Marko 1:32 - Katɔti Ɔku Kedee

³² Ka useyi uwi údu ni, bekyuli béti balɛne pii ku bekyuli bani na ayu ekpidi asiaku-ma béboku Yesu banii ɔbwi-ma.

Marko 1:32 ပူးပေါင်းရင်းမြစ်များ

Mateo 4:24

Nwuna lɛlɔ litemi lígyingya na Siria kalɔ lɛlɔ ƒui. Anwuɔsu bekyuli bákpanku balɛne bani na lɛlɛ lidu lidu liikpóku-ma béboku. Na badi ni, ayu ekpidi elie-ma lɛlɔ eekpóku-ma. Na badi beeƒi kalɛ teebo. Badi lɛnɔ lɛlɔ kakɛ kékpi-ma. Na Yesu ɔ́bwi-ma ƒui.

Mateo 8:16

Na useyi uwi ni, béti bekyuli pii bani na ayu ekpidi eekpóku-ma béboku Yesu. Na ɔ́su lɛlakpa linwi na ɔ́bɔku-nya ɔ́lɛku-ma lɛlɔ kemmo. Na ɔ́bwi bani muuƒi mmɔ ƒui.

Mateo 8:17

Ɔ́bla ɔmɛni kalɛ na kenye kani na Katɔti Kenye Udiene Yesaia ɔ́su úse ubo ute lɛni ɔnini, “Anwu ɔlati ɔ́bwi-bu lɛlɛ lɛni na buuƒi ƒui.”

Marko 1:21

Yesu ku nwuna basiakune bamɛni bésie bétéduo ɔma ɔni baalɔ Kapernaum. Na lɛnwunameyi lɛni nébo na bana mmɔ busie kama ni, Yesu úsie bana kasalakɔ na úsie ɔkya ɔɔsu litemi buni.

Marko 1:31

Anwuɔsu Yesu úsie útéduo-nwu kudɔ, na úƒie-nwu kɔnu ɔ́da na ɔ́tala-nwu únyene. Kɔnakunwi na nwuna ɔlɛ ɔ́da-nwu ɔ́ya, na ɔ́ta na úte-ma adila.

Marko 3:2

Uwi ɔmmɔ ni, Ƒarisiƒuɔ badi bakya kasalakɔ kammɔ. Na benye baanu si ɔdubɔbwi ɔnana ɔmmɔ na lɛnwunameyi lɛlɔ na bawia-nwu litemi.

Luka 4:40

Na ka kadi kábla buɛɛ ni, bekyuli bani ƒui na lɛlɛ lidu lidu lɛda bana bakpana ni, béti-ma béboku Yesu kudɔ. Na úti enu ɔ́sia-ma lɛlɔ unwi unwi na ɔ́bwi-ma ƒui.

Luka 4:41

Ayu ekpidi lidu pii lɛnɔ lɛ́vi lɛ́lɛ bekyuli kemmo na baava taasu banii, “Awɔ ndi Katɔti Ubidi!” Nsu Yesu ɔ́bala ayu ekpidi ammɔ na útete-ma ulu ka basu lɛla lɛdi, ɔsika báti ka anwu ndi Ukyuli Ɔƒunadi ɔmmɔ.