi likplodi lɛmmɔ lɛlɔ.

Hebriƒuɔ 3:10

Ɔmmɔ ɔsu na líti kɔnyi lɛ́kya kaba kammɔ. Na lɛ́su nnini, ‘Bana kayi ƒui kakɛ ulu bamba lɛlɔ, na bátanu mina lilu bátati kudii.’

Hebriƒuɔ 3:17

Na ɔma bene na Katɔti úti kɔnyi ɔ́kya akwa aavlene sɔɔn mmɔ? Ɔɔɔdi bekyuli bani nábla ala ekpidi na Katɔti ɔ́yila-ma udu na ketele kemmo mmɔ badi yoo?

Hebriƒuɔ 5:9

Na ka Katɔti ɔ́ya na ɔ́bla nwuna kabla ɔ́wɔlɔ ni, únwini ukyuli ɔni lɛlɔ na bekyuli bani muunú-nwu litemi ƒui baasia taakɛ ngba bɔƒɔ.

Budie Taatina 6:16

Bákpali abi ku atakpɛ ammɔ banii, “Bibo na bibebi-bu lɛlɔ na bɛbala-bu kalɛ na anwu ɔni nlie lɛgaboku lɛmmɔ lɛlɔ ulanu-bu, na Koƒonu Ubi ɔmmɔ uláni-bu kɔtu!

Litemi Batɛne 10:16

Mmɔ na bébo baƒiɔ bani na báƒɔ bése lɛlɔ mmɔ bévaakun, na bése kalɔ baabla Unwoti kabla. Ɔmɛni ɔsu ɔ́sɔ útakana bunye bɔnu Israelƒuɔ abi ani na beebó mmɔ.

Samuel 1 20:34

Yonatan lɛnɔ ɔ́kɛ kɔnyi na ɔ́ta ɔtɔlɔ ɔti kudɔ na kadikɔ mmɔ. Na úni adila na kɔbuli kɔwɔdi limeyi linyɔdi lɛmmɔ lɛlɔ. Ɔsika kɔnyi ku kɔnyana kúƒie-nwu na kɔƒa ala ani na Saul ɔ́su úwi Dawid ɔsu.