Marko 2:1 - Katɔti Ɔku Kedee

¹ Emeyi adi kama ni, únwini úsie Kapernaum na nwuna bɔsɔ bubo lɛlɔ kɔtɛ kúbeyi ɔma ɔmmɔ kemmo uwi klukui kemmo.

Marko 2:1 ပူးပေါင်းရင်းမြစ်များ

Mateo 4:13

Útelie Nasaret, mmomu úsie útélie Kapernaum, ɔma ɔni na uwi Galilea Ɛpu kudɔ na Sebulon ku Naƒtali kalɔ lɛlɔ.

Mateo 9:1

Yesu úduo ɔkɔlɔ kemmo na bénwini básia ɛpu ɔmmɔ lɛlɔ bésie nwuna ɔma.

Marko 1:45

Nsu ka ukyuli ɔmɛni úsela ni, úse kalɔ ɔɔva taasu kalɛ na Yesu ɔ́bwi-nwu. Na ɔmɛni ɔsu ni, Yesu útakana na uduo ɔma ɔdi kemmo, ɔsika bekyuli pii beebo-nwu kudɔ. Ɔmɛni ɔsu Yesu ɔ́ƒɔ lɛlɔ ɔkya alakpi akɔ. Nsu bekyuli básɔ bási ekpo ekpo bébo-nwu kudɔ mmɔ.

Marko 2:2

Uwi útetu asa na bekyuli bébeyi kesii kani na úduo mmɔ na kaduli ku keyi ƒui. Na ɔkya ɔɔsu-ma litemi buni lɛmmɔ.

Marko 3:20

Ka Yesu ɔ́si mmɔ ni, ɔ́tɔlɔ úbo kaduli kadi. Na bekyuli pii badi básɔ bébo-ma kudɔ mmɔ. Anwuɔsu ɔ́yu Yesu ku nwuna batɛyane ɔkplu ka bakɛ kuƒi badi muedi.

Marko 7:17

Nwuna kama uwi ɔni na ɔ́tɔlɔ bana kudɔ na úsie kaduli ni, nwuna batɛyane béye-nwu banii udie litemi lɛmmɔ kalɔ ɔtina-ma.

Marko 7:24

Ɔmɛni kama ni, Yesu ɔ́tɔlɔ úsie kalɔ kani nde ɔma ɔni baalɔ Tiro kemmo. Úsie kaduli kadi na útayɔ ka ukyuli ɔdi ɔti ka ɔkya mmɔ, nsu útakana bɔbɛ.

Marko 9:28

Nwuna kama uwi ɔni na Yesu útéduo kaduli ni, nwuna batɛyane béye-nwu buɛɛ banini, “Bi ɔsu na abu bútakana kɔyu kɔmɛni bɔbɔku bɔlɛku ɔnamu ɔmmɔ lɛlɔ kemmo?”

Luka 4:23

Na Yesu ɔ́su-ma ɔnini, “Ngyi ka bɛdubo-mi lɛgba lɛmɛni bunyimene bɛnii, ‘Uvone, bwi awɔ ɔlati ƒula lɛlɔ.’ Na bɛsɔ bɛdubo-mi bɔsu lɛnɔ bɛnii, ‘Ala ani udu na búnu ka ábla na Kapernaum ni, bla-nya na awɔ ɔlati ƒula ɔma.’ ”

Luka 5:18

Na mmɔ ni, bekyuli badi béti ukyuli ɔni na lɛlɔ kakɛ kenwi kékpi-nwu béboku. Na báwia ulu ɔni na beti-nwu beduoku ɔtɔ kemmo na beti-nwu batáva Yesu anumi.

Batalane Kabla 2:6

Amu ka bénu kɔku bonwu kɔmɛni ni, bekyuli pii békeli bésie mmɔ. Na ka bénu ka baƒɔtaadine bamɛni benye beetemi kadi biala ɔma lɛdi ɔsu ni, ɔ́bla-ma dɛye dɛye!