Malakai 2:10 - Katɔti Ɔku Kedee

¹⁰ Bɛɛɛgyi bɛnii bula ƒui ɔti ndi Katɔti? Na ɔɔɔdi Katɔti unwi ɔmmɔ kani nédie bula ƒui? Na bi ɔsu na bɛɛnya lɛlɔ taakya na bilábu bunyimi bɔni na Katɔti únyimi ku bina bati kuuku?

Malakai 2:10 ပူးပေါင်းရင်းမြစ်များ

Nehemia 13:29

O mina Katɔti, nyimi-ma. Ɔsika bébile bana bakpane kabla ku bunyimi bɔni na bakpane ku Lewiƒuɔ bényimiku-ɔ.

Hiob 31:15

Ɔdi litemi geen ka Katɔti néte bula ƒui ngba asa na badubɔwɔ-bu beboku kayawi kamɛni kemmo.

Kɔgya 100:3

Bɛnu bɛti ka Unwoti ndi Katɔti! Anwu nábla-bu na bɔdi nwuna badi bani na ɔɔnu lɛlɔ aani nwuna baƒonu kalɛ na kadikɔ.

Israelƒuɔ Bɔlɛ 19:4

‘Amii alati bɛ́nu ku bina anumi lɛla lɛni na lɛ́bla Egyipteƒuɔ ku kalɛ na líti-mii aani kalɛ kɔdigbo aasɛ uuti nwuna bebi taasia nwuna avwi lɛlɔ líboku mɛni.

Israelƒuɔ Bɔlɛ 19:5

Ɔƒɛni si bínu-mi litemi kaduɛ na bɛ́di mina bunyimi lɛlɔ ni, amii ndubɔbla mina bekyuli bani lɛlɔ na mina kayi kadubɔsia na kadi bekyuli ƒui akɔ, ina ka kayawi ƒui kadi mina kadi.

Israelƒuɔ Bɔlɛ 24:3

Amu na Mose únwini úsie bekyuli bammɔ kudɔ na útásu-ma Unwoti ɔda ɔni na úbo-ma ƒui. Amu ka ɔ́su-ma ɔ́wɔlɔ ni, bekyuli bammɔ ƒui bédie kenye banini, “Búnu lɛla biala na Unwoti ɔ́su, na bɔdubo ɔda bubo bɔmmɔ ƒui lɛlɔ bɔdi.”

Israelƒuɔ Bɔlɛ 24:7

Ɔmmɔ kama ɔ́ka Unwoti Bunyimi Kedee Ɔku kemmo etemila úte bekyuli bammɔ. Amu na bekyuli bammɔ básu banii, “Bɔdubo lɛla biala na Unwoti ɔ́su-bu bɔbla bɔsiaku lɛni kani, na bunu-nwu litemi.”

Yesaia 43:1

Unwoti ɔnini, “Ami nédie amii Yakob kaba kemmo bebi na lɛ́bla-mii na bɛdi Israel kadi. Bɛda bɔyia bɛya, ɔsika ami nédie-mii. Lɛ́sia-mii lɛnyi lɛni na mɔɔlɔ-mii na ɔƒaani bɛdi mina badi.

Yesaia 43:15

Ami ndi Unwoti bina Katɔti Kedee ɔni nédie Israel na ndi-nwu ɔga.

Yesaia 43:7

Ɔsika mina bekyuli na badi, na lídie-ma kalɛ na beti ɔbu bete mina lɛnyi.’

Yesaia 44:2

Ami ndi bina Udiene. Na ami návɔ-mii na kaƒɔ kemmo na ami kani ndubo-mii lɛlɔ bɔnu. Liƒu litada-mii, mina kabla bablane baƒunadi na bɛdi na mina kayi kasia-mii lɛlɔ geen.

Yesaia 51:2

Abraham ku Sara na Katɔti ɔ́ƒuna ka babla bina nana ati bene. Na Unwoti úte Abraham ɔmɛni kusɛ kusɛ na ɔkɛnku anwu ɔnana unwi pɛ ɔmmɔ lɛlɔ na kaba bekyuli lidu lidu báƒɔ kayawi.

Yesaia 63:16

Nsu awɔ ndi-bu Katɔti, ina ka Abraham ku Yakob ƒui basɔ baaagyi-bu aani bana bebi ni, awɔ Unwoti ndi bula ɔti, na Udiene na adi ete-bu ɔ́si kukuuku.

Yesaia 64:7

Ukyuli ndi ukyuli ɔsɔ ulákpali-ɔ lɛnyi iye unye kpakplaa ute-ɔ, ɔsika ábɛla-bu ƒula anumi. Na bubie kani náƒɔ-bu keliela ƒui na bɔɔyii udu na bula alaekpidi ammɔ ɔsu.

Yesaia 64:8

Nsu ni, Unwoti awɔ ndi bula ɔti. Lɛvɔti na abu bɔdi na awɔ ndi ɔvɔne ɔmmɔ. Ɔsika bula ƒui ƒula enu kabla na bɔdi.

Yeremia 31:9

Badubo buteewulo na baatákpali-mi teevele uwi ɔni na bakɛ ulu badubo ɔma. Na ndubo-ma bɔkpanku busienku abiɔ ani kemmo na ntu bɔbuni bɔkya na bani. Na badubɔsia ulu ɔni ntɛ kalɔ ƒiaa lɛlɔ na beletulo iye bagbanta. Ɔti na ndi nte Eƒraim mina kaƒɔ ubi udeedi ku nwuna badi.

Esekiel 33:24

“Esekiel, ɔyawine ubi, bekyuli bani nébu bakya lɛma lɛni bábwɛ na Israel kalɔ lɛlɔ beeye banini, ‘Ukyuli unwi kani na Abraham ɔdi asa na Unwoti úti Israel kalɔ kamɛni ƒui úte-nwu. Na abu bumomo, anwuɔsu ɔlɛka kalɔ kammɔ kenwini abu kadi.’

Malakai 1:6

“Ami, Unwoti Ɔyikune Ƒui, mbo lɛla lɛdi na lɛsu amii bakpane. Bebi baabu bana bawɔne, na kabla bablane baabu bana batɔlati. Na ami ndi Ati ku bina ɔti. Na bi ɔsu na bilábu-mi? Amii bakpane bídumi-mi. “Nsu biiye ɔƒɛni bɛnini, ‘Dɛ na búdumi-ɔ?’

Malakai 2:11

Amii bani nkya Yuda ku Yerusalem kalɔ lɛlɔ bilásiaku Unwoti kama siin. Na bíbile kakpakɔ kani na Unwoti ɔɔyɔ́ mmɔ ekisila na bɛɛbla ala ani muusé-nwu lɛlɔ na amii ku baƒiɔkpane biiti lɛlɔ.

Malakai 2:8

Nsu bínwini kama bɛ́kya-mi. Na bina ala ani bɛɛtina mmomu mɔɔkpanku bekyuli na beesié taatábla ala ekpidi. Na bíbile bunyimi bɔni na línyimiku bina ati kuuku Lewi.

Mateo 10:21

“Na uwi ɔmmɔ kemmo ni, bekyuli badi badubuti bana banwa alati bete na badu na ami ɔsu. Na bebi bati badi lɛnɔ badubɔbla lɛni na bana bebi lɛlɔ. Bebi badubɔta benye bana bawɔne lɛlɔ na bakya-ma kakya kalɛ na badu-ma.

Mateo 22:16

Anwuɔsu bátala bana batɛyane badi ku bekyuli bani nsiaku Herode kama bákya Yesu. Na ka bésie ni, básu-nwu banini, “Ala ɔtinane, bɔgyi ka ese siin na aatina Katɔti bɔƒɔtaadi ulu ɔmmɔ geen, ɔsika alánu ukyuli anumi taabla lɛla lɛdi. Na alákpete bekyuli asula lɛnɔ.

Mateo 3:9

Na bitakali ka Abraham kaba kemmo bebi bɛdi ɔsu ni, Katɔti ɔɔɔdubo-mii kɔtu bɔni. Mɔɔsu-mii nnii Katɔti ɔkana udie kaba ɔsiku atakpɛ amɛni kemmo ute Abraham.

Luka 1:73

Na ɔ́su bula ɔti Abraham kenye kpakplaa kamɛni úse ka ni,

Luka 3:8

Bɛtina na bina ɔbladu kemmo ka bínwini kama bɛ́kya bina alaekpidi. Na bitakali ka Abraham kaba kemmo bebi bɛdi ɔsu ni, Katɔti ɔɔɔdubo-mii kɔtu bɔni. Mɔɔsu-mii nnii Katɔti ɔkana udie kaba ɔsiku atakpɛ amɛni kemmo ute Abraham.

Yohane 8:39

Amu na Yudaƒuɔ bammɔ básu-nwu banini, “Abraham ndi bula ɔti.” Mmɔ na Yesu ɔ́su-ma ɔnini, “Si Abraham bebi na bɛdi geen ni, bɛdubɔbla ala ani na Abraham ɔ́bla.

Yohane 8:41

Ala ani na ukyuli ɔni ndi bina ɔti ɔ́bla ni, anya na bɛɛbla.” Amu na básu-nwu banini, “Ɔɔɔdi kɔsɔnɔ bebi na bɔdi! Ɔti unwi na bubo, na anwu ndi Katɔti!”

Yohane 8:53

Bulaƒɔ taadi ka bɔsu na ada anii etulo bula ɔti Abraham, munuu lɛni na aasu? Anwu úkpi, na Katɔti kenye bediene lɛnɔ békpi. Ɔma na aabu ka adi tɔ?”

Yohane 8:56

Ebiti áda bina ɔti Abraham ka ɔ́ti ka ndubo. Anwuɔsu úti anu ɔ́sia mina bubo lɛlɔ ku lɛlɔyɔ.”

Batalane Kabla 17:24

“Ati ɔmɛni ndi ala ƒui Ɔti ɔni nédie katɔ ku kalɔ ku ala ani nkya-nya kemmo ƒui. Na ulélie ɔtɔ ɔni na ukyuli ɔyawine enu ábla kemmo.

Batalane Kabla 17:25

Na ulawia bɔdi lɛnɔ taasiku bayawine enu kabla kadi lɛnɔ kemmo, ɔsika anwu ɔlati muute ukyuli biala ngba ku lɛkɛ.

Batalane Kabla 17:26

Údie bayawine ƒui ɔ́siku ukyuli unwi lɛlɔ ɔnii bulie aani ubugya unwi bebi na kayawi ƒui lɛlɔ. Anwu ɔlati nése uwi ku kadikɔ úse úte ɔdi biala.

Batalane Kabla 7:2

Amu na Steƒano údie kenye ɔnini, “Ati bene ku mina banwa, binu kaduɛ ka ni, Katɔti údie lɛlɔ ɔ́tina bula Nana Abraham na Mesopotamia kalɔ lɛlɔ asa na ɔ́ta mmɔ úsie kalɔ kani baalɔ Haran lɛlɔ.

Batalane Kabla 7:26

Amu ka kadi kégye ni, ɔ́sɔ úsie-ma kudɔ na útánu Israelƒuɔ inyɔ ka bakya beekpó. Úsie útáda-ma na ɔ́su-ma ɔnini, ‘Ati bene, banwani na bɛdi, anwuɔsu útalɛka biteekpoku lɛlɔ.’

Romaƒuɔ 4:1

Bi ndi lɛla lɛni na bɔdubɔsu ka bula ɔti kuuku Abraham ɔ́nu ɔ́ti na litemi lɛmɛni lɛlɔ?

Romaƒuɔ 9:10

Na ɔɔɔdi ɔmɛni lɛti. Nsu Rebeka ɔ́wɔ nta na badi bananabi ɔ́siku ɔti unwi pɛ kudɔ ɔni ndi bula Nana Isak.

Korintoƒuɔ 1 8:6

abu bɔgyi ka Katɔti unwi pɛ na bubo. Anwu ndi Ati ɔni nédie ala ana ƒui. Na anwu na bulie ngba bute. Na Blɔti unwi pɛ kani nkya, na anwu ndi Yesu Kristo ɔni lɛlɔ na Katɔti ɔkɛ údie ala ƒui. Na ɔkɛ anwu ɔsu na buli ngba.

Eƒesoƒuɔ 4:25

Anwuɔsu bɛda ɔkɔ bɔnyi bɛya. Na ukyuli ɔdi biala ɔsu nwuna ɔkpanadi litemi geen. Ɔsika bula ƒui bɔdi Kristo lɛlɔ ekpo bute lɛlɔ.

Eƒesoƒuɔ 4:6

Lɛni kani bubo Katɔti unwi ɔni ndi bula ƒui Ɔti ɔni ndi ala ƒui Unwoti, na ɔɔbla kabla na bula kemmo, na ulie bula ƒui kemmo.

Tesalonikaƒuɔ 1 4:6

Ɔkɛnku ɔmɛni lɛlɔ ni, ɔdi biala lɛnumi litegyie na ɔnwani ulekudi lɛlɔ kalɛ na waƒiɔ-nwu. Bɔ́su-mii na bɔ́lɛ-mii na ɔmɛni lɛlɔ búse kpakplaa ka ni, Blɔti ɔdubɔni bani mɔɔbla ala amɛni kɔtu geen.

Hebriƒuɔ 12:9

Ɔmɛni kama bubo bati bani náwɔ-bu na kalɔ kamɛni lɛlɔ na baaní-bu kɔtu na bɔɔbu-ma lɛnɔ na ɔmɛni ɔsu. Anwuɔsu ɔlɛka buboku lɛlɔ kalɔ bute Katɔti ɔni ndi bula kɔyu kemmo Ɔti kalɛ na bulie ngba.

Yosua 24:3

Amu na líti Abraham ɔni ndi bina bati kuuku unwi lɛ́lɛku mmɔ na lɛ́ya na úsie ɔ́vi Kanaan kalɔ lɛlɔ ƒui. Na líte-nwu bawɔ pii. Na lɛ́ya na Abraham ɔ́wɔ Isak.