Malakai 3:5 - Katɔti Ɔku Kedee

⁵ Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Malakai 3:5 ပူးပေါင်းရင်းမြစ်များ

Ala Kalɔ Buse 20:11

Mmɔ na Abraham údie kenye ɔnini, “Na mina bɔnu kemmo ni, lɛ́su nnii, ‘Kadi kamɛni bekyuli balayia Katɔti, na ɔƒɛni kalɛ badubo-mi bɔdu na mina uleku ɔsu.’

Ala Kalɔ Buse 42:18

Na limeyi lɛtɛdi lɛlɔ ni, Yoseƒ úbasu nwuna banwani bammɔ ɔnini, “Si bɛɛyɔ́ ka bɛkɛ ngba bɔdi ni, amu bɛbla lɛla lɛni na ndubo-mii bɔsu mɛni, ɔsika ami ɔlati ni, ndi ukyuli ɔni mɔɔbu Unwoti Katɔti geen.

Hiob 31:12

Na ɔmmɔ ɔdi ogya ɔni mɔɔkyula ala na kekpine na ɔɔkyula ukyuli ala ƒui taatálɛ kalɔ kemmo edula lɛnɔ lɛlɔ.

Hiob 7:2

Na útavumanaku kabla ɔblane ɔni na unye ɔgya useyi uwi ɔyuli, iye ɔtumane ɔni na unye ɔgya nwuna lɛyuƒɔla.

Kɔgya 36:1

Alaekpidi bablane ɔbladu ulátina ka baayia Katɔti. Mɔɔnu ka likyulikpi kasusu kani na beeti.

Kɔgya 81:8

“O mina kadi bekyuli Israelƒuɔ, binu mina bɔlɛ. O Israel kadi bekyuli, mɔɔyɔ́ ka binu-mi litemi.

Kɔgya 96:13

Bidie lɛnu na bibo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ. Na ɔdubɔsia nwuna litemi geen lɛmmɔ lɛlɔ ɔtɛ litemi lɛmmɔ.

Kɔgya 98:9

Bidie lɛnu na bibo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ. Na ɔdubɔsia nwuna litemi geen lɛlɔ ɔtɛ litemi lɛmmɔ.

Israelƒuɔ Bɔlɛ 1:17

Nsu ka beleku bamɛni baayia Katɔti ɔsu bátabla bátasiaku kalɛ na Ƒarao ɔ́su-ma mmɔ lɛlɔ, mmomu báya na beli ngba.

Israelƒuɔ Bɔlɛ 18:21

Na awɔ édie ɔma ɔmmɔ bekyuli bani na bebo ɔlɔkplu na beeti ɔbu teete Katɔti, na baabla ala ulu lɛlɔ, na badi bekyuli bani neeebo egulabi lɛnungyie, na eti-ma enyene nkyuli mpim mpim kenye ku eti anyɔ anyɔ kenye ku liti liti kenye ku leevu leevu kenye.

Israelƒuɔ Bɔlɛ 20:7

Takpali Unwoti ƒula Katɔti lɛnyi keeke. Ɔsika Unwoti ɔdubɔni ukyuli ɔni mɔɔlɔ-nwu lɛnyi keeke kɔtu.

Israelƒuɔ Bɔlɛ 22:20

“Ukyuli biala matábla akpala mete unwoti ɔdi ɔni na ɔɔɔdi Katɔti ni, ɔlɛka badu-nwu.

Agba 16:6

Bɔyɔ bɔni neeebo kawɔkɔ ku litemi lɛlɔ bɔdi uwi ndi uwi uuti ala teebi likpidi. Na si aayia Unwoti ni, eekeli likpidi.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Yesaia 57:3

“Nsu amii ni, bilenu litemi munu munu. Bɛkɛ bekebone ku baƒiɔkpane lɛlɔ bɛɛkɔ́ taayu. Na ɔƒaani ni, bise atu na binu!

Yeremia 23:10

Bekyuli bani nálɛ Unwoti kama na kalɔ kammɔ lɛlɔ bemomo geen na ɔkɛnku bana ngba bukpidi bɔni na belie ku kalɛ na baabla ɔyikun ɔni na bebo lɛlɔ kabla kalɛ kalɛ na kalɔ kammɔ ƒui lɛlɔ ɔsu Unwoti úwida kalɔ kammɔ na ɔ́ya na bebuo kadikɔ kammɔ kénwini kalɔ kakwiidi na kasɔ kaládia lɛla lɛla bɔbla.

Yeremia 27:10

Ɔsika si bínu bana ɔkɔ etemila ammɔ udu ni, ndubɔya na bakpɛ-mii kalɔ batɔlɔku bina kalɔ lɛlɔ besienku ɔgyu kaaka na batádu-mii na mmɔ.

Yeremia 27:9

Ɔƒɛni kalɛ bibo bekyuli badi na bina lɛga kɔdikɔ bani mɔɔsu ka ama baanu taati ala ani ndububo abalɛ na bana evo ɔsu iye ka baakpali bekpine iye beegyé ana adi iye baƒiɔ badi baatɛmiku-ma ɔsu. Nsu si bana ɔdi ɔɔsu-mii ɔnii bitenu Nebukadnesar litemi ni, bitakpete-ma.

Yeremia 42:5

Mmɔ na ama lɛnɔ báƒɔ banini, “Unwoti ɔlati ndubo-bu kenye budie ka búse kenye ka lɛla biala na ɔ́su-bu ni, bɔdubɔbla bɔsiaku lɛni kani.

Yeremia 5:2

Ukyuli biala nése kenye kadi na mina lɛnyi kemmo ni, uládi-ka lɛlɔ.”

Yeremia 5:29

Ɔlɛka bani-mii kɔtu, anwuɔsu ndubo-mii kasi budie.

Lewiƒuɔ Ɔda Bubo 19:13

“ ‘Ɔdi utanya nwuna ɔkpana utakya iye uyu-nwu na ulu ɔdi lɛlɔ. “ ‘Teni ƒula kabla ɔblane nwuna kayu bɔƒɔ na kadi kegye kasia egulabi ammɔ lɛlɔ.

Lewiƒuɔ Ɔda Bubo 20:10

“ ‘Si ukyuli ɔdi ku nwuna ɔkpana ulekudi bátɛ ni, ɔlɛka badu bana inyɔ ƒui.

Lewiƒuɔ Ɔda Bubo 20:27

“ ‘Si ɔnana iye uleku ɔdi ɔkya-mii akɔ na uubó like iye uuye bekpine ala teenu ni, ɔlɛka bibo-nwu atabi bɛdu. Na bana ubugya ɔdubɔsia ama alati lili.’ ”

Lewiƒuɔ Ɔda Bubo 20:6

“ ‘Ukyuli ɔni ndubusie bekyuli bani muubó like iye baakpali bekpine teeye ala teenu kudɔ na ama ku bekyuli bammɔ baabla lɛyalɛ ala ni, ndubo mina anumi budie bɔlɛ ukyuli ɔmmɔ. Na ndubɔda-nwu lidie nwuna badi akɔ.

Mika 1:2

Amii kalɔ lɛlɔ bekyuli ƒui binu! Bise atu kaduɛ na binu, ɔsika Unwoti Katɔti uudie-mii bɔƒiɔ taasiku nwuna keliekɔ kedee na nwuna kakpakɔ mmɔ.

Habakuk 1:12

Unwoti Katɔti Kedee, adi mina katamikukɔ lɛtakpɛ bonwu, na eli ésela uwi ƒui na aaadubo bɔya na likpi. Áya na Babilonƒuɔ bénwini bayikune na baatɛku bekyuli bamba litemi na bani-ma kɔtu.

Sakaria 11:12

Lɛ́su-ma nnini, “Bɛƒɔ-mi mina kayu si bɛdubɔkana. Na si ulebo-nwu kemmo lɛni lɛnɔ ni, na bɛyiƒala lɛla biala.” Anwuɔsu báƒɔ-mi kayu kani ndi sika ɔƒualadi bebi avlaatɛ. Mmɔ na Unwoti ɔ́su-mi ɔnini, “Bo sika ɔmmɔ wi ɔvɔne ɔmmɔ.” Anwuɔsu ami lɛnɔ líbo sika ɔmmɔ líwi-nwu na Katɔti kakpakɔ.

Malakai 1:6

“Ami, Unwoti Ɔyikune Ƒui, mbo lɛla lɛdi na lɛsu amii bakpane. Bebi baabu bana bawɔne, na kabla bablane baabu bana batɔlati. Na ami ndi Ati ku bina ɔti. Na bi ɔsu na bilábu-mi? Amii bakpane bídumi-mi. “Nsu biiye ɔƒɛni bɛnini, ‘Dɛ na búdumi-ɔ?’

Malakai 2:14

Bi ɔsu na akpala ammɔ átayɔ-nwu kaƒɔ? Ɔsika ɔgyi ka bina akɔ ɔdi biala ɔɔɔsiaku lɛkloƒu uwi uleku ɔni na úti kama siin, mmomu bɛ́lɛ-ma kama ina ka bíse kenye ka ama kani ndubɔbla bina beleku na bilálɛ-ma kama, nsu bíbile linyese lɛmmɔ.

Malakai 2:17

Bɛ́ɛya na Unwoti ɔ́nɔ-mii lɛlɔ ku bina etemila. Nsu bɛmu biiye bɛnini, “Ulu ɔmani lɛlɔ na bɔ́sia bɔ́bla ala ammɔ?” Ulu ɔmmɔ ndi ɔni na bɛɛsu bɛnini, “Likpidi bablane baada Unwoti kubiti, na ɔɔɔdaku-ni ka ɔtɛ litemi lɛmɛni ani.”

Luka 23:40

Mmɔ na ukyuli unyɔdi ɔ́dɔnku-nwu ɔnini, “Awɔ aláyia Katɔti yoo? Kɔtu bɔni bunwi pɛ na bekpone béti béte awɔ ku anwu ƒui.

Romaƒuɔ 3:8

Si búti-nwu lɛni ni, bɔkana bɔsu bɔnii, “Bɛya na butaabla likpidi kalɛ na lɛla lɛbuni lɛlɛ lɛsiku-nwu kemmo.” Bekyuli bani meti-nwu lɛni ni, bámanku ka Katɔti ɔdu-ma kɔtɔ. Nsu lɛni na bekyuli badi beedumi-bu, na baasu taatina ka abu násu lɛni.

Lɛkpa Ulu 15:13

Na si uwi údu ka bana ɔdi úsela ni, utalɛka ukyuli ɔni na ɔ́bla kabla úte mmɔ ɔnyonu-nwu na ɔtɔlɔ ku enukplu.

Lɛkpa Ulu 18:10

Na ɔdi uteti ubidi utatákya ogya kemmo ɔnii uuti-nwu ɔkpa. Na bitatɛya kalɛ na beesié teetéye ala teenu. Iye utenwini ukyuli ɔni muubó like iye unwini kabɔ ɔdune iye

Lɛkpa Ulu 24:17

Bɛsi litemi lɛlɔ siin bite baƒɔ bani nkya-mii akɔ ku bekpinebi. Na ɔdi utaƒɔ ukpinele ɔdi kɔdi utese ɔkpa si ɔɔwia kevonkɔ kadi.

Lɛkpa Ulu 27:19

‘Ewida asiaku ukyuli ɔni mɔɔnya bekyuli bani naaadi Israelƒuɔ ku bekpinebi ku bekpinele taakya.’ Na ɔlɛka bekyuli batuna banii, ‘Ɔsia lɛni.’

Lɛkpa Ulu 5:11

Takpali Unwoti ƒula Katɔti lɛnyi keeke. Ɔsika Unwoti ɔdubɔni ukyuli ɔni mɔɔlɔ-nwu lɛnyi keeke kɔtu.

Tesalonikaƒuɔ 1 4:6

Ɔkɛnku ɔmɛni lɛlɔ ni, ɔdi biala lɛnumi litegyie na ɔnwani ulekudi lɛlɔ kalɛ na waƒiɔ-nwu. Bɔ́su-mii na bɔ́lɛ-mii na ɔmɛni lɛlɔ búse kpakplaa ka ni, Blɔti ɔdubɔni bani mɔɔbla ala amɛni kɔtu geen.

Hebriƒuɔ 13:4

Ɔgya ku ule ngba bulie ni, ɔdi ka bite-mu ɔbu geen. Na ɔdi utalɛ ɔkpanadi kama. Ɔsika Katɔti ɔdubɔtɛku ukyuli ɔni mɔɔdi kɔsɔnɔ litemi ku bani na lɛyalɛ ala áƒɔ-ma lɛlɔ kemmo.

Yakobo 5:12

Mina banwani, ɔmɛni ndi lɛla lɛni náƒɔ kuye lítulo. Bitakpali ala na bɛlɔ katɔ iye kalɔ iye lɛla lɛdi biala. Bɛya na bina ɛɛn ɔbla ɛɛn, na bina oowo ɔbla oowo. Na si bɛɛbla lɛni ni, Katɔti ɔɔɔdubo-mii kɔtɔ bɔdu.

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.