Marko 10:52 - Katɔti Ɔku Kedee

⁵² Amu na Yesu ɔ́su-nwu ɔnini, “Teesie. Ƒula bɔƒɔtaadi bɔ́bwi-ɔ.” Na kɔnakunwi ni, nwuna anumi ébimi na úse kalɔ ɔɔnu. Amu na ɔ́siaku Yesu, na bana ƒui bátɔlɔ bésie bana ulu.

Marko 10:52 ပူးပေါင်းရင်းမြစ်များ

Kɔgya 146:8

Unwoti Katɔti uubimi banumbwɛne anumi. Na bani na bekyuli béboku-ma kalɔ ni, ɔɔkɔliku-ma katɔ, na ɔɔyɔ́ bekyuli bani na bese siin.

Kɔgya 33:9

Ɔsika ka údie lɛdi ni, lɛla biala lɛ́da lɛ́lɛ. Na ɔkɛnku nwuna kenye butemi kemmo na lɛla biala linye nina kenyekɔ.

Yesaia 35:5

Na mmɔ ni, banumbwɛne badubɔnu na batutine benu.

Mateo 11:5

Banumbwɛne baanu, na bani náƒɛ bewi kalɔ beesié. Ama bani muuƒi ɔlɛgyie lɛlɔ lɛɛbla sɛɛn na batutine beenú. Bekpine baata na mɔɔkɔ́ litemi buni lɛmmɔ lɛsa teete bawabane.

Mateo 12:22

Amu na bekyuli badi béti ɔnana ɔdi ɔni na kɔyu kukpidi kuukpóku-nwu na ulákana bɔnu iye ulétemi béboku Yesu kudɔ. Na Yesu ɔ́bɔku kɔyu kɔmmɔ na ɔlɛne ɔmmɔ ɔ́kana na uutemi na ɔɔnu lɛnɔ.

Mateo 15:28

Mmɔ na Yesu údie kenye ɔ́su-nwu ɔnini, “Adi uleku ɔni náƒɔ ɔ́di geen! Ákɛ lɛla lɛni na aawia.” Anwuɔsu uwi ɔmmɔ kemmo kani ni, ubidi ulekubi ɔmmɔ ɔlɛ ɔ́ba-nwu.

Mateo 21:14

Amu na badi béti banumbwɛne ku bani naaakana busie kaduɛ béboku kakpakɔ kaduli mmɔ, na Yesu ɔ́bwi-ma.

Mateo 8:3

Yesu únene kɔnu útuku-nwu, na ɔ́su-nwu ɔnini, “Mɔɔyɔ́. Lɛlɔ lɛbla-a sɛɛn.” Mmɔ kani ni, ɔlɛ ɔmmɔ ɔ́ba ɔnana ɔmmɔ.

Mateo 9:22

Yesu únwini na ɔ́nu uleku ɔmmɔ na ɔ́su-nwu ɔnini, “Kɛ kayi, mina ubi ulekubi! Ƒula bɔƒɔtaadi bɔ́bwi-ɔ.” Mmɔ kani ɔlɛ ɔmmɔ ɔ́ba-nwu.

Marko 1:31

Anwuɔsu Yesu úsie útéduo-nwu kudɔ, na úƒie-nwu kɔnu ɔ́da na ɔ́tala-nwu únyene. Kɔnakunwi na nwuna ɔlɛ ɔ́da-nwu ɔ́ya, na ɔ́ta na úte-ma adila.

Marko 5:34

Yesu ɔ́su-nwu ɔnini, “Mina ubi ulekubi, ƒula bɔƒɔtaadi bɔ́bwi-ɔ. Teesie ku keyi buɛɛ. Na ƒula lɛbibo lɛmmɔ lɛsɔ lilebo-ɔ lɛlɔ.”

Marko 8:25

Amu na Yesu ɔ́sɔ útuku-nwu anumi. Uwi unyɔdi ɔmɛni kemmo ni, ukyuli ɔmmɔ úbimi anumi kaduɛ na nwuna anumi ábla-nwu nwaa na ɔɔnu lɛla biala kaduɛ!

Luka 7:50

Amu na Yesu ɔ́su uleku ɔmmɔ ɔnini, “Ƒula bɔƒɔtaadi búdie-ɔ, ɔsu teesie ku keyi buɛɛ.”

Luka 9:48

Mmɔ na ɔ́su-ma ɔnii, “Ukyuli ɔni náƒɔ ɔnamu ɔmɛni na mina lɛnyi kemmo ni, ɔ́ƒɔ ami lɛnɔ. Na ukyuli ɔni mɔɔƒɔ́-mi ni, ɔ́ƒɔ ukyuli ɔni nátala-mi. Ɔsika ukyuli ɔni néboku lɛlɔ kalɔ ƒui na bina akɔ ni, anwu ndi ukyuli ɔni náƒɔ kuye utulo ƒui.”

Yohane 9:32

Na ɔ́si kayawi kalɔ kesekɔ ƒui ni, ɔma nénu ka ukyuli ɔdi ɔ́ya na ɔnumbwɛne ɔni na báwɔ-nwu lɛni ɔkana bɔnu?

Yohane 9:39

Amu na Yesu ɔ́su ɔnini, “Líbo kayawi kamɛni mbatɛku bekyuli litemi kalɛ na banumbwɛne bataanu, na bani mɔɔnu ni, anumi abwɛ-ma.”

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’