Marko 3:16 - Katɔti Ɔku Kedee

^16-19 Nkyuli leevu-inyɔ bani na údie mɛni anyi ndi Simon ɔni na Yesu ɔ́sia lɛnyi ɔnii Petro ku Yakobo ku ɔnwani ɔnamudi Yohane bani ndi Sebedeo bebi ɔni na Yesu úte-ma lɛnyi ɔnii Boanerges ɔni kalɔ ndi ɔnii beetemi ku ɔyikun aani kalɛ na kayaa kabwɛ ogya ku kɔku bonwu. Na bakladi ndi Andrea ku Ƒilipo ku Bartolomeo ku Mateo ku Toma ku Yakobo ɔni ndi Alƒeo ubidi ku Tadeo ku Simon ɔni nási Kana na nka ɔ́ta únye aban lɛlɔ ku Yuda Iskariot ɔni ndubɔkya Yesu kakya.

Marko 3:16 ပူးပေါင်းရင်းမြစ်များ

Marko 1:16

Ka Yesu ɔkɛ ɔɔví na ɛpu ɔdi kudɔ na Galilea kalɔ lɛlɔ ni, ɔ́nu asawu bewine inyɔ badi bani ndi Simon ku ɔnwani Andrea ka bakya beewi asawu.

Marko 3:15

Bɛdubɔgya ayu ekpidi bɔlɛku bekyuli lɛlɔ kemmo.”

Luka 6:13

Ka kadi kégye ni, ɔ́lɔ nwuna basiakune ƒui úbasala nwuna kudɔ na ɔ́ƒuna leevu-inyɔ bani na ɔ́sia-ma lɛnyi ɔnii nwuna batalane.

Yohane 1:42

Na Andrea ɔ́tɔnku Simon úsienku Yesu kudɔ. Na ka Yesu ɔ́nu Simon ni, ɔ́su-nwu ɔnini, “Awɔ ndi Yohane ubidi Simon, nsu bekyuli badubɔlɔ-ɔ banii Keƒas,” iye Petro. Na anyi ammɔ kalɔ budie ndi lɛtakpɛ.

Batalane Kabla 1:13

Ka bétéduo ɔma kemmo ni, bésie bétéduo bana kakyakɔ. Na bekyuli bani nli mmɔ ndi Petro ku Yohane ku Yakobo ku Andrea ku Ƒilipo ku Toma ku Bartolomeo ku Mateo ku Yakobo ɔni ndi Alƒeo ubidi ku Simon ɔni basɔ baalɔ Selote ku Yakobo ubidi Yuda.

Korintoƒuɔ 1 1:12

Lɛla lɛni mɔɔtina ndi ka bina akɔ ɔdi biala ku lɛla lɛni na ɔɔsu. Ɔdi ɔnii, “Ami Paulo kama na nsia.” Na ɔbambadi ɔnii, “Ami Apolo kama na nsia.” Na ɔbambadi lɛnɔ ɔnii, “Ami Petro kama na nsia.” Na ɔbambadi lɛnɔ ɔnii, “Ami Kristo kama na nsia.”

Korintoƒuɔ 1 3:22

Paulo iye Apolo iye Petro iye kayawi kamɛni o-o iye kukpi ku ngba o-o iye ɔƒɛni ku uwi ɔni mebo ni, ala ammɔ ƒui adi amii adi.

Korintoƒuɔ 1 9:5

Bubo kuƒi ka abu lɛnɔ buti bula beleku bɔda aani kalɛ na batalane bakladi ku Blɔti banwani ku Petro lɛnɔ baabla.

Petro 2 1:1

Ami Simon Petro ɔni ndi Yesu Kristo kabla ɔblane ku ɔtalane ni, ami muunweni ɔku ɔmɛni lite amii baƒɔtaadine ƒui bani na abu ku-mii ƒui bɔdi benwi ku Katɔti. Na ɔ́ya na bula ƒui bɔ́ƒɔ bula Ɔti ku Ɔƒɔne Yesu Kristo ɔni nse siin bɔ́di.