Malakai 3:17 - Katɔti Ɔku Kedee

¹⁷ Mmɔ na Unwoti Ɔyikune Ƒui ɔ́su ɔnini, “Amii bekyuli bamɛni bɛ́ƒɔ-mi kuye geen, na si uwi ɔni na líbo mbatɛ litemi ni, ndubo-mii bɔgyumana kalɛ kani na bawɔne baagyumana bana ubi ɔni muunú-ma litemi.

Malakai 3:17 ပူးပေါင်းရင်းမြစ်များ

Nehemia 13:22

Mmɔ na líbo Lewiƒuɔ bammɔ ɔda ka ɔdi biala utábla lɛlɔ sɛɛn na beteesie batágyumana kɔyakun kɔmmɔ kalɛ beeti ɔbu beete lɛnwunameyi. Amu na lívele Katɔti nnii, “Mɛni lɛnɔ ni, nyimo-mi na anu-mi kɔnyana ɔ́si ƒula bɔyɔ bonwu bɔni ebo ɔsu.”

Kɔgya 115:13

Na bani ƒui na beeti ɔbu teete Unwoti ni, Unwoti ɔdubute-ma kusɛ kusɛ ama bani mbo kenyekɔ ku bani neeebo kenyekɔ na bekyuli akɔ ƒui.

Kɔgya 135:4

Unwoti Katɔti ɔlati náƒuna Yakob úte lɛlɔ. Na ɔ́ƒuna Israel kadi ka babla nwuna bekyuli.

Israelƒuɔ Bɔlɛ 19:5

Ɔƒɛni si bínu-mi litemi kaduɛ na bɛ́di mina bunyimi lɛlɔ ni, amii ndubɔbla mina bekyuli bani lɛlɔ na mina kayi kadubɔsia na kadi bekyuli ƒui akɔ, ina ka kayawi ƒui kadi mina kadi.

Israelƒuɔ Bɔlɛ 32:32

Nsu buvele na nda-a nnii ti bana ekpidi kyiɛ-ma. Mmomu si éni-ma buti bɔkyiɛ bɔdi ni, na akpa ada-mi lɛnyi edie ƒula ɔku kemmo.”

Lɛnu Ƒui Ɔnu 2:16

Mina Ɔyɔne, awɔ ɔni mɔɔnyuɛ ƒula baƒonu na eveteli ani nédie anwula akɔ, awɔ mbo-mi na ami lɛnɔ mbo-ɔ.

Yesaia 4:2

Nsu na uwi ɔni mebo kemmo ni, bekyuli bani na Unwoti ɔdubɔya na balɛ sɛɛn babla aani kugyii kagba kawɔdi kani mɔɔdia bɔnu na keekeye na kana ebi ndubɔya na Israelƒuɔ bani nébu mmɔ baƒɔ lɛnyi na beteekeye.

Yesaia 43:1

Unwoti ɔnini, “Ami nédie amii Yakob kaba kemmo bebi na lɛ́bla-mii na bɛdi Israel kadi. Bɛda bɔyia bɛya, ɔsika ami nédie-mii. Lɛ́sia-mii lɛnyi lɛni na mɔɔlɔ-mii na ɔƒaani bɛdi mina badi.

Yesaia 43:21

Lɛ́bla-ma na badi mina kadi bekyuli kalɛ na beti ɔbu bete-mi.

Yeremia 31:20

Israel kadi bekyuli, ami ɔlati mina bebi bani mɔɔyɔ́ geen na bɛdi. Ɔɔɔdi ami na mɔɔyɔ́ teetulo ƒui na kadi bekyuli akɔ yoo? Ina ka muubó-mii lɛnimi enwu ku kɔnyi taasu ka ndubo-mii bɔtina ni, bɔyɔ na mɔɔyɔ́ ka bɛni bide-mi na lɛnu-mii kɔnyana. Ami Unwoti násu.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Esekiel 16:8

“ ‘Na uwi ɔni na lɛsɔ lɛnu-ɔ na ɔmmɔ kama ni, na éedu kalɛ na ati ɔnana. Ɔmmɔ ɔsu líti mina awu gyɔlɔɔ ɔmmɔ kakɛ kadi líbi-ɔ lɛlɔ na lɛ́bɛla-a kasɔngya líti lɛ́tina-a ka ndubo-ɔ bɔgyumana. Na líse-ɔ kenye kpakplaa na búnyimi ka enwini Unwoti Katɔti ami ɔdi na ntaanu-ɔ lɛlɔ.

Seƒania 2:2

Ɔsika Unwoti úuse uwi úse ɔni na ɔdubo ku kɔnyi kpakplaa na ubébo-mii uwi kalɔ aani ɔƒɛƒɛɛ kpakplaa na ɔkpala-mii ƒui ɔtɔlɔku.

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Malakai 1:6

“Ami, Unwoti Ɔyikune Ƒui, mbo lɛla lɛdi na lɛsu amii bakpane. Bebi baabu bana bawɔne, na kabla bablane baabu bana batɔlati. Na ami ndi Ati ku bina ɔti. Na bi ɔsu na bilábu-mi? Amii bakpane bídumi-mi. “Nsu biiye ɔƒɛni bɛnini, ‘Dɛ na búdumi-ɔ?’

Malakai 4:3

Uwi ɔni na ndububo mbatɛ litemi mmɔ ni, bɛdubɔnya bɛvi bekyuli bekpidi lɛlɔ bisusu aani si ntɔ na badi na bina lɛgba kalɔ. Ami, Unwoti Ɔyikune Ƒui, násu!

Mateo 25:34

“Na Ɔga ɔmmɔ ɔdubɔsu bekyuli bani nnye-nwu kudɔ ɔnini, ‘Amii ndi bekyuli bani na Katɔti ɔni ndi mina Ɔti ɔ́ya na lɛlɔ lɛdubɔyɔ-mii kaduɛ. Anwuɔsu bibo na bibeduo lɛga kadikɔ kani na Katɔti ɔ́klibi úse úte-mii ɔ́si kayawi kalɔ kesekɔ ƒui.

Yohane 17:24

“Ati, awɔ néti-ma éte-mi. Na mɔɔwia ka belie-mi kudɔ na kesii kani na nkya kalɛ na banu kalɛ na ákɔliku-mi lɛnyi katɔ. Ɔmɛni ndi lɛnyi lɛni na éte-mi. Ɔsika aayɔ́-mii kukuuku asa na édie kayawi ku kana lɛla biala.

Romaƒuɔ 8:32

Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Korintoƒuɔ 1 15:23

Nsu Katɔti ɔdubɔgyila ɔdi biala na ulu ɔni na Katɔti ɔlati úse úse lɛlɔ. Na Kristo ndi udeedi. Na uwi ɔni lɛlɔ na wasɔ webo ni, bani na béti lɛlɔ béte Kristo ɔmmɔ na ɔdubɔsɔ ɔgyila.

Korintoƒuɔ 1 6:20

Ɔsika Katɔti ɔ́ƒɔ kayu bonwu na bina lili. Anwuɔsu biti bina ɔlɔna bɛbla ala ani muute Katɔti ɔbu.

Korintoƒuɔ 2 6:18

Na ami ndubɔbla bina Ɔti, na amii lɛnɔ bɛbla mina bebi banana ku belekubi. Lɛni na Katɔti Ɔyikune Ƒui ɔɔsu.”

Galatiƒuɔ 5:24

Na bekyuli bani ndi Kristo Yesu badi ni, bákana bana ɔlɔna udu ɔkukudi ɔmmɔ ku nwuna ɔkwɛ adala ekpidi ƒui bámana ugyii lɛlɔ ku Kristo.

Lɛkpa Ulu 14:2

Ɔsika amii bɛdi Unwoti Katɔti ɔdi na anwu náƒuna-mii ɔ́lɛku kadi bamba bekyuli akɔ na kalɔ lɛlɔ ƒui ka bɛbla nwuna ɔdi.

Lɛkpa Ulu 7:6

Bɛdi Unwoti Katɔti bekyuli kedee bani na ɔ́ƒuna ɔ́bla nwuna badi na kayawi bekyuli ƒui akɔ. Na bɛ́ƒɔ-nwu kuye geen.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.