Malakai 4:1 - Katɔti Ɔku Kedee

¹ “Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Malakai 4:1 ပူးပေါင်းရင်းမြစ်များ

Hiob 18:16

Ɔdubukpi ku lidu ku lidu, na ɔkwii unye aani kugyii kɔkwiidi ku kɔgba.

Kɔgya 119:119

Na belikplune bammɔ ni, aanu-ma aani kebu alakpi. Na ɔmmɔ ɔsu na ami mɔɔyɔ́ ƒula ɔda bubo.

Kɔgya 37:9

Ɔsika likpidi bablane ƒui ni, Unwoti Katɔti ɔdubo-ma ngba udu bɔyila. Nsu bekyuli bani néti bana anu básia Unwoti lɛlɔ ni, ama ndubo kalɔ kammɔ ala bɔdi.

Israelƒuɔ Bɔlɛ 15:7

Na ƒula lɛgadi bubomo kenye na éti ébo bani mɔɔta teenye-ɔ lɛlɔ áƒiɛmi kalɔ. Na ka édie ƒula kɔnyi keyi ni, ɔ́kyula-ma aani kalɛ na alakpi aakywí.

Yesaia 40:24

Bese aani egyiibi akɔdi ani na bágyu bátálɛ, na uwi útetu tɔ ana lɛlɔ na bedie ligyiitu, asa na Unwoti ɔ́ya na ɔƒɛƒɛɛ úkpo ɔ́vi-nya lɛlɔ, na áyɛyɛ na ákwii ábla aani lɛtɔ lɛni na ɔƒɛƒɛɛ uuti taavinku.

Yesaia 41:2

“Ɔma náƒuna lɛlɔ ɔdine ɔmɛni ɔ́siku ɔƒɛ katukɔ ɔnii ubabla-nwu kabla na ulu siin ɔmɛni lɛlɔ? Na ɔma náya na ɔɔdi kadi bekyuli ƒui ku baga baga lɛlɔ na uuboku-ma kalɔ? Na nwuna kewii ku atula eesusu-ma na beenwíni ɔtumu ɔni na ɔƒɛƒɛɛ uubó taavinku?

Yesaia 47:14

Bekyuli bani néti bana anu básia bekyuli bani mɔɔnu ayabi taasu-ma ala lɛlɔ ni, bana lɛlɔ libo kɔnyana geen utulo lɛtɔ lɛni na bákya ogya kemmo na lɛɛkywí. Na ukyuli biala ɔni mɔɔwa-a ogya ɔmmɔ udu muedi lɛlɔ lilábla gugungu.

Yesaia 5:24

Anwuɔsu bana ƒui badubo bɔkywi bɔyii udu aani kalɛ na ogya ɔɔkyula livo ku keti. Bana ligyiitu lɛdubo bubun na bana anwula awiɛ. Ɔsika bekyuli bamɛni béni Unwoti Ɔyikune Ƒui ɔda bubo. Na béni banii belenu Israel Unwoti Kedee litemi.

Yesaia 9:18

Geen ni, kalala bɔbla buse aani lɛku kemmo ogya. Ɔɔkyula liyu ku alakpi bamba, na lɛku limodi lɛmmɔ lɛɛkywí, na uudie uyɔ litigbli taakɔliku kayaa.

Yesaia 9:19

Unwoti Ɔyikune Ƒui kɔnyi kpakplaa ɔsu ni, kalɔ kammɔ kadubɔkula lɛlɔ geen, na bekyuli bénwini ekyweni bete ogya ɔmmɔ, na ɔkpanadi kɔnyana bɔnu buuubo.

Esekiel 20:38

Ndubo bekyuli bekpidi bani mɔɔta teenye bekyuli lɛlɔ bule bɔsiku bina bakladi kudɔ. Nsu ina ka ndubo-ma bɔkpanku bɔsiku kesii kani na bákpanku-mii bésienku aani bekyuli beƒiedi kalɛ muedi ni, lɛɛɛdubo bɔya na beduo Israel kalɔ lɛlɔ. Na mmɔ na bɛdubo-mi bɔnu bɔti ka ami ndi Unwoti.

Esekiel 21:32

Badubo-mii bɔkyula ƒui na bikpi na amii alati bina kalɔ lɛlɔ. Na bekyuli badubo-mii bɔyiƒala ƒui. Ami Unwoti násu.’ ”

Esekiel 24:11

Na eti libui likpludi lɛmmɔ asia ogya na lɛbi ligyie kaduɛ kalɛ na butili bɔmmɔ bɔlɛ-nwu lɛlɔ ƒui.

Esekiel 34:17

Unwoti Katɔti ɔ́su Israelƒuɔ bani nse aani nwuna baƒonu ɔnini, “Ndubo-mii anu bɔsia geen unwi unwi na lɛnu bani ndi baƒonu bani mbo ɔlɔkplu ku bani nse kpɛtɛ kpɛtɛ.

Esekiel 7:10

Ɔgbankpi úude! Litemi tatɛ ulu siin lɛlɔ ku lɛlɔ katɔ bɔtalaku bɔ́ƒɔ kesi kesii.

Yoel 2:1

Vwi kekpo kakpɛɛ na ete bɔti na Sion, na mina kɔbi kedee lɛlɔ, na liƒu litaada bekyuli ƒui na kalɔ kammɔ lɛlɔ, ɔsika Unwoti limeyi lɛni na ɔtɛ litemi lɛ́si lɛdubo.

Yoel 2:31

Ɔƒɛ ɔdubɔbla suu, na kɔbuli anumi adubugyie aani ubugya, asa na Katɔ Ɔyikune limeyi bonwu lɛmmɔ lɛdubo na kɔbuli anumi adubugyie aani ubugya, asa na Katɔ Ɔyikune limeyi bonwu lɛmmɔ lɛdubo.

Amos 2:9

“Israel, Amoriƒuɔ lɛnɔ benye mmɔ uwi ɔni na bíduo Kanaan. Bekyuli bammɔ badi bekyuli bani na bákuku aani egyii enengudi ani na ebo ɔkplu geen. Nsu lɛ́bɔku-ma lídie mmɔ ƒui lidu ku lidu.

Obadia 1:18

Na Israel ɔdubunwini aani ogya na ɔkyula Edom ɔni na ndubɔbla aani lɛtɔ lɛni ndubɔda ogya. Ami Unwoti násu!”

Nahum 1:10

Mmomu ala adubo-ma bunyimi aani kalɛ na liyu alakpi eedie bekyuli iye ntɛ bɔɔda-ma. Ogya ɔdubɔkyula-ma kede kede aani alakpi ani nákwii kalɛ.

Seƒania 1:14

Unwoti limeyi linengudi lɛmmɔ lɛdubo na uwi ɔsɔ uletu. Na ɔgbankpi limeyi lɛmmɔ lɛlɔ ni, bekyuli badubunu bekpone bani lɛlɔ mbo liƒu kɔku ku lɛsɛ yoo na kesi kesii.

Seƒania 1:18

Uwi ɔni na ami, Unwoti, ndubɔkɛ kɔnyi na mbada lɛlɛ-mii lɛlɔ mmɔ ni, bina sika ɔƒualadi ku sika ugyiedi ƒui muedi ulakana-mii bɔƒɔ na limeyi lɛmmɔ lɛlɔ. Ndubo kɔnyi bɔkɛ geen na libile ala aani kalɛ na ogya ɔɔda momoomo teekeyi lɛla biala ku bekyuli.”

Sakaria 14:1

Unwoti ubo nwuna limeyi. Na si limeyi lɛmɛni lídu ni, badubuti lɛla biala bátɔlɔku Yerusalem na bele-ni bete lɛlɔ.

Malakai 3:15

Bɛnu kalɛ na lɛlɔ lɛɛyɔ́ bekyuli bani náta bénye-nwu lɛlɔ. Na ala aatɛku ukyuli biala na unye ɔɔbla likpidi na ina békpoku Katɔti bánu muedi na lɛla lɛdi lilábla-ma.’ ”

Malakai 3:18

Na bekyuli badubɔnu kavumana kani nkya bekyuli bani muunú-mi litemi na baabla ala ulu siin lɛlɔ ku bani néni-mi na baabla ekpidi ntɛ.”

Malakai 3:2

Limeyi lɛni na Unwoti webo ni, ɔdubuse aani ogya lɛyu lɛni kemmo na baaƒɔ sika, iye ɔkwayɛ ɔni mbo ɔbi. Na ukyuli biala ɔɔɔdubo bɔkana na unye-nwu anumi iye unye ɔsiaku-nwu.

Malakai 3:3

Unwoti ɔdubo Lewi bebi ku bawɔ lɛlɔ bɔƒɔ na babla sɛɛn aani sika ɔƒualadi iye ugyiedi. Na ɔmmɔ kama na beti akpala ani nse sɛɛn beboku Unwoti.

Malakai 4:5

“Ami, Unwoti, líse kenye ka ndubɔya na Kenye Udiene Elia ɔsɔ ubo asa na ɔgbankpi limeyi lɛmmɔ libedu.

Mateo 3:12

Ɔda nwuna kɔɔlɛ kɔni na ɔdubɔƒɛ nwuna edula udie na uti uwi unwu kemmo. Nsu ɔdubɔkyula aƒaƒa ku lɛmuyɔ lɛkladi na ogya ɔni naaadubo buni kudii kemmo!”

Luka 19:43

Uwi ɔdi ɔdubo ɔni na bina bekisine badubɔka-mii bakya ekpo ekpo ƒui. Na badubutile eƒi ƒui na lɛla biala lɛsɔ lilakana buduo iye lɛlɛ keyi.

Luka 21:20

“Si uwi ɔni na bɛ́nu ka bekpone báka bámana Yerusalem ni, bɛdubɔti ka ɔma ɔmmɔ bɔbwɛ uwi údu.

Luka 6:23

“Bɛkɛ ebiti si amɛni ƒui aalɛ́ na bɛtɔ ku ebiti, ɔsika Katɔti ɔdubute-mii lɛyuƒɔla bonwu na katɔ. Ɔsika ala amɛni udu na béti bábla Katɔti kenye bediene bani nákya ƒui.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Petro 2 3:7

Na litemi lɛni lɛlɔ na ɔkɛ údie katɔ ku kalɔ ƒui ni, litemi lɛmmɔ kani na úti ɔda kayawi kammɔ use ute uwi ɔni na ɔdubɔkyula-ka ku ogya. Na Katɔti ɔ́bla lɛni úse úte limeyi lɛni na ɔdubɔtɛku bekyuli bekpidi litemi na ɔkyula-ma.