Marko 1:8 - Katɔti Ɔku Kedee

⁸ Ami ni, ntu na muuti taabla bula bɔkpila ɔdi. Nsu anwu ndubuti Katɔti Kɔyu ɔkpila-mii.”

Marko 1:8 ပူးပေါင်းရင်းမြစ်များ

Agba 1:23

Si bunu na bínu-mi bɔdɔnku ni, nka ala ani ƒui nkya-mi kayi kemmo na ndubudie lɛsu-mii, na lɛya na bɛti mina lili kemmo kakali ƒui.

Yesaia 32:15

Uwi ɔni na Unwoti ɔdubɔsɔku nwuna kɔyu ute-bu ɔsiku katɔ ni, kɔlɔ kɔkwiidi ƒui kɔdubunwini adingyii mmo bɔni adingyii ndubɔlɛ lili abla aani aku, na kalɔ kammɔ kadia geen.

Yesaia 44:3

Ndubɔya na ɔnantu ɔna uwi kalɔ kani mɔɔwia ntu na ntukpa bɔlɛ kalɔ kakwiidi kammɔ kemmo. Na ndubuti mina Kɔyu lite bina bawɔ na mina kusɛ kusɛ ɔsiaku bina kaba kemmo bebi.

Yoel 2:28

“Na ɔmmɔ kama ni, ndubuti mina Kɔyu lite bina akɔ ɔdi biala na bina bebi bananabi ku belekubi badubo-mi kenye budie. Na bina benengu badubo ana buteegye. Na bina bakloƒu lɛnɔ banu kɔyu kemmo ala budie taatina.

Mateo 3:11

“Ami mɔɔkpila-mii ntu taatina ka bínwini kayi na bɛ́da ekpidi bɔbla bɛ́ya. Nsu ukyuli ɔni nkpɛ-mi kama ɔdubo ni, anwu ndubuti Katɔti Kɔyu ku ogya ɔkpila-mii. Ukyuli ɔmmɔ utulo-mi, na ńtamanku ka lɛbla kabla lite-nwu muedi.

Marko 1:7

Nwuna linyesia lɛni lɛlɔ na ɔɔkɔ́ lɛsa ndi ɔnii, “Ukyuli ɔni nkpɛ-mi kama ɔdubo ni, anwu utulo-mi ƒui. Ńtedu ka lɛbla kabla kadi lite-nwu muedi.

Marko 1:9

Uwi útetu asa na Yesu ɔ́si ɔma ɔni baalɔ Nasaret na Galilea kalɔ lɛlɔ úbo, na ɔ́ƒɔ Yohane ntu bɔkpila ɔdi na Yordan kemmo.

Luka 3:16

Anwuɔsu Yohane ɔ́su bana ƒui ɔnini, “Ntu na ami líti mɔɔkpila-mii. Nsu ukyuli ɔdi ɔsia-mi kama ɔdubo ɔni na utulo-mi ƒui! Ńtedu ka lɛbla kabla kadi lite-nwu muedi. Na ukyuli ɔmɛni ndubuti Katɔti Kɔyu ku ogya ɔkpila-mii.

Yohane 1:26

Yohane ɔ́su-ma ɔnini, “Ntu kani na muuti taabla bɔkpila ɔdi ɔmɛni. Nsu ukyuli ɔdi ɔkya bina akɔ na bɛɛɛgyi-nwu.

Yohane 1:33

Kudeedi ni, ńtati-nwu. Nsu uwi ɔni na Katɔti ɔ́tala-mi ɔnii ntaabla bɔkpila ɔdi ɔmɛni ni, ɔ́su-mi ɔnini, ‘Si ánu ka mina Kɔyu kɔ́yu kuulie ukyuli ɔdi lɛlɔ ni, adubɔnu ati ka anwu ndi ukyuli ɔni muuti Katɔti Kɔyu taabla bɔkpila ɔdi ɔmmɔ.’

Batalane Kabla 1:5

Ɔsika Yohane anwu ni, ntu na úti ɔ́bla Katɔti ntu bɔkpila ɔdi ɔmmɔ úte bekyuli. Nsu na emeyi klukui adi kemmo ni, Katɔti ɔdubuti nwuna Kɔyu ɔkpila-mii.”

Batalane Kabla 10:45

Yudaƒuɔ baƒɔtaadine bani násiaku Petro bébo mmɔ ni, litemi lɛmɛni lítakɔsi na lɛ́bla-ma dɛye dɛye! Ɔsika Katɔti Kɔyu kɔ́yu kubo bani naaadi Yudaƒuɔ lɛnɔ lɛlɔ.

Batalane Kabla 2:17

Ɔ́su ɔnini, “Na emeyi ekplodi kemmo ni, ndubuti mina Kɔyu lite bina akɔ ɔdi biala na bina bebi bananabi ku belekubi badubo-mi kenye budie. Na bina benengu badubo ana buteegye. Na bina bakloƒu lɛnɔ banu kɔyu kemmo ala budie taatina.

Batalane Kabla 2:4

Na Katɔti Kɔyu kɔ́ƒɔ-ma lɛlɔ kemmo ƒui, na bése kalɔ baasu bumwi etemila na adi lidu kemmo aani kalɛ na kúte-ma kalɛ.

Korintoƒuɔ 1 12:13

Lɛni kani na use na abu bani ndi Yudaƒuɔ ku kadi bamba bekyuli akɔ ku bani mɔɔbla bekyuli bamba kabla ku bani mɔɔbla ama alati kabla lɛnɔ akɔ. Kɔyu kunwi kɔmmɔ kani na béti bábla-bu ntu bɔkpila ɔdi ɔmmɔ na bɔdi ɔlɔna unwi. Na Kɔyu kunwi kɔmmɔ na béte bula ƒui na bɔ́ni.