Malakai 3:2 - Katɔti Ɔku Kedee

² Limeyi lɛni na Unwoti webo ni, ɔdubuse aani ogya lɛyu lɛni kemmo na baaƒɔ sika, iye ɔkwayɛ ɔni mbo ɔbi. Na ukyuli biala ɔɔɔdubo bɔkana na unye-nwu anumi iye unye ɔsiaku-nwu.

Malakai 3:2 ပူးပေါင်းရင်းမြစ်များ

Ala Kalɔ Buse 19:28

Únye mmɔ na ɔɔnu kalɛ na uyɔ ɔɔkɔ́ taasi Sodom ku Gomora ku kalɔ kani nwi mmɔ ƒui lɛlɔ aani kalɛ na uyɔ ɔɔkɔ́ taalɛ ɔgya livongu bonwu na lɛyu bonwu lɛdi kemmo.

Hiob 28:1

“Geen ni, sika ɔƒualadi ku ugyiedi kekukɔ kakya, na kesii kani na baaƒɔ ɔna ƒui na uukeye lɛnɔ kakya.

Kɔgya 130:3

Si ásia ukyuli alaekpidi kama ni, Unwoti, ɔma ndubɔkana ƒula litemi bɔtɛ kenye bunye?

Kɔgya 2:7

Ɔmmɔ kama ni, Ɔga Ɔƒunadi ɔmɛni ɔ́su ɔnini, “Ndubɔkɔ lɛsa na Unwoti lɛla lɛni na úse kenye úte-mi lɛlɔ ɔnini, ‘Awɔ ndi mina ubi. Na ɔmwi ni, línwini-ɔ ɔti.

Kɔgya 76:7

Unwoti, ƒula lɛlɔ kani mbo liƒu na ɔdi ulakana-a anumi bunye si éti kɔnyi.

Agba 25:4

Si ákya sika ɔƒualadi ogya na kɔtakɛ kɔni nányi kɔ́kpi mmɔ kɔ́lɛ-nwu lɛlɔ ni, ugyii ɔni na ukyuli biala ɔɔnu ka ɔ́ƒɔ kuye mmɔ únwini kabla lɛblala teete ɔkywɛne ɔmmɔ.

Yesaia 1:18

Unwoti ɔnini, “Bibo na bɔdi kasusu bɔsala, na bɔwia ala kemmo bɔnu. Ina dɛ na bina alaekpidi áya na bɛ́nwu aani aƒɛ muedi ni, ndubɔkana na lidie-nya bina lɛlɔ. Na lɛya biteekeye aani etubankɛ. Na si ina dɛ na ekpidi ammɔ áya na bígyie dɛ muedi ni, ndubɔƒɔ-mii lɛlɔ na bɛƒuala aani unwo.

Yesaia 33:14

Liƒu líƒie alaekpidi bablane benengudi bani nkya Sion Kɔbi lɛlɔ na lɛlɔ lɛɛtɔ́-ma kpakpaakpa na béye banini, “Dɛ na bɔdubɔkana kesii kani na ogya ɔni mɔɔkywí teebile ala uwi ƒui na uléni mɛni bulie?”

Yesaia 4:4

Na Unwoti ɔdubɔkpila Yerusalem beleku bammɔ ƒui sɛɛn na bana ekpidi ɔsu. Na udie ubugya ɔni na ɔ́dɔli Yerusalem ƒui na nwuna lɛlɔ, ku kɔyu kɔni mɔɔtɛ litemi siin na kuse aani ogya ɔni mɔɔkyula ala.

Yeremia 2:22

“Bina ekpidi áya na bɛ́dɔli geen na ina bi ɔkwayɛ na bíti bɛ́kpi bikuo lɛlɔ kalɛ kalɛ muedi ni, bɔdɔli bɔmmɔ bulálɛ-mii lɛlɔ na mina anumi. Lɛni na ami Unwoti Katɔti mɔɔsu.

Esekiel 22:14

Na si uwi ɔni na lɛ́wɔlɔ lɛla lɛni na mɔɔyɔ́ lɛbla ni, bina ɔtɔtɔ ɔni na bibo ƒui ɔdubɔyii ɔkya na bɛbla kpɛtɛ kpɛtɛ ɔni na kɔnu muedi bɛsɔ bilakana-ku katɔ bɔkɔliku. Ami Unwoti násu na nsɔ lɛɛɛdubo lɛla lɛdi bɔvumana.

Daniel 11:35

Na bana badi bani náda anu ni, badubo abi bubo kalɛ na Katɔti ɔbla-ma kedee na ɔƒɔ-ma utédu uwi ɔmmɔ kawɔlɔkɔ ɔni ndubo na nwuna lɛla lɛni na ɔ́lɛ ugyii úse kenye.

Yoel 2:11

Unwoti Katɔti mɔɔtɔnku bekpone lisu bonwu bamɛni na beenú-nwu lɛdi. Katɔti litemi bɔtɛ limeyi lɛdi liƒu limeyi bonwu geen na ukyuli biala ulakana-ni kenye bunye.

Nahum 1:6

Ɔma ndubɔkana Unwoti kɔnyi kpakplaa kɔmmɔ kenye bunye? Nwuna kɔnyi kuubile ala aani kalɛ na ogya ɔɔda taakyula ala, na atabi muedi aabwɛ.

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Mateo 25:10

“Ka bánya bátɔlɔ kani na uleku ɔgya ɔmmɔ úbeduo. Na begblebi ɛlɔ bani náda lɛlɔ bése mmɔ básiaku-nwu béduo uleku ketikɔ mmɔ, na bákalɛ ɔtɔ.

Marko 9:3

Na nwuna awu uukeye na ɔ́ƒuala ƒututuu ɔni na uukeye teetulo kalɛ na ukyuli ɔyawine ɔdubɔkana lɛla lɛdi bɔƒɔ na ntu kemmo na ukeye.

Luka 2:34

Na Simon úte-ma kusɛ kusɛ na ɔ́su Maria ɔnini, “Ubi ɔmɛni ɔdi Katɔti Ukyuli Ɔƒunadi. Na ɔdi bɔƒɔ iye bɔyii ute Israelƒuɔ pii na kalɛ na báƒɔ-nwu kenye. Ɔdi bɔnu bɔti bɔni nási Katɔti kudɔ na bekyuli pii badubɔta benye-nwu lɛlɔ.

Luka 21:36

Anwuɔsu binye kagyumana na bitaakpali katɔ uwi biala kalɛ na bɛkɛ ɔyikun na bɛlɛ sɛɛn na ala ani ƒui ndubɔlɛ mɛni kemmo ku kalɛ na bɛkana ami, Ukyuli Ɔyawine Ubi, litemi bɔtɛ kenye bunye.”

Luka 3:17

Ɔda nwuna kɔɔlɛ kɔni na ɔdubɔƒɛ nwuna edula udie na uti uwi unwu kemmo. Nsu ɔdubɔkyula aƒaƒa ku lɛmuyɔ lɛkladi na ogya ɔni naaadubo buni kudii kemmo.”

Luka 3:9

Bɛɛnu ka bada kadadi benye kugyii lɛlɔ na bada-ku ku ligyiitu. Kugyii biala naaanwu ebi buni ni, badubɔmɛnɛ-ku bakya lɛgyavonku kemmo!”

Luka 7:23

Lɛlɔ lɛdubɔyɔ ukyuli ɔni nátanu linyeyɔla lɛdi na mina lɛlɔ.”

Yohane 8:55

Amii bɛɛɛgyi-nwu. Nsu ami ngyi-nwu. Na ndubunwini ɔkɔ ɔnyine bina kalɛ si líni ɔmɛni. Ɔsika ngyi-nwu geen, na mɔɔdi nwuna etemila lɛlɔ.

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Budie Taatina 19:8

Blɔti úte-ma kɔdi kɔbuni kɔni muukeye sɛɛn ka beti benyimi.” Na kɔdi kɔbuni kɔmmɔ ndi ala siin ani na Katɔti bekyuli bammɔ bábla.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.

Budie Taatina 6:17

Ɔsika Katɔti ku Koƒonu Ubi ɔmmɔ kɔnyi kpakplaa limeyi lídu! Na ɔma makana kɔnyi kɔmmɔ kenye bunye?”

Budie Taatina 7:14

Amu na lɛ́su-nwu nnini, “Ati, lɛɛɛgyi-ma. Awɔ ngyi bekyuli bamɛni.” Amu na ɔ́su-mi ɔnini, “Bekyuli bamɛni ndi bani nénye lɛbibo bonwu lɛmmɔ kenye, na bálɛ-nwu kemmo. Bábla sɛɛn na Koƒonu Ubi ɔmmɔ ubugya ɔsu, aani kalɛ na baaƒɔ lɛwu na lɛɛƒuala.

Samuel 1 6:20

Ɔmmɔ ɔsu Bet-Semesƒuɔ béye banini, “Ɔma mbo ɔyikun na ɔkali ɔnii uunye ɔsiaku Unwoti Katɔti Kedee ɔmɛni. Na ɔma na bɔdubuti Unwoti Bunyimi Adaka ɔmɛni bumene ɔƒaani?”