Malakai 1:4 - Katɔti Ɔku Kedee

⁴ “Esau bebi ku bawɔ badubɔkana na basu banini, ‘Ina ka bula Edom kalɔ káyii udu ni, bɔdubɔsɔku-ka bɔtu.’ “Nsu ami, Unwoti Ɔyikune Ƒui, líse kenye ka lɛla biala na bátu ni, ndubudi-ni lɛbwɛ liwi kalɔ na bekyuli ƒui banu ka lɛɛɛdubo kɔnyi bɔda buti taakya-ma bɔya na uwi ɔni kemmo na bamu benye bana ekpidi bɔbla lɛlɔ ɔsu.

Malakai 1:4 ပူးပေါင်းရင်းမြစ်များ

Hiob 12:14

Na lɛla lɛni na Unwoti úbile ni, ukyuli ɔdi uuubo na wasɔku-ni waklibi. Lɛni kani na si úbo badi lɛkpu ɔ́kya kesii kadi ni, na ɔdi ulakana-ma budie.

Hiob 34:29

Na ina bunye na únye ɔ́nu na útakpete-ma muedi ni, kadi bekyuli bamani, munuu ɔma ndubɔkana na udie Katɔti bɔƒiɔ bɔdi? Na si bɔbɛla na ɔ́bɛla nwuna anumi ni, ɔma ndubɔnu-nwu? Anwu kani mɔɔdi bekyuli ku kadi ƒui lɛlɔ.

Hiob 9:4

Nwuna lɛnunda kemmo kágyu, na nwuna ɔyikun uuubo bɔka. Ɔma náta únye Unwoti lɛlɔ dii na úse-nwu buɛɛ?

Kɔgya 127:1

Si Unwoti Katɔti kɔnu kɔɔɔkya ɔtɔ ɔni na batune benye baatú kemmo ni, kekeeke na beebó abi. Na si Unwoti Katɔti útagyumana ɔma ɔni na bagyumanane benye baanu ni, kekeeke na belie benye baagyumana.

Kɔgya 137:7

O Unwoti, nyimo lɛla lɛni na Edomƒuɔ bábla na limeyi lɛni na Yerusalem ɔ́yu kalɔ. Báva básu banini, “Bigyingya ɔma ɔmmɔ! Bɛƒɛ lɛtɔ lɛmmɔ ku ana atabi ani bakya kalɔ ƒui kede kede!”

Kɔgya 33:10

Unwoti úbile kadi bekyuli kasusu ku kɔkwɛ biala na baakya kemmo. Na ɔɔyá na kulalɛ ɔbuni.

Agba 21:30

Kɔkwɛ kɔni na bekyuli baakya ƒui si ina dɛ na béti lɛnunda kemmo bákya-ku ni, kulakana Unwoti lɛlɔ bɔdi kudii.

Yesaia 10:4

Badubɔni-mii batɔlɔku na abuli kemmo ku bekyuli beƒiedi bakladi na biiibo lɛla lɛdi bɔbla, iye badu-mii bebunku bani na báadu béwi. Nsu ɔmmɔ ƒui Katɔti kɔnyi kɔɔɔdubo-nwu bɔyɔ tɔ.

Yesaia 11:14

Mmomu badubɔsala lɛlɔ na babwɛ bayu Ƒilistiƒuɔ besie ɔƒɛ kanukɔ. Na basi mmɔ betékpoku kadi kani bekyuli nkya bésie ɔƒɛ katukɔ.

Yesaia 34:10

Na ogya ɔmmɔ ɔdubo butaada usien ku ɔƒɛ na ulada uyɔ bɔlɛ uláya uwi ɔdi. Edom kalɔ kammɔ ƒui kadubɔkywi na kɔsa kaladi lɛla lɛdi bɔbla ɔ́si kaba útédu kaba. Na ukyuli ɔdi ɔɔɔdubo bɔkana na usie ulu ɔdi na ɔsia kalɔ kammɔ kemmo ɔlɛ.

Yesaia 34:5

Na si uwi ɔni na Unwoti úti nwuna kewii na ɔ́bla lɛla lɛni na ɔɔyɔ́ ɔ́wɔlɔ ni, ɔdubɔyu uduo Edom kadi bekyuli bani na ɔ́ɔdu kɔtɔ úse ka ɔkyula lɛnɔ lɛlɔ.

Yeremia 31:17

Anwuɔsu bitayila lɛnunsia. Ami Unwoti násu.

Yeremia 49:20

“Bise atu na binu lɛla lɛni na lɛ́ɛlɛ ugyii líse na amii Edom bekyuli lɛlɔ. Badubo bina bebi ɔbuli bɔkya bɔni bɔtɔlɔku na babwɛ bina kalɔ kemodi kammɔ ƒui.

Yeremia 49:7

Unwoti Ɔyikune Ƒui ɔ́su ɔ́siku Edomƒuɔ lɛlɔ ɔnini, “Lɛnunda ku kasusu kása na Teman ɔma kemmo. Na ndubo bɔya na ɔgbankpi ubo-mii lɛlɔ liti lɛni amii Esau bebi ku bawɔ kɔtu. Anwuɔsu ɔdi biala nási Dedan ɔma ɔsɔ unwini na ukeli ɔtɔlɔ uteesie ɔma mmomu.

Yeremia 5:17

Bina edula na kadi bekyuli bamɛni badubo bɔdi na bakun bina bebuo. Na adingyii ebi adi elébu na bina adingyii mmo. Na ina ka bɛɛkali bɛnii bɛ́kɛ kakyakɔ na bina awodu kpakplaa ani na bɛ́tu bɛ́mana bina ɔma ɔmmɔ kama ni, badubo-mii lɛma bubo bɔbwɛ na badu bina bebi.”

Kɔnyana Buwulo 3:37

Ukyuli ɔdi ulakana lɛla lɛdi bɔbla si Unwoti útete-nwu kuƒi kɔmmɔ.

Esekiel 11:10

Badubo-mii bɔdu na amii alati bina kalɔ lɛlɔ, nsu ndubo bɔya na bɛnu bɛti ka ami Unwoti nábla ala amɛni nwaa asa na badu-mii.

Esekiel 25:13

Anwuɔsu ndubo Edom kɔtu bɔni na lɛdu bana bekyuli ku bebuo ƒui. Na ɔ́si Teman ɔma útédu Dedan ɔmii ɔni nwi mmɔ ƒui kadubɔbla kalɔ kekpludi kani kemmo na lɛla lɛdi lɛsɔ lilakya.

Esekiel 25:14

Ndubo ami ɔlati mina kadi bekyuli bɔtala bɔkya-ma na betédie-ma kasi kalɛ na Edomƒuɔ banu mina kɔnyi kpakplaa ablala bati na bana akɔ. Na badubɔnu bati ka ami ndi Unwoti Katɔti si lɛ́ni-ma kɔtu lɛni.”

Esekiel 26:14

Ɔsika ndubo-mii udu bɔyila na bɛbla aani lɛtakpɛ lɛni lɛlɔ na asawu bewine beewi bana lɛsawu ɔƒɛ. Na bɛsɔ bɛɛɛdubo bɔkana na bɛsɔku bina ɔma unengudi ɔmmɔ bɛtu lɛnɔ. Ami Unwoti nése kenye lɛni.

Esekiel 35:4

Na bina lɛma lɛbwɛ liwi ukpludi na mmɔ kenwini kalɔ kakwiidi. Na bɛdubɔnu bɛti ka ami ndi Unwoti.

Esekiel 35:9

Na bina kɔlɔ kɔdubɔsɔ kuwi ukpludi uwi ƒui. Na ukyuli biala ɔdi usɔ ulakya bina lɛma lɛmmɔ kemmo kudii. Na bɛdubɔnu bɔti ka ami ndi Unwoti.

Amos 1:11

Unwoti ɔnini, “Ndubo Edomƒuɔ kɔtu bɔni na bana ekpidi pii ani na ɔ́bla ɔsu, na lɛɛɛdubo mina kasusu bɔvumana. Bádu ama alati bana lɛlɔ bekyuli ku lɛnungyie lɛni ɔsu na bátakana na banu-ma kɔnyana ina blii suɛ.

Amos 3:15

Ndubo bina kɔyɔ ku kaƒɛndi uwi lɛtɔ ƒui bɔbwɛ buwi kalɔ. Na bina lɛtɔ lɛni na bíti ɔtunkpɛ bɛ́kya-ni bɔdia ku lɛgbanya libendi lɛmmɔ ƒui ndubo-ni bɔbwɛ ƒui. Ami Unwoti násu!”

Amos 5:11

Na bɛɛnya bawabane taakya na bɛɛƒɔ́ eyi bonwu bonwu ku edula na bana kudɔ. Bɛ́tu lɛtɔ libendi bíte lɛlɔ, nsu bɛɛɛdubo-ni kemmo bulie. Na bíse adingyii mmo, nsu bɛɛɛdubo ntɛ bɔkɛ bɔsiku egyiibi ammɔ kemmo.

Amos 6:11

Ɔsika si Unwoti údie lɛdi ni, kaduli kenengudi o-o kebliidi o-o ni, ɔdubo-ku bugyingya ƒui kpɛtɛ kpɛtɛ.

Amos 6:2

Bisie Kalne ku Hamat ɔma ɔni náƒɔ lɛnyi mmɔ na bitánu Gat lɛnɔ na Ƒilisti kalɔ lɛlɔ na bɛnu si bana lɛga kadikɔ kédu Yuda ku Israel lɛga kadikɔ.

Obadia 1:1

Unwoti ɔ́su kenye kadi ɔ́siku Edomƒuɔ lɛlɔ na údie ɔ́tina Obadia ɔnini, “Ami Unwoti lɛ́tala ɔtu ɔdi ku kenye kadi, na líbo ɔda ka kadi bekyuli ƒui betékpo Edom.”

Obadia 1:10

Bɛ́bla bina lɛlɔ bekyuli bani ndi Yakob kaba kemmo bebi kalala. Anwuɔsu ɔƒaani ni, bɛdubo kɔƒa bɔdi uwi ƒui na badi-mii lɛlɔ.

Malakai 1:3

nsu líni Esau. Lɛ́bla nwuna abi lɛlɔ kalɔ na kénwini kalɔ kakwiidi kesii kani na beƒiebuo beelie.

Mateo 12:30

“Ukyuli ɔni naaasiaku-mi ni, ɔ́ta únye-mi lɛlɔ. Na ukyuli ɔni naaani teede-mi ni, na uukeli-mi.