Marko 13:7 - Katɔti Ɔku Kedee

⁷ Na utabla-mii kalɛ kadi si biinú kekpo kɔku na bina kudɔ iye na ɔgyu kakaaka. Ɔlɛka ala amɛni udu ebo. Nsu ulátina ka kayawi kawɔlɔkɔ nédu.

Marko 13:7 ပူးပေါင်းရင်းမြစ်များ

Samuel 2 14:14

Na geen ni, bɔdubo bukpi, ɔsika buse aani ntu bɔni néwiakun na basɔ balakana-mu bɔkpala. Nsu Katɔti anwu uláda ukyuli ngba teedie lɛni, mmomu ukyuli ɔni na ɔ́gya na nwuna anumi ni, uléti-nwu teebo teevaakun ƒui.

Kɔgya 112:7

Na ɔtɔtɔ ɔdi lɛnɔ ulágyu-nwu ina bi mɔɔlɛ́. Ɔsika nwuna bɔƒɔtaadi bubo ɔkplu na Unwoti lɛlɔ.

Kɔgya 27:3

Si ina bekpone otogyi ɔdi náka bana-mi muedi ni, ɔtɔtɔ biala ɔɔɔdubo-mi bɔgyu. Ina kekpo na báta-mi lɛlɔ muedi ni, ndubuti mina anu bɔsia Unwoti lɛlɔ.

Agba 3:25

Tayia ɔgbankpi ɔni muuyú bekyuli taatu iye ala ani muubieku balalane.

Yesaia 8:12

“Lɛla lɛni na badubɔlɔ kelisa kekpidi ni, tasiaku-ma anii kelisa kekpidi kadi. Na uwi ɔni badubɔlɔ unwi bɔbla kasala ni, tenuku-ma kalɔ na asiaku-ma lɛni. Tayia lɛla lɛni na baayia, na liƒu lɛnɔ litada-a.

Yeremia 51:46

Bɛsɔ bitayia na bɛyila lɛnunsia lɛnɔ ina ka atɛ keeke ada lɛkwa ndi lɛkwa banii bɔtɔnkune baata teenye teekpoku lɛlɔ na ɔni madi lɛlɔ na Babilon ɔsu.

Mateo 18:7

“Bɔbuɛ muute kayawi ɔsika ala adi akya-ka kemmo ani ndubɔya na bekyuli benwini kama bakya bana bɔƒɔtaadi na mina lɛlɔ. Ala ammɔ udu adubo bɔkya uwi biala bɔdi. Nsu ukyuli ɔni lɛlɔ na ala amɛni adubɔsia eduo bekyuli akɔ ni, bɔbuɛ ndi anwu ɔdi.

Mateo 2:3

Uwi ɔni na Ɔga Herode únu litemi lɛmɛni ni, ɔƒɛ ɔ́da anwu ku bekyuli bani nkya Yerusalem mmɔ ƒui geen.

Marko 13:6

Bekyuli pii badubuti lɛlɔ bakɔku-mi na basu-mii banini, ‘Ami mɛni,’ na batɔlɔ bekyuli pii.

Marko 13:8

Kalɔ kadubukpoku kalɔ bamba. Na lɛga kadikɔ kadubukpoku lɛga kadikɔ. Kalɔ kadubɔkunku kesii biala, na kɔka kɔdububo. Ala amɛni ese aani kawɔƒɔ bɔdu kalɔ kesekɔ.

Yohane 14:1

Amu na Yesu ɔ́su-ma ɔnini, “Bɛda kayi bukpoku bɛya. Kalɛ kani na bɛɛƒɔ́ Katɔti taadi ni, bɛƒɔ ami lɛnɔ bɛdi.

Yohane 14:27

“Keyi buɛɛ na lɛ́da muusé-mii. Na mina keyi buɛɛ na líti muute-mii. Ɔɔɔdi aani kalɛ na bayawine beete ukyuli keyi buɛɛ kalɛ. Kayi ku kasusu ketekpoku-mii na ala ani ndubo bɔlɛ lɛlɔ. Na bitayia.

Batalane Kabla 17:3

Na uudie lɛbibo lɛni na básu bése ka Kristo ɔdubo bɔnu ku kalɛ na ɔsɔ ɔdubɔta na ulie ngba ɔni na ɔsɔ ulekpi. Paulo ɔ́su-ma ɔnii, “Ukyuli ɔni lɛlɔ litemi mɔɔsu-mii mɛni ndi Yesu ɔni ndi Ukyuli Ɔƒunadi ɔmmɔ.”