Malakai 2:7 - Katɔti Ɔku Kedee

⁷ “Amii bakpane, ɔlɛka bina inye bugyingya lɛlati, na ukyuli biala ubo-mii kudɔ ubenu bɔlɛ, ɔsika amii mɔɔtɛmi teete ami, Unwoti Ɔyikune Ƒui.

Malakai 2:7 ပူးပေါင်းရင်းမြစ်များ

Baga 2 16:11

Anwuɔsu Uria lɛnɔ ɔ́tu lɛkpabi lɛmmɔ kalɛ kani na báta-ni mmɔ.

Baga 2 16:16

Na Uria ɔ́bla aani kalɛ kani ɔga úbo-nwu ɔda.

Ala Alɛdi 2 30:22

Hesekia ɔ́gya Lewiƒuɔ bammɔ enu na kabla kabuni kani na bábla ɔsu ku kalɛ na bátɔnku lɛkpa na emeyi ammɔ bɔdi kemmo. Bekyuli bani nébo mmɔ bábakpa lɛnɔ bádi limeyi lɛmmɔ emeyi maatɛ sɔɔn na béteeboku etela ani na béti bákpa na baadi adila kedee na baagyá bana bati kuuku Unwoti Katɔti enu.

Ala Alɛdi 2 31:4

Hesekia ɔ́su Yerusalemƒuɔ bammɔ ka beboku etela ani na badubuti bete bakpane ku Lewiƒuɔ bammɔ kalɛ na bakɛ uwi babla Katɔti kabla na bana kabla kani kenye na benye kemmo.

Esra 7:10

Ɔsika Esra úti lɛlɔ úte Unwoti ɔda bubo bɔtɛya ku kalɛ na badi-mu lɛlɔ, na ɔɔtina ala ammɔ na Israel.

Esra 7:25

Na awɔ, Esra, ti lɛnunda lɛni na ƒula Katɔti úte-ɔ na awia litemi batɛne bani ngyi ƒula Katɔti ɔda bubo bɔmmɔ lɛlɔ ala na bataatɛ ketu ɔvi badi bammɔ litemi. Na bani na baaagyi ɔda bubo bɔmmɔ lɛnɔ ni, na atina-ma ala.

Agba 5:2

Mmɔ na adubɔtɛya kalɛ na baabla ala ulu lɛlɔ, na ƒula enyekuli aklibi lɛlati ala ese lɛlɔ.

Etemila 5:5

Ɔdia si étese Katɔti kenye kadi utulo ka ese-nwu kenye na aladi-ka lɛlɔ.

Yesaia 42:19

Ɔma bene ndi banumbwɛne ku batutine bammɔ si ɔɔɔdi amii mina kabla bablane bani na lɛ́ƒuna na bɛdi mina batu?

Yesaia 44:26

Ndubɔya na mina kenye bediene ala ani básu banini, ‘Bekyuli badubo bumomo na baƒɔ Yerusalem ƒui na Unwoti ɔsɔku ɔma ɔmmɔ ɔda ubo-nwu kemmo.’

Yeremia 15:19

Mmɔ na Unwoti ɔ́su-mi ɔnini, “Da bɔtɛmi aani ɔdɔlɔdi lɛni ya! Si ƒula kasusu kénwini kébo-mi kudɔ na ákɔ mina litemi lɛsa ni, ndubɔya na asɔ ataabla mina kenye udiene kabla. Na mɔɔnu ulu ka Yudaƒuɔ baƒɔ kenye kani na aasu-ma. Nsu tabu anii baaadubo-ɔ butaayila na bataakya-a liƒu.

Yeremia 18:18

Bekyuli bammɔ badi básu banini, “Bɛya na bɔyila Yeremia udu! Na bakpane badubɔkya-bu kudɔ uwi ndi uwi na batina-bu Unwoti ɔda bubo. Na bɔdubɔkɛ banundane na balɛ-bu. Na bɔkɛ kenye bediene bani ndubɔsu-bu Unwoti kenye kani na ubo ute-bu. Anwuɔsu si ɔni na bɔsɔ buteenu Yeremia etemila bɔsu ɔsu ni, bɛya na bɔda-nwu kenye ka ɔ́bla likpidi bonwu lɛdi.”

Yeremia 2:8

Bakpane béteye banii, ‘Nte Unwoti?’ Ama bani mɔɔtina ɔda bubo ala bátanu-mi bátati. Lɛlɔ badine aani baƒonu badane kalɛ báta bénye-mi lɛlɔ. Kenye bediene básu ala bése na Baal baƒiɔ lɛnyi kemmo, na bakɛ basiaku ala bamba aani neeebo kɔsia kama.

Esekiel 22:26

“Israel bakpane bédie mina ɔda bubo atu! Na ɔɔɔdi buni kani na béni na balábu mina ala ani na ese kedee mmomu béni na balátina bekyuli bammɔ kavumana kani na kakya ala ani na ese kedee mmɔ ku ala keeke ntɛ iye ala ani nse sɛɛn ku ani neeese sɛɛn ntɛ. Na baabla mina Lɛnwunameyi kalɛ kalɛ aani limeyi keeke biala kalɛ kani na ɔkɛnku ɔmmɔ ɔsu mina kadi bekyuli basɔ balabu-mi.

Esekiel 7:26

Ɔgbankpi ɔdubo butaalɛ taasia kama na biteenu kenye kekpidi uwi ndi uwi. Na bekyuli badubusie kenye bediene kudɔ betéye-ma si mbo kenye kadi ntɛ-ma. Bakpane badubo mina ɔda bubo bɔtina bɔda bɔya. Na batɔnkune basɔ baaadubo kasusu kadi bɔkɛ butaakya bekyuli.

Daniel 11:33

“Na uwi ɔmmɔ kemmo ni, bani mbo lɛnunda badubɔtina bekyuli pii ala. Nsu badubo badi bɔdu ku kuwii iye bakyula-ma iye beƒie-ma ala ani na bebo ƒui baƒɔ na beti badi bakya aban ɔtɔ.

Hosea 4:6

Amii bani na bɛdi bakpane bíni-mi, na mina bekyuli baayii udu ka béni mina ɔda bubo ɔsu. “Na ɔƒaani ni, ami lɛnɔ ndubo-mii buni na lɛyiƒala bina bebi ɔsika amii bɛ́yiƒala mina ɔda bubo.

Lewiƒuɔ Ɔda Bubo 10:11

Na ɔlɛka atina Israelƒuɔ ƒui ala ani ƒui na línyimiku-ma ɔkɛnku Mose lɛlɔ.”

Seƒania 3:4

Kenye bediene bani nkya Yerusalem baakɔliku lɛlɔ katɔ na baaadi bekyuli bani lɛlɔ na beti anu basia. Bana bakpane lɛnɔ béwi kakpakɔ kammɔ anumi kalɔ na bébile Katɔti Ɔda bubo bɔmmɔ.

Hagai 1:13

Mmɔ na Hagai ɔ́su-ma ɔnii Unwoti úse kenye ka ɔdubulieku-ma.

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Bumomo Bɔka 27:21

Na uténye ɔkpane Eleasar anumi na uye Unwoti kasusu ute-nwu na ulu sɛsɛɛ lɛlɔ. Na si Yosua údie lɛdi asa na anwu ku Israelƒuɔ ƒui badubɔlɛ busie kesii kadi na si ɔ́sɔ údie lɛdi na basɔ benwini bebo.”

Yohane 13:20

Mɔɔsu-mii geen nnii ukyuli biala ɔni muugyingya enu taaƒɔ ukyuli ɔni na lɛ́tala ni, ami na ɔ́ƒɔ. Na ukyuli ɔni megyingya enu na waƒɔ-mi ni, anwu ɔni nátala-mi lɛnɔ na ɔ́ƒɔ.”

Yohane 20:21

Ɔmmɔ kama ni, Yesu ɔ́sɔ ɔ́su-ma ɔnini, “Keyi buɛɛ kasiaku-mii. Kalɛ na Ati ɔ́tala-mi ni, lɛni kani na ami lɛnɔ mɔɔtala-mii.”

Batalane Kabla 16:17

Amu na ugblebi ɔmɛni ɔ́siaku abu ku Paulo kama na ɔɔva taasu ɔnini, “Bekyuli bamɛni badi Katɔti kabla bablane, na bébo mɛni bani babatina-mii ngba bɔƒɔ ulu!”

Korintoƒuɔ 2 5:20

Na abu nnye Kristo kenye. Na Katɔti ɔlati nkɛ-bu lɛlɔ na ɔɔsu-mii lɛla lɛni geen na ɔɔwia taasiku-mii kudɔ. Ɔmɛni ɔsu bunye Kristo kenyekɔ buuvele-mii bɔnii bɛya na Katɔti ɔklibi amii ku-nwu ntɛ.

Galatiƒuɔ 4:14

Ina ka udu ɔni kemmo na nkya na mina ɔlɛ ɔsu ɔdi bɔkɔku taanu ute-mii muedi ni, bítanu-mi kalɛ kadi iye bini-mi. Mmomu bɛ́ƒɔ-mi aani kalɛ na bɛdubɔƒɔ Katɔti ɔtu, na bɛ́ƒɔ-mi lɛnɔ aani kalɛ na bɛdubɔƒɔ Kristo Yesu ɔmmɔ ɔlati.

Lɛkpa Ulu 21:5

Na bɛya na Katɔti bakpane bani ndi Lewiƒuɔ badi basiaku-ma uwi ɔni na bésela batábla ala ammɔ. Ɔsika ama na Katɔti ɔ́ƒuna ka bakpa-nwu na benye-nwu lɛnyi kenye bete bekyuli kusɛ kusɛ na batɛ etemila aani kalɔ etemila ku ukyuli bubo bɔkya ɔlɛ etemila.

Lɛkpa Ulu 24:8

Na si ukyuli ɔdi uuƒi ɔlɛ buɛ ni, ukyuli ɔmmɔ ɔsia anu kaduɛ na ɔbla ɔsiaku lɛla lɛni na bakpane bani ndi Lewiƒuɔ badubɔsu-nwu ka ɔbla lɛlɔ. Na bɛnu ka bɛ́di ɔda ɔni líbo-mii mɛni lɛlɔ.

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Samuel 1 2:17

Eli bebi bamɛni beléte Unwoti akpala ɔbu ɔdi ɔni na bana likpidi lɛmɛni lɛdi bɔƒiɔ bunengudi geen na Unwoti anumi.