2 Amu ka kadi kégye Kwasida ɔtanta ni, báta bésie kaƒiɔtɔ kammɔ kudɔ.
Amu ka kadi kegye ɔtanta ni, ɔga ɔmmɔ ɔ́ta na úkeli úsie ubu kenye mmɔ.
Ka kadi kégye Kwasida ɔtanta ni, Maria Magdalene ku Maria ɔkladi ɔmmɔ bésie banii batánu Yesu kaƒiɔtɔ kammɔ.
Kadi kégye useyi uwi ɔni na lɛnwunameyi kadi káyu ni, Maria Magdalene ku Maria ɔni ndi Yakobo uni ku Salome bétéye klobo banii batáwɛɛ Yesu ukpine.
Uwi ɔni na bakɛ bésela ni, béye lɛlɔ banini, “Ɔma na bɔdubɔkɛ na uminime lɛtakpɛ lɛmmɔ udie na kaƒiɔtɔ kammɔ kenye ute-bu?” Béye lɛlɔ ɔmɛni ɔsika lɛtakpɛ lɛmmɔ líbomo geen. Nsu ka bédu mmɔ ni, bánu ka ukyuli ɔdi úuminime lɛtakpɛ lɛmmɔ údie.
Na Kwasida ɔtanta tutuutu ni, beleku bammɔ bésie kaƒiɔtɔ kɔtu na bada ala ani ƒui na báklibi bése.
Na Kwasida ɔtanta tutuutu uwi ɔni kemmo na kadi kátabla tɔ nwaa ni, Maria Magdalene úsie kaƒiɔtɔ kammɔ kudɔ na útánu ka lɛtabi lɛni na béti bébi ubu ɔmmɔ kenye lɛsɔ liiibi.