Marko 13:34 - Katɔti Ɔku Kedee

³⁴ Ɔdubuse aani ɔnana ɔni náta ɔ́lɛ ɔma ɔnii úsela ulu ɔdi, na ɔ́da nwuna kabla bablane ɔ́kya kaduli. Úte ɔdi biala nwuna kabla kani na ɔdubo bɔbla. Na nwuna kama ni, ɔ́su ukyuli ɔni nnye nwuna kayakun kenye ɔnii ɔgyumana kayakun kammɔ kaduɛ.

Marko 13:34 ပူးပေါင်းရင်းမြစ်များ

Mateo 16:19

Na ndubuti Katɔti lɛga bɔdi ɔyikun lite-ɔ. Na lɛla lɛni na bɛdubɔƒɛnimi na kalɔ lɛlɔ ni, Katɔti ɔdubɔsia-ni kɔnu. Na lɛla lɛni na bɛdubɔnyonu na kalɔ lɛlɔ ni, Katɔti ɔdubɔsia ani lɛnɔ kɔnu.”

Yohane 10:3

Kayakun kenye ɔgyumanane ɔɔlɛmi kayakun kammɔ teete anwu. Na baƒonu bammɔ beenú-nwu lɛdi si ɔɔkpali-ma kalɛ na ɔ́sia-ma anyi na ɔɔtɔnku-ma taalɛku.

Romaƒuɔ 13:6

Ɔmɛni ɔsu lɛnɔ na ɔdi ka bɛƒɔ kuyi bite bina kalɔ lɛlɔ batɔnkune, ɔsika Katɔti kabla na baabla. Na béti bana uwi ƒui béte ka bátaatɔnku bekyuli.

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Koloseƒuɔ 3:24

Bɛgyi ka Blɔti ndubute-mii lɛyuƒɔla lɛni na ɔ́su úse ka wete nwuna bekyuli. Na Kristo ndi Unwoti ɔni geen kabla na bɛɛbla.

Koloseƒuɔ 4:1

Amii benwoti bani mbo kabla bablane ni, bɛda-ma na bɛnu-ma lɛlɔ kaduɛ. Ɔsika amii lɛnɔ bɛgyi ka bibo Unwoti ɔni nkya katɔ.

Budie Taatina 3:7

Ɔmmɔ kama ni, ɔ́su-mi ɔnini, “Nweni te Ƒiladelƒia baƒɔtaadine lɛkpa ɔtu anii, “Lɛni na anwu ɔni nse kedee na nwuna litemi lɛdi litemi geen ɔɔsu. Anwu nda Ɔga Dawid ɔyikun ɔni na si ɔ́lɛmi kayakun kadi ni, ɔdi ɔsɔ ulakana-ka bɔkalɛ. Na si ɔ́kalɛ-ka ni, ɔdi ulakana-ka bɔlɛmi.