Malakai 1:9 - Katɔti Ɔku Kedee

⁹ “Ngba bukpidi bɔmɛni na bilie, nsu bɛɛkpali teevele kusɛ kusɛ. Amii alati bɛnu si ndubɔnu-mii kɔnyana na ɔbladu ɔmɛni ɔsu. Lɛni na Unwoti ɔ́su.”

Malakai 1:9 ပူးပေါင်းရင်းမြစ်များ

Ala Alɛdi 2 30:27

Bakpane ku Lewiƒuɔ bammɔ bévele Katɔti ka ɔya na nwuna kusɛ kusɛ ɔsiaku bekyuli bammɔ na sɔsɔ ni, únu-ma buvele ɔ́siku nwuna keliekɔ kedee kammɔ na katɔ ƒui.

Israelƒuɔ Bɔlɛ 32:11

Amu na Mose úvele kɔnyana bɔnu na Unwoti Katɔti kudɔ ɔnini, “Unwoti, bi ɔsu na éti kɔnyi ákya ƒula bekyuli lɛni? Ƒula bekyuli badi, na éti ƒula ɔyikun bonwu na áda-ma édie Egyipte kalɔ lɛlɔ.

Yeremia 26:19

Amu na benengu bammɔ bésie anumi banini, “Ukyuli ɔdi útadu Mika na lɛla lɛmmɔ bɔsu ɔsu. Mmomu Ɔga Hesekia ɔ́kpali Katɔti ku bɔyia na lɛlɔ lɛnɔ lɛɛtɔ́-nwu na úvele-nwu ɔnii ɔnu-ma kɔnyana. Ɔmmɔ ɔsu Unwoti ɔ́bla kasusu ka ɔsɔ ulayila Yerusalem ɔma ɔmmɔ udu ina ka lɛni na nka ɔ́ɔsu ka wabla. Ɔmmɔ ɔsu ni, Yudaƒuɔ kadi bekyuli, bɔdubuti ɔgbankpi bonwu buboku lɛlɔ si bɔ́du Yeremia.”

Yeremia 27:18

Ɔsika si ami geen nátɛmiku-ma nka ɔlɛka bati lɛla lɛni na lɛ́lɛ ugyii ka ndubo bɔbla. Na bataakpali-mi teevele kalɛ na lɛya na Babilonƒuɔ basɔ beleti lɛla lɛdi balálɛku mina kakpakɔ iye ɔga kesii ku Yerusalem ɔma ƒui kemmo.

Kɔnyana Buwulo 2:19

Bɛta bilie usien umodi, na biteevele Unwoti bɛnii ubunku-mii. Na bidie bina ala ani muukpóku-mii ƒui bɛva-nwu anumi aani kalɛ na beewilimi ntu teedie lɛbo kemmo. Bivele-nwu na udie bina bekyuli bani nwi lɛblɔnu ƒui lɛlɔ na kɔka kɔɔdú-ma na baayɔ́ bekpi.

Yoel 2:12

Unwoti ɔnini, “Útakpɛ tɔ kama útavili. Bɛkana na binwini bibo-mi kudɔ ku bina kayi ƒui. Bise keku kalɔ ku buwulo ku kɔnyana! Na binyimi kenye.

Yoel 2:17

Su mina bakpane bani nnye kakpakɔ kayakun ku lɛkpabi ntɛ mmɔ na bewulo bakpali-mi banini, “Unwoti, ƒɔ ƒula kadi bekyuli! Na taya na kadi bamba bekyuli beti ƒula bekyuli benwini lɛƒiankula na bataama-ma teeye banini, ‘Wɛ na bana Unwoti ɔkya?’ ”

Amos 5:22

Na lɛɛɛdubo bina etela ku bebuo bani na bɛɛkyula teete-mi bɔƒɔ ina dɛ na bɛ́klibi-nya na adi akpala enengudi ƒui ani na bɛɛnu ka adia. Bina lɛsɛ likpludi lɛmmɔ lɛ́wɔ ɔƒaamu.

Yohane 9:31

Bɔgyi ka Katɔti ulenu alaekpidi bablane katɔ bɔkpali. Na bekyuli babuni bani mɔɔbu-nwu na baabla nwuna lɛƒɔyɔ mmomu katɔ bɔkpali na uunú.

Romaƒuɔ 2:11

Ɔsika Katɔti ulánu anumi lɛlɔ taatɛ litemi.

Petro 1 1:17

Bɛɛsu bɛnii, “Bula Ɔti” si bɛɛkpali katɔ. Anwuɔsu binyimo ka anwu ndubɔtɛku ukyuli biala litemi na ala ani na ɔɔbla kenye. Na ulanu bekyuli anumi asa na watɛku-mii litemi. Lɛni ɔsu ni, biti bina uwi ɔkladi ɔni nébu na bilie ngba mɛni aani baƒɔ kalɛ bitaabu-nwu.