Marko 2:12 - Katɔti Ɔku Kedee

¹² Na ɔnana ɔmɛni ɔ́ta kɔnakunwi na úti nwuna lɛtala na úsie ɔ́vi bekyuli bani nnye mmɔ akɔ, na ɔ́tɔlɔ úsie nwuna kesii. Ɔmɛni ɔ́bla bekyuli bani nnye mmɔ ƒui kalɛ kadi. Na bátakɔsi Katɔti bumwi. Bana ƒui básu banii bátanu lɛla lɛmɛni udu kudii!

Marko 2:12 ပူးပေါင်းရင်းမြစ်များ

Mateo 12:23

Ɔmɛni ɔ́bla bekyuli bammɔ kalɛ kadi. Na béye banii, “Ɔga Dawid Uwɔ Ɔƒunadi ɔmmɔ na ɔdi mɛni?”

Mateo 15:31

Ɔni na bekyuli bammɔ bánu ka bamumu beetemi, na bani na lɛlɔ ekpo átasa-ma ása-ma, na bani náƒɛ bewi kalɔ beesié, na banumbwɛne lɛnɔ baanu ni, ɔ́bla-ma kalɛ kadi. Na bémwi Israel Katɔti.

Mateo 9:33

Na Yesu ɔ́gya kɔyu kukpidi kɔmmɔ ɔ́lɛku-nwu lɛlɔ kemmo. Mmɔ kani na ukyuli ɔmmɔ úse kalɔ uutemi. Ɔmɛni ɔ́bla bekyuli bani nnye mmɔ kalɛ kadi, na básu banii, “Bútanu ɔmɛni udu kudii na Israel kalɔ lɛlɔ!”

Mateo 9:8

Uwi ɔni na bekyuli bammɔ bánu ɔmɛni ni, liƒu lɛ́da-ma na bémwi Katɔti ka úti ɔyikun ɔmɛni udu úte ukyuli.

Marko 1:27

Ɔ́bla bekyuli bani nnye ƒui yaa na béye lɛlɔ banii, “Bi litemi lɛdi mɛni? Bi bɔkpa bɔwɔdi udu na bɔmɛni bɔdi? Ukyuli ɔmɛni ubo ɔyikun ɔni na ɔɔtɛmi ku ayu ekpidi na eenú-nwu litemi!”

Marko 2:11

Mmɔ ni, Yesu ɔ́sɔ únwini anumi ɔ́tina ɔlɛne ɔmmɔ na ɔ́su-nwu ɔnini, “Ta, na eti ƒula lɛtala na eteesie kaduli.”

Luka 13:13

Na Yesu úti nwuna enu ɔ́sia uleku ɔmmɔ lɛlɔ. Na kɔnakunwi ni, uleku ɔmmɔ ɔ́ta únye ligeen na úmwi Katɔti.

Luka 17:15

Nsu ka bana unwi ɔ́nu ɔ́ti ka nwuna ɔlɛ ɔ́ba-nwu ni, ɔ́sɔ únwini na uumwi Katɔti ku lɛdi momoomo.

Luka 5:26

Ɔmɛni ɔ́bla bekyuli bammɔ ƒui dɛye dɛye! Na ka liƒu lɛ́ƒɔ-ma lɛlɔ kemmo ƒui ɔsu ni, bémwi Katɔti na básu banii, “Bi akɔla budie taatina adi na bɔ́nu mɛni ɔmwi?”

Luka 7:16

Bekyuli bammɔ ƒui báyia geen, na bémwi Katɔti. Ɔmɛni ɔsu básu banini, “Katɔti kenye udiene ɔni náƒɔ kuye geen ɔ́da ɔ́lɛ-bu akɔ! Katɔti ɔ́yu úbo ɔnii ubedie nwuna bekyuli!”

Yohane 7:31

Nsu bana akɔ pii báƒɔ-nwu bádi na béye banii, “Na si Ukyuli Ɔƒunadi ɔmmɔ úbo ni, ɔdubɔbla akɔla budie bɔtina butulo ani na ukyuli ɔmɛni ɔ́ɔbla?”

Yohane 9:32

Na ɔ́si kayawi kalɔ kesekɔ ƒui ni, ɔma nénu ka ukyuli ɔdi ɔ́ya na ɔnumbwɛne ɔni na báwɔ-nwu lɛni ɔkana bɔnu?

Batalane Kabla 4:21

Amu na kasalakɔ benengu bammɔ bádɔnku-ma kaduɛ na báda-ma bányonu. Na ka bekyuli bammɔ ƒui bakya beemwi Unwoti na nwuna ablala ɔsu ni, bátakɛ lɛkwɛ lɛni lɛlɔ basia bani-ma kɔtu.