Marko 1:5 - Katɔti Ɔku Kedee

⁵ Bekyuli pii bási Yudea kalɔ lɛlɔ ku bana ɔma unengudi ɔni baalɔ Yerusalem bésie ketele kamɛni kemmo béténu Yohane litemi. Bédie bana ekpidi kalɔ béte Katɔti, na Yohane ɔ́kpila-ma ntu na ketu kani baalɔ Yordan kemmo.

Marko 1:5 ပူးပေါင်းရင်းမြစ်များ

Kɔgya 32:5

Amu na lɛ́nu mina alaekpidi lɛ́ti na lɛ́su nnini, “Ndubudie mina bɔƒiɔ ƒui kalɔ lite awɔ Unwoti.” Lídie-nya kalɔ líte-ɔ sɔsɔ na nteti ɔdi ntabɛla-a. Anwuɔsu awɔ lɛnɔ ti kyiɛ-mi.

Agba 28:13

Bekyuli bani muuti ala teebi bana ekpidi ni, ala aládianku-ma. Nsu si bédie-nya kalɔ na béni-nya ni, Unwoti ɔdubɔnu-ma kɔnyana.

Mateo 4:25

Bekyuli pii bási Galilea ku lɛma linengudi leevu lɛdi kemmo ku Yerusalem ku Yudea kalɔ ku Yordan Ketu ɔvi ƒui bábasiaku Yesu kama.

Marko 1:4

Ɔtu ɔmɛni ndi Yohane. Anwu nébo úbelie ketele kemmo, kesii kani na ɔɔkpila bekyuli ntu na ketu kemmo aani kalɛ na Yudaƒuɔ baabla kalɛ. Na ɔɔkɔ́ lɛsa ka ɔlɛka bekyuli benwini kayi na bada ekpidi bɔbla baya na baƒɔ ntu bɔkpila ɔdi ɔmmɔ, na Katɔti ɔdubuti bana alaekpidi ɔkyiɛ-ma.

Marko 1:6

Uwi ɔmɛni kemmo ni, Yohane ɔkya ɔƒlumu linwini awu, na úti ebuo ɔku kabuli ɔ́da kavobi. Nwuna adila ani na ɔɔdi ndi uwɔ ku baalɔlɔ bani muubile edula.

Yohane 1:28

Lɛla lɛmɛni lɛ́lɛ na ɔma ɔni baalɔ banii Betania na Yordan Ketu ɔvi. Mmɔ na Yohane útaabla ketu kemmo ntu bɔkpila ɔdi ɔmɛni.

Yohane 3:23

Na uwi ɔmmɔ kemmo ni, Yohane lɛnɔ ɔkya ɔɔkpila bekyuli ntu na Ainon na Salim kudɔ, ɔsika ntu bɔkya mmɔ kaduɛ, na bekyuli pii beesié-nwu kudɔ ka ɔkpila-ma ntu.

Yohane 5:35

Yohane úkeye aani ogya ɔni mɔɔda. Na nwuna bukeye bɔmmɔ bɔ́da-mii ebiti uwi klukui ɔdi kemmo.

Batalane Kabla 19:18

Amu na bani nénwini kayi ni, bébo bébedie bana lɛlɔ kalɔ na bekyuli anumi.

Batalane Kabla 2:38

Amu na Petro ɔ́su-ma ɔnini, “Ɔlɛka bina akɔ ɔdi biala ɔda ekpidi bɔbla ɔya na unwini ubo Blɔti kudɔ, na ɔƒɔ ntu bɔkpila ɔdi na Yesu Kristo lɛnyi kemmo kalɛ na Katɔti uti nwuna ekpidi ɔkyiɛ-nwu, na ukyuli ɔmmɔ wakɛ Katɔti Kɔyu aani kalɛ na Blɔti ɔ́su úse.

Yakobo 5:16

Anwuɔsu bidie bina alaekpidi ani na bɛ́bla kalɔ bite lɛlɔ. Na bitaakpali katɔ teete lɛlɔ kalɛ na Katɔti wabwi-mii lɛlɛ lɛni na biiƒi. Ukyuli ɔni nse sɛɛn ni, nwuna katɔ bɔkpali bubo ɔyikun geen.

Yosua 7:19

Ɔmmɔ kama Yosua úye Akan ɔnini, “Mina ubi, die lɛlɔ kalɔ na Unwoti ɔni ndi Israelƒuɔ Katɔti anumi na asu lɛla lɛni na ábla. Na teti lɛla lɛdi tabɛla.”