Malakai 3:7 - Katɔti Ɔku Kedee

⁷ ina ka bíni na bilenu-mi litemi ɔ́si bina bati kuuku uwi ƒui. Nsu si bínwini bíbo-mi kudɔ ni, ami lɛnɔ ndubunwini libo-mii kudɔ. Nsu buye na biiye bɛnini, ‘Dɛ na bɔdubɔkana na bunwini bubo-ɔ kudɔ?’

Malakai 3:7 ပူးပေါင်းရင်းမြစ်များ

Nehemia 9:26

“Nsu báyu atuɔkplu na báta bénye-ɔ lɛlɔ. Na béti ƒula ɔda bubo bábala bana kama. Na bádu ƒula kenye bediene bani bákya-ma ɔkplu ka nka benwini bebo-ɔ kudɔ. Na bétemi enyekpi ani mɔɔda lɛƒu béwi-ɔ.

Yesaia 65:2

Lídie mina enu nnye limeyi limodi ngya bekyuli bani na báta bénye mina lilu lɛlɔ na bakɛ ulu ukpidi lɛlɔ bésela na basia bana kasusu kama kani.

Yeremia 16:11

“Mmɔ ni, na asu-ma anini, ‘Amii Yuda kadi bekyuli, bina bati kuuku bénwini kama bákya-mi na béni mina ɔda bubo ku mina ala ani na mɔɔtina-ma na bése kalɔ baakpá baƒiɔ.

Yeremia 16:12

Na bɛ́bla ala ani na ásɔ ébie etulo amɛni! Bɛɛbla atuɔkplu kpakplakpa na ɔni na binu-mi litemi na bedi-ni lɛlɔ ni, ala ekpidi ani nébo-mii kasusu kani na bɛɛbla.

Yeremia 3:22

“Ndubo-ma bɔsu nnini, ‘Binwini bibo na lɛbwi-mii, na kalɛ na bɛ́lɛ-mii kama ɔsu.’ “Na mmɔ na badubɔsu banini, ‘Bɔdubunwini bubo, ɔsika awɔ ndi Unwoti bula Katɔti.

Yeremia 7:25

Ɔ́si uwi ɔni ƒui na bina bati kuuku bátɔlɔ Egyipte ni, uwi ɔmmɔ kani lɛlɔ na mɔɔtala mina kabla bablane kenye bediene taakya-ma nnii babatɛmiku-ma.

Yeremia 7:26

Nsu béni-mi na bébenwini batuɔkplune ku ekpidi bablane bétulo bana bati kuuku bammɔ muedi!”

Esekiel 2:3

Na ɔ́su-mi ɔnini, “Esekiel, mɔɔtala-a na Israelƒuɔ kadi bekyuli kudɔ. Kadi batuɔkplune bani na ama ku bana bati kuuku bani náta bénye-mi lɛlɔ na béni banii belénwini kayi úbedu ku ɔmwi kadi kamɛni lɛlɔ.

Esekiel 20:13

Nsu Israelƒuɔ báta bénye-mi lɛlɔ na ketele kalɔ kakwiidi kemmo mmɔ. Na béni banii baaadubo-mi litemi bunu na badi mina ɔda bubo ku ala ani mɔɔtina-ma mmɔ lɛlɔ. Na baabla Lɛnwunameyi lɛmmɔ kalɛ kalɛ aani limeyi keeke bamba biala kalɛ. “Mmɔ na lɛ́lɛ ugyii ka nka mɔɔyila Israelƒuɔ bammɔ ƒui udu na kalɔ kakwiidi kemmo mmɔ kɔnakunwi kani na ɔsa.

Esekiel 20:21

Nsu bana bebi lɛnɔ báta bénye-mi lɛlɔ. Na béni banii belenu mina ala bɔtina ku ɔda bubo lɛlɔ na badi-mu lɛlɔ. Na baabla mina Lɛnwunameyi kalɛ kalɛ aani limeyi keeke biala kalɛ. “Amu na ḿbeti kɔnyi geen na lɛ́su kpakplaa nnii ndubo-ma kɔtu bɔni na kalɔ kakwiidi kammɔ kemmo mmɔ.

Esekiel 20:28

na uwi ɔni na béteeti akpala ku oloƒui ku ntɛ teete baƒiɔ lidu na abi ammɔ lɛlɔ na egyii enengudi ammɔ kalɔ. Na lɛ́kɛ kɔnyi geen, ɔsika ɔmii ɔni na líti líte-ma lɛlɔ na baabla ala amɛni udu!

Esekiel 20:8

Nsu ɔmmɔ ƒui kama ni, bámu báta bénye-mi lɛlɔ. Na béni banii baaadubo-mi litemi bunu na kadi bamba ala anwidi ku avɔdi baƒiɔ bɔkpa bɔmmɔ lɛlɔ kani na benye. “Ɔmmɔ ɔsu na lɛ́kɛku-ma kɔnyi geen na lɛ́lɛ ugyii ka nka mɔɔní-ma kɔtu na Egyipte kalɔ lɛlɔ mmɔ.

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Sakaria 1:3

Nsu si amii bɛdubunwini bibo-mi kudɔ ni, ami lɛnɔ nsɔ lɛɛɛdubo kama bunwini bɔkya-mii.”

Malakai 1:6

“Ami, Unwoti Ɔyikune Ƒui, mbo lɛla lɛdi na lɛsu amii bakpane. Bebi baabu bana bawɔne, na kabla bablane baabu bana batɔlati. Na ami ndi Ati ku bina ɔti. Na bi ɔsu na bilábu-mi? Amii bakpane bídumi-mi. “Nsu biiye ɔƒɛni bɛnini, ‘Dɛ na búdumi-ɔ?’

Malakai 3:13

“Bɛ́tɛmi enyekpi bonwu bonwu bɛ́siku-mi lɛlɔ, nsu ɔƒaani buye na biiye bɛnini, ‘Bi na bɔ́su o-o?’

Mateo 23:27

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bise aani kɔƒiɔtɔ kɔni na bákwa-ku kama na kɔɔdia bɔnu. Nsu nwuna kemmo ɔdi ukpine ɔni nébie na úbu ekubi ekubi.

Luka 15:16

Kɔka ɔsu ni, ɔ́yɔ ka nka ɔkɛ baplakuo adila ani na beete-ma mmɔ adi ɔdi, ɔsika ɔ́nu aani bekyuli lɛnɔ bakana-nya bɔdi, nsu ukyuli ɔdi útete-nwu adi.

Romaƒuɔ 10:21

Nsu na Yudaƒuɔ lɛlɔ ni, Katɔti ɔ́su ɔnini, “Lígyingya enu líse limeyi limodi ka lɛƒɔ-ma. Nsu bátakpete-mi, ɔsika badi bekyuli bani naaabu lɛla lɛdi na báta bénye-mi lɛlɔ.”

Romaƒuɔ 10:3

Ɔsika baaagyi ulu ɔni lɛlɔ na Katɔti ɔɔyɔ́ ka ukyuli ɔsia na ɔbla siin na nwuna anumi. Mmomu ama alati báwia ulu bamba béte lɛlɔ. Ɔmɛni ɔsu béteboku lɛlɔ kalɔ bétete Katɔti kalɛ na ɔtina-ma ulu ɔni lɛlɔ na basia na ɔbla-ma siin.

Romaƒuɔ 7:9

Ami ɔlati líilie ngba bɔmɛni udu dii, ɔni na lɛɛɛgyi ɔda bubo bɔmmɔ. Nsu uwi ɔni na líbo ḿbanu ɔda bubo bɔmmɔ lɛ́ti ka buléte-mi kuƒi ka lɛbla ala pii ni, likpidi bɔbla lɛnɔ bɔ́ta búnye-mi anumi na lɛ́nu lɛ́ti ka ndubo bukpi.

Lɛkpa Ulu 31:20

Na ndubuti-ma busienku kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mmɔ lɛlɔ aani kalɛ na líse kenye líte bana bati kuuku. Na adila biala na baawia ni, ndubo-ma bute, na badi bemo ku ebiti. Nsu ɔmɛni kama ƒui badubo kama bunwini bɔkya-mi na batákpa kadi bamba baƒiɔ. Na badubo-mi buni na bata benye mina ɔda bubo lɛlɔ.

Yakobo 4:8

Bɛni bide Katɔti, na anwu lɛnɔ ɔdubɔni ude-mii. Amii alaekpidi bablane, bɛƒɔ bina enu! Na amii bani bina kasusu kese inyɔ inyɔ ni, bɛvumana bɛsia Blɔti lɛti kama!