Marko 13:9 - Katɔti Ɔku Kedee

⁹ “Ɔlɛka amii alati binye kagyumana. Badubuƒie-mii na beti-mii besienku litemi katɛkɔ. Badububo-mii na kasalakɔ. Na ami ɔsu ni, bɛdubunye baga ku lɛlɔ badine anumi, na bɛdubɔsu-ma Katɔti litemi buni lɛmɛni.

Marko 13:9 ပူးပေါင်းရင်းမြစ်များ

Mateo 5:22

Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Marko 1:44

“Tedi tenye ulu lɛlɔ na asu bekyuli lɛla lɛni nébo. Mmomu teesie na eti lɛlɔ atátina ɔkpane. Na ete akpala ani na Mose ɔda bubo bɔ́tina. Na ɔmɛni ɔdubɔtina bakpane bammɔ ka ɔlɛ ɔmmɔ ɔ́ba-a na ábla sɛɛn.”

Marko 13:5

Amu na Yesu ɔ́su-ma ɔnini, “Binye kagyumana, na bitaya na ukyuli ɔdi ɔtɔlɔ-mii.

Marko 13:8

Kalɔ kadubukpoku kalɔ bamba. Na lɛga kadikɔ kadubukpoku lɛga kadikɔ. Kalɔ kadubɔkunku kesii biala, na kɔka kɔdububo. Ala amɛni ese aani kawɔƒɔ bɔdu kalɔ kesekɔ.

Marko 6:11

Si bídu ɔma ɔdi na bekyuli bammɔ bátaƒɔ-mii iye banii belenu bina litemi ni, bɛtɔlɔ na biveli bina lɛgba kalɔ ɔtumu bíwi-ma. Ɔmɛni ɔdubɔtina ka ɔma ɔmmɔ bekyuli béni-mii. Anwuɔsu lɛla lɛdi biala mebo ni, bana litemi lɛdi.”

Luka 9:5

Na kesii kani na bátaƒɔ-mii ni, bɛtɔlɔ ɔma ɔmmɔ kemmo na biveli bina lɛgba kalɔ ɔtumu muedi biwi ɔma ɔmmɔ kemmo aani Katɔti kɔtu bɔni kati bute.”

Yohane 15:20

Binyimo ka lɛ́su-mii nnii, ‘Ukyuli ɔni mɔɔbla ukyuli bamba kabla ni, uletulo nwuna unwoti.’ Si bekyuli békpoku-mi ni, bɛti ka badubo amii lɛnɔ bukpoku. Si bádi ala ani na lɛ́tina-ma lɛlɔ ni, badubɔdi amii adi lɛnɔ lɛlɔ.

Yohane 16:2

Badubo-mii bɔgya bɔlɛku Yudaƒuɔ kasalakɔ. Na uwi ɔdi lɛnɔ ɔdubo ubedu ɔni na bekyuli badubɔdu-mii. Na bani ndubɔbla lɛni ni, badubɔkali banii Katɔti kabla na baabla.

Batalane Kabla 21:11

Amu ka úbo-bu kudɔ ni, ɔ́ƒɛnimi kabuli kani nda Paulo kavobi na únyimi anwu ɔlati enu ku lɛgba na ɔ́su ɔnini, “Katɔti Kɔyu kɔɔsu ka lɛni na Yudaƒuɔ badubunyimi ukyuli ɔni mbo kabuli kamɛni na Yerusalem na beti-nwu bakya ama bani naaadi Yudaƒuɔ lɛlɔ badine enu kemmo.”

Batalane Kabla 7:54

Ka bénu etemila ani na Steƒano ɔ́su ɔ́siku-ma lɛlɔ ni, ɔƒɛ ɔ́da-ma geen na ɔ́ya bákya baadu anyi ku kɔnyi.

Batalane Kabla 9:16

Na ndubɔtina-nwu kalɛ na ɔlɛka ubo abi na ami ɔsu.”

Ƒilipiƒuɔ 1:29

Na úte-mii kuƒi ka bimwi Kristo, na ɔɔɔdi ka bɛƒɔ-nwu bɛdi ɔsu kani na ɔ́sa. Mmomu ɔdi ka amii lɛnɔ bibo abi na anwu ɔsu.

Tesalonikaƒuɔ 2 1:5

Ɔmɛni ɔɔtina-bu ka Katɔti ɔɔtɛ litemi siin. Na ɔdubute-mii keliekɔ na nwuna lɛga kadikɔ kani ɔsu na biibó abi.

Yohane 2 1:8

Anwuɔsu binye kagyumana kalɛ na bilatuma bilewiakun, mmomu na bina katuma kalɛ-mii kɔsia na kudu kɔwɔlɔ.

Budie Taatina 1:9

Banwa, bɔdi bavinkpana ka buliku Yesu ɔsu. Na ami ku-mii ƒui bunye lɛbibo kenye kpakplaa na kayawi kamɛni kemmo, na bɔɔdi Katɔ Ɔga Ɔma ala. Ńtaakɔ Katɔti litemi buni lɛni nkɛnku Yesu Kristo lɛlɔ lɛsa na ulu lɛlɔ. Nsu ka bekyuli balayɔ lɛni ɔsu ni, béti-mi bétése ntuntɛ kalɔ kani baalɔ Patmo.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.

Budie Taatina 2:13

“Ngyi ka ɔma ɔni na bilie ndi likpo lɛni na Satan úse nwuna lɛga kadikɔ. Bɛ́siaku-mi kama kpakplaa. Na bítedie bina bɔƒɔtaadi atu na mina lɛlɔ ina uwi ɔni na bádu Antipa ɔni lɛnɔ nédie-mi litemi kenye ulu lɛlɔ na likpo lɛni na Satan ulie mmɔ.