Marko 15:5 - Katɔti Ɔku Kedee

⁵ Nsu Yesu ɔ́sɔ útebimi kenye, na ɔ́bla Pilato dɛye dɛye!

Marko 15:5 ပူးပေါင်းရင်းမြစ်များ

Kɔgya 71:7

Lɛ́ta línwini ukyuli ɔni na bekyuli pii baanu teedie lili nsu awɔ mɔɔgyumana-mi.

Yesaia 53:7

Bekyuli bédumi-nwu na básupa-nwu ɔni na nka ɔɔɔdi anwu na babla lɛni, nsu útakpete na ɔsu lɛla lɛdi. Mmomu úbile kenye kpoo na bada-nwu béselaku aani koƒonu kɔni béti batádu. Na ɔkɛ aani koƒonu kɔni naaadaku-ni si beekúlo-nwu linwini na útebimi kenye.

Yesaia 8:18

Aanu ami ku bebi bani na Unwoti úti úte-mi. Abu ndi bɔnu bɔti ku likposela na Israel bani nási Unwoti Ɔyikune ɔni nli Sion Kɔbi lɛlɔ kudɔ.

Sakaria 3:8

“Ɔkpane Unengudi Yosua, se kɔtu kaduɛ na enu ku amii bakpane bamba ƒui lɛnɔ. Amii ndi likposela lɛni nnye ala ani ndubo abalɛ uwi ɔni mebo kenye ɔƒaani. Ɔsika ndubɔsɔku mina kabla ɔblane, Ɔga Ɔƒunadi ɔmmɔ, ɔni baalɔ banii kugyii kagba liboku.

Mateo 27:12

Nsu ina ka bakpane benengu ku ɔma benengu bammɔ benye baadá-nwu kenye muedi ni, Yesu útakpete-ma.

Mateo 27:14

Nsu ɔ́bla aban unengu ɔmmɔ kalɛ kadi geen ka Yesu útakya-nwu kenye muedi.

Marko 15:4

Anwuɔsu Pilato ɔ́sɔ úye-nwu ɔnini, “Alasu lɛla lɛdi? Se kɔtu na enu etemila ani na badaku bɔsu taasiku-ɔ lɛlɔ!”

Luka 23:9

Anwuɔsu Herode úye Yesu etemila pii, nsu Yesu útedie lɛdi kenye.

Yohane 19:9

Ɔmmɔ ɔsu ni, ɔ́sɔ únwini útéduo kaduli mmɔ na úye Yesu ɔnini, “Wɛ na ási?” Nsu Yesu útedie kenye kadi.

Korintoƒuɔ 1 4:9

Ɔsika use-mi aani si abu batalane ni, keliekɔ kekplodi na Katɔti úti ute-bu. Na buse aani bekyuli bani na bádu-ma kukpi kɔtɔ ka badu-ma na kadi anumi. Na kayawi ƒui ku Katɔti batu benye banu.