Malakai 2:12 - Katɔti Ɔku Kedee

¹² Muuvele nnii Unwoti ɔsɔ utaya na bekyuli bani na báƒiɔ ulu ɔmɛni lɛlɔ basɔ babla nwuna bekyuli akɔ badi lɛnɔ si ina baawia kpakplaa ka beti etela adi beboku-nwu.

Malakai 2:12 ပူးပေါင်းရင်းမြစ်များ

Ala Alɛdi 1 25:8

Na bani ƒui na Dawid úle kabla úte mmɔ na badi banamu iye benengu iye batinane iye batɛyane ni, ɔ́ka Unwoti buye bunu lɛla lɛni na ɔɔwia asa na úte-ma bana kabla.

Yesaia 61:8

“Ɔsika ami Unwoti ni, litemi bɔtɛ ulu siin lɛlɔ na mɔɔyɔ́. Na nkisi kuyu ku ɔkɔ etemila bɔtɛ ku ekpidi lidu bamba ƒui. Na kalɛ na mɔɔdi mina litemi lɛlɔ ɔsu ni, ndubɔƒɔ-ma kayu na linyimiku-ma bunyimi bɔni ndubɔkya ami ku-ma ntɛ uwi ƒui.

Yesaia 66:3

Nsu ukyuli biala nádu ɔmantɛ akɔ ka ɔkpa ute-mi ni, use aani ukyuli ɔni nádu nwuna ukyuli ɔkpana. Na ɔdi biala nádu koƒonubi ka ɔkpa ute-mi ni, use aani ukyuli ɔni náƒɛ akpewe limɔ. Na ɔdi biala néti kakpa edula ebi ka ubakpa ute-mi ni, use aani ukyuli ɔni néti ɔplakuo ubugya uboku-mi. Na ɔdi biala makyula oloƒui mete-mi use aani ukyuli ɔni mɔɔkpá baƒiɔ. Amii alati bɛ́ƒuna ala ani na bɛɛyɔ́ bíte lɛlɔ na binye bɛɛbla ala ani muusé lɛlɔ mɛni, ka anya mɔɔda-mii kubiti ɔsu.

Esekiel 14:10

Na ukyuli biala ɔni mesie kenye udiene ɔmmɔ kudɔ ɔnii utáƒɔ mina linyesia lɛdi lɛnɔ ni, ndubo-nwu kɔtu kɔmmɔ udu kani bɔni.

Esekiel 24:21

‘Kakpakɔ kani lɛlɔ na bɛɛkun lɛmɛni na bɛɛkali ka bibo bɔnwuna na lɛla biala lɛɛɛdubo-mii bɔbla mmɔ ni, unye kagyumana ka ɔkyula kakpakɔ kammɔ na kayii udu. Na badu bina bebi bani na belie Yerusalem ɔmwi.

Hosea 9:12

Na si ina bɛ́wɔ muedi ni, ndubɔkpanku-ma ƒui, na kebu amii lɛti. Bɛdubulie biteewulo kɔnyana uwi ɔni na línwini kama lɛ́kya-mii na ala ekpoku-mii na bɛyii udu ƒui kede kede.

Lewiƒuɔ Ɔda Bubo 18:29

“ ‘Na ukyuli ɔni mabla ala ani muusé lɛlɔ mɛni udu ni, ɔlɛka bada-nwu bedie nwuna badi akɔ.

Lewiƒuɔ Ɔda Bubo 20:3

Ndubuti mina lɛnumi lɛlɛ ukyuli ɔmmɔ lɛlɔ na likulo-nwu lidie nwuna badi akɔ, ɔsika ubidi ɔni úti úte Molek mmɔ ɔ́ya na mina Adi Kevo keesé lɛlɔ na úbile-mi lɛnyi kedee.

Amos 5:22

Na lɛɛɛdubo bina etela ku bebuo bani na bɛɛkyula teete-mi bɔƒɔ ina dɛ na bɛ́klibi-nya na adi akpala enengudi ƒui ani na bɛɛnu ka adia. Bina lɛsɛ likpludi lɛmmɔ lɛ́wɔ ɔƒaamu.

Sakaria 12:7

“Nsu ni, ndubɔya na Yuda ɔ́ka lɛlɔ bɔdi kalɛ na bekyuli balanu Ɔga Dawid lɛga kadikɔ ku Yerusalem ku nwuna bukeye ƒui beletulo Yuda.

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.

Malakai 1:13

Bina ala bɔbla bɔɔtina ka bɛ́ɛnɔnku ala ammɔ bɔbla na biidie enu taakywɛ-nya ku lɛlɔ bɔtina. “Na si bíti bebuo bani na básɔ bíboku bɛnii bibakpa bite-mi ni, bɔƒɔ na ɔlɛka lɛƒɔ-ma?

Malakai 2:10

Bɛɛɛgyi bɛnii bula ƒui ɔti ndi Katɔti? Na ɔɔɔdi Katɔti unwi ɔmmɔ kani nédie bula ƒui? Na bi ɔsu na bɛɛnya lɛlɔ taakya na bilábu bunyimi bɔni na Katɔti únyimi ku bina bati kuuku?

Bumomo Bɔka 24:5

“Yakob kadi bekyuli! Bɛnu kalɛ na bina nvo bɔɔdia bɔnu. Na bɛnu kalɛ na amii Israelƒuɔ kakyakɔ lɛnɔ kese.

Mateo 15:14

Anwuɔsu bitakpete-ma. Bese aani banumbwɛne bani mɔɔtɔnku banumbwɛne bamba. Na si ɔnumbwɛne ɔtɔnku nwuna ɔkpana ɔnumbwɛne ni, bana inyɔ ƒui badubɔnu beduo ubu kemmo.”

Timoteo 2 3:13

Nsu bekyuli bekpidi ku ɔkɔ ala batinane ama ni, bubie bɔmmɔ bɔdubɔkɔ-ma katɔ bubu na bataatɔlɔ bekyuli. Na bana ɔbladu ɔmmɔ ɔdubɔtɔlɔ ama alati lɛnɔ.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.

Samuel 1 3:14

Ɔmmɔ ɔsu líse kenye na lɛ́su ka Eli ku nwuna kaduli bekyuli likpidi lɛni na bábla ni, akpala iye kɔtɔ bukpi etela adi alakana likpidi lɛmmɔ budie.”