Marko 12:1 - Katɔti Ɔku Kedee

¹ Amu na Yesu úbo-ma lɛgba ɔnini, “Dii ni, ɔnana ɔdi úse adingyii kemo kadi. Na ɔ́gyi ɔba ɔ́mana-ka. Na úku ubu na kalɔ kammɔ ntɛ kesii kani na ɔdubo ebi ammɔ ntu butaamana teewi. Na ɔ́tu kesii kani nákuku kalɛ na benye mmɔ bataagyumana kemo kammɔ. Amu na úti kemo kammɔ úte kabla bablane badi ɔnii bataanu-ka lɛlɔ, na anwu ku-ma beti lɛla lɛni bákɛ mmɔ bele. Amu na ɔ́tɔlɔ úsie ulu.

Marko 12:1 ပူးပေါင်းရင်းမြစ်များ

Yesaia 7:23

Na bina adingyii mmo bɔni na bíse na bɔdubɔƒɔ kuye sika ɔƒualadi mpim ɛlɛ ɛlɛ ni, bɔdububie bunwini liyu likpidi yayaaya aku sɔɔn.

Yeremia 2:21

Na nka bɔƒuna na lɛ́ƒuna-mii lɛ́lɛ aani kɔdingyii kɔni na naaaƒianku nsu ɔƒɛni amu bíbulo ebi buni bɔnwu.

Esekiel 20:49

Nsu lɛ́kya unyeƒi na lɛ́su nnini, “Unwoti Katɔti, naaayɔ ka lɛbla lɛla lɛmmɔ udu! Bekyuli ƒui baasu ɔ́si kukuuku banii muuƒú-ma taakya ku mina linyesia lɛni na muuti teeboku-ma.”

Mateo 13:3

Mmɔ na ɔ́tina-ma ala pii na agba kemmo ɔnini, “Uwi ɔdi nébo úbavi ni, ukyuli ɔdi úsie utágya edula.

Mateo 21:28

“Dɛ na bɛɛkali taasiku litemi lɛmɛni lɛlɔ? Ɔnana ɔdi ɔ́kya na ubo bebi bananabi inyɔ. Ɔ́su unengudi ɔnini, ‘Ubi, teesie tátuma na mina kemo ɔmwi.’

Mateo 21:33

“Binu lɛgba lɛbambadi lɛdi. Ukyuli ɔdi ɔ́kya dii ɔni mbo adingyii kemo kani na ɔ́tu awodu ɔ́mana. Ɔ́bla ntɛ kebulokɔ na ɔ́tu ɔgyumanane keliekɔ. Amu na úti kemo kamɛni úte bekyuli badi ɔnii bataanu-ka lɛlɔ, na ɔ́tɔlɔ úsie ulu.

Mateo 21:34

Uwi ɔni na egyiibi ammɔ édu bude ni, kemo ɔlati ɔmɛni ɔ́tala nwuna kabla bablane ɔnii batáƒɔ nwuna kadikɔ beboku-nwu.

Mateo 25:14

“Na uwi ɔni na Ukyuli Ɔyawine Ubi ɔdubo ni, Katɔti lɛga bɔdi bɔdubuse aani ɔmɛni lɛnɔ. Uwi ɔdi kemmo ni, unengu ɔdi ɔ́ta na ɔ́bla kasusu ka usie ulu ɔdi. Ɔ́lɔ nwuna kabla bablane na úti nwuna ala ɔ́kya-ma lɛkɔkɔ.

Marko 11:33

Anwuɔsu básu Yesu banini, “Bɔɔɔgyi.” Amu na Yesu ɔ́su-ma ɔnini, “Ami lɛnɔ lɛɛɛdubo-mii ɔyikun ɔni mbo ɔsu mɔɔkana ala amɛni bɔbla bɔsu!”

Marko 13:34

Ɔdubuse aani ɔnana ɔni náta ɔ́lɛ ɔma ɔnii úsela ulu ɔdi, na ɔ́da nwuna kabla bablane ɔ́kya kaduli. Úte ɔdi biala nwuna kabla kani na ɔdubo bɔbla. Na nwuna kama ni, ɔ́su ukyuli ɔni nnye nwuna kayakun kenye ɔnii ɔgyumana kayakun kammɔ kaduɛ.

Marko 3:23

Anwuɔsu Yesu ɔ́lɔ-ma na ɔ́tɛmiku-ma na lɛgba kemmo ɔnini, “Dɛ na wabla asa na Satan wabɔku anwu ɔlati walɛku ukyuli lɛlɔ kemmo?

Marko 4:2

Uwi pii na nwuna ala bɔtina kemmo ni, agba na uubó teeti teedie lɛla lɛni na ɔɔyɔ́ ka ɔsu kalɔ taatina-ma. Ala ani na ɔ́tina-ma ndi amɛni.

Luka 15:13

“Na emeyi alɛɛ adi kama ni, ɔnamudi ɔmmɔ úti nwuna ala ammɔ ƒui úye na úti egulabi ammɔ na ɔ́tɔlɔ úsie ɔlɔgyu kakaaka kesii kani na útélie ngba basa basa na úbile egulabi ammɔ ƒui.

Luka 19:12

Na ɔ́su-ma ɔnini, “Dii ni, ɔnana ɔbune ɔdi ɔkya ɔni náta úsie kalɔ ɔgyu kakaaka ɔdi kemmo kalɛ na betése-nwu lɛga. Na ɔ́bla kasusu ka ɔmmɔ kama ni, ɔdubɔsɔ unwini ubo ɔma.

Luka 22:9

Mmɔ na béye-nwu banini, “Wɛ na aayɔ́ ka bɔklibi-nya buse?”

Luka 8:10

Amu na ɔ́su-ma ɔnini, “Katɔti úti nwuna lɛga bɔdi lɛnunda abɛla ɔ́tina-mii. Nsu bekyuli bakladi ama ni, agba na muubó-ma kalɛ na “ ‘si ina baanu ni, balanu baláti. Na ina beenú ni, belénu kalɔ.’

Batalane Kabla 7:38

Mose ndi ukyuli ɔni násala bula bati kuuku uwi ɔni na Israelƒuɔ bákya ketele mmɔ. Na anwu ndi ukyuli ɔni na Katɔti ɔtu ɔ́tɛmiku na Sinai Kɔbi lɛlɔ. Na anwu náƒɔ Unwoti litemi lɛni muute ngba úboku-bu.