Marko 1:13 - Katɔti Ɔku Kedee

¹³ Anwu lɛti úlie mmɔ emeyi aavlene. Uwi ɔmmɔ kemmo na Satan úkpoku Yesu ɔ́nu si wasiaku-nwu. Ɔmɛni kama ni, Katɔti batu bébo bébebunku-nwu na bákya-nwu ɔkplu.

Marko 1:13 ပူးပေါင်းရင်းမြစ်များ

Israelƒuɔ Bɔlɛ 24:18

Na Mose úduo liƒlukutu lɛmmɔ kemmo ka ɔ́kɔ úsela kɔbi kɔmmɔ lili. Na ɔ́kya kɔbi kɔmmɔ lɛlɔ emeyi aavlene usien ku ɔƒɛ.

Israelƒuɔ Bɔlɛ 34:28

Na Mose ɔ́kya Unwoti kudɔ na kɔbi kɔmmɔ lili emeyi aavlene usien ku ɔƒɛ, na útadi iye útani lɛla lɛdi. Na únweni bunyimi bɔmmɔ ku Ɔda Bubo Leevu bɔmmɔ ɔ́sia atabi anyɔ ammɔ lɛlɔ.

Mateo 26:53

Munuu aaagyi anii lɛkana na livele mina Ɔti na ubebunku-mi? Na mmɔ kani ɔdubuti Katɔti batu bekpone limomo lɛni ntulo akpa leevu-anyɔ umene-mi!

Mateo 4:1

Amu na Katɔti Kɔyu kútiku Yesu kúsienku ketele kemmo kesii kani na ukisine ɔmmɔ ukpoku-nwu ɔnu.

Luka 4:1

Ɔni na Katɔti Kɔyu kɔ́ƒɔ-nwu lɛlɔ kemmo ƒui ni, Yesu únwini ɔ́si Yordan mmɔ. Na Kɔyu kɔmmɔ kɔ́tɔnku-nwu kúsienku ketele kemmo.

Lɛkpa Ulu 9:11

Na emeyi aavlene ammɔ kama na Unwoti úti atabi anyɔ ani lɛlɔ na únweni kenye kani na únyimiku-mii ɔ́sia mmɔ úte-mi.

Lɛkpa Ulu 9:18

Amu na kunyɔdi lɛnɔ ntayu lɛ́tɛ Unwoti anumi na líti mina anumi líbi kalɔ emeyi aavlene usien ku ɔƒɛ ɔni na ntadi iye ntani lɛla lɛdi. Lɛ́bla ɔmɛni ƒui ɔ́si likpidi lɛni bɛ́bla Unwoti na bɛɛbla lɛla lɛni naaayɔ-nwu kaƒɔ ɔsu. Na bɛ́ya na ɔ́kɛ kɔnyi.

Lɛkpa Ulu 9:25

Anwuɔsu lɛ́yu lɛ́tɛ kalɔ na línwini anumi libi kalɔ na Unwoti anumi emeyi aavlene ammɔ kemmo usien ku ɔƒɛ. Ɔsika línu ka Unwoti ɔ́su ka ɔdubɔyila-mii udu.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Hebriƒuɔ 4:15

Ɔɔɔdi ɔkpane unengudi ɔni na bula lɛlɔ lilakywi-nwu kaƒɔ na bula kpɛtɛ kpɛtɛ bɔbla kemmo. Mmomu ɔdi ukyuli ɔni na ala ékpoku-nwu ánu na ulu biala lɛlɔ aani bula kalɛ kani. Nsu útabla likpidi lɛdi.