Malakai 1:2 - Katɔti Ɔku Kedee

² “Israel, ami Unwoti lɛ́yɔ-ɔ geen, nsu ɔmmɔ ƒui kama buye na eeye anii ulu ɔmani lɛlɔ na líti lɛ́yɔ-ɔ. Tayiƒala ka ƒula ɔti kuuku ndi Yakob na ɔnwani ndi Esau, nsu Yakob na lɛ́ƒuna

Malakai 1:2 ပူးပေါင်းရင်းမြစ်များ

Ala Kalɔ Buse 25:23

Amu na Unwoti Katɔti ɔ́su-nwu ɔnini, “Kadi bekyuli akpa anyɔ nkya-a kaƒɔ kemmo. Na nkyuli inyɔ bani nási-ɔ kaƒɔ kemmo ni, badubo lɛlɔ bule. Na lɛkpa linwi lɛdubɔkɛ ɔyikun litulo lɛkladi. Ubi unengudi ɔdubunwini ɔnamudi kabla ɔblane.”

Ala Kalɔ Buse 25:25

Udeedi ɔni náka bɔlɛ ni, úgyie. Na nwuna lɛlɔ ƒui linwini lígyie. Ɔmmɔ ɔsu básia-nwu lɛnyi banii Esau.

Ala Kalɔ Buse 25:26

Ɔmmɔ kama asa na ɔnwani lɛnɔ úbalɛ, na úƒie ɔnwani kagbama ɔ́da. Na anwu lɛnɔ básia-nwu lɛnyi banii Yakob. Na asa na Rebeka wawɔ bebi bamɛni ni, Isak ɔ́ɔƒɔ akwa liti ku leevu.

Ala Kalɔ Buse 27:33

Amu na Isak ɔ́ta ku kɔnyi na lɛlɔ lɛɛtɔ́-nwu. Na úye ɔnini, “Na ɔma na ɔdi nésie útábui na úti lɛna úboku-mi na lɛ́kun? Ani na lɛ́kun mɔɔwɔlɔ mɛni asa na ébo, na líte-nwu mina kusɛ kusɛ. Na sɔsɔ ni, mina kusɛ kusɛ ɔdubo-nwu bɔsiaku!”

Ala Kalɔ Buse 48:4

Na ɔ́su-mi ɔnini, ‘Ndubɔya na awɔ bebi na bimomo geen na binwini kadi bekyuli pii, na ndubuti kalɔ kamɛni lite-ɔ na kenwini awɔ ku ƒula kaba kemmo bebi kadi uwi ƒui.’

Baga 1 10:9

Na buumwi Unwoti ɔni ndi ƒula Katɔti, kalɛ na údie nwuna bɔyɔ ɔ́tina-a. Na úse-ɔ Israelƒuɔ ɔga. Ɔsika ubo bɔyɔ ute Israel uwi ƒui ɔsu na úti-ɔ úse lɛga kalɛ na ataanu nwuna ɔda bubo taabla ala ulu lɛlɔ.”

Baga 2 3:8

Mmɔ na úye Ɔga Yehoram ɔnini, “Ulu ɔmani lɛlɔ na bɔdubɔsia na butékpoku-ma?” Na Ɔga Yehoram údie kenye ɔnini, “Bɔdubɔsia ketele kalɔ kakwiidi ulu ɔni ntɛ úsie Edom mmɔ.”

Yesaia 43:4

Bɛ́ƒɔ-mi kuye geen na mɔɔyɔ́-mii. Anwuɔsu na lídie kɔlɔ bamba ku bana bekyuli atu kalɛ na lɛƒɔ-mii.

Yesaia 63:1

Ɔma na ɔdi nási Bosra na Edom kalɛkɛ ɔdubo ku awu ugyiedi na mɔɔnu mɛni? Lɛlɔ ɔdine ɔmani nánya kalɔ ɔdubo ku ɔyikun ku adala ani muukeye lɛni? “Ami Unwoti na ɔdi! Lɛ́di lɛlɔ na kekpokɔ na ndubɔkana-mii bɔƒɔ!”

Yeremia 2:31

“Bise atu na binu lɛla lɛni na mɔɔsu. Budie na lídie-mii atu na kalɔ kakwiidi kammɔ kemmo na bɛ́sɔ bɛkya lɛdisa kemmo? Mina bekyuli na bɛdi, nsu bɛ́kana na bɛ́su-mi bɛnini, ‘Lɛla lɛni na abu bɔɔyɔ́ na bɔdubo bɔbla, na bɔɔɔdubo-ɔ lili kalɔ bɔkya.’

Yeremia 2:5

Lɛni na ami Unwoti muuye-mii nnini, “Bi likpidi na bina bati kuuku bánu-mi lɛlɔ ɔsu na bénwini-mi kama na bésie basiaku ala bamba ani neeebo kɔsia ɔsu na ama alati lɛnɔ básɔ beeebo-mi kɔsia kɔdi?

Yeremia 31:3

Uwi ɔdi návi ni, Unwoti údie lɛlɔ ɔ́tina-mi na ɔ́su ɔnini, “Israel, ndubo butaayɔ-ɔ uwi ndi uwi, anwuɔsu na lɛ́kɛku-ɔ kayi buɛɛ na muuwiku-ɔ lɛlɔ ku kɔnyana bɔnu.

Amos 1:11

Unwoti ɔnini, “Ndubo Edomƒuɔ kɔtu bɔni na bana ekpidi pii ani na ɔ́bla ɔsu, na lɛɛɛdubo mina kasusu bɔvumana. Bádu ama alati bana lɛlɔ bekyuli ku lɛnungyie lɛni ɔsu na bátakana na banu-ma kɔnyana ina blii suɛ.

Malakai 2:17

Bɛ́ɛya na Unwoti ɔ́nɔ-mii lɛlɔ ku bina etemila. Nsu bɛmu biiye bɛnini, “Ulu ɔmani lɛlɔ na bɔ́sia bɔ́bla ala ammɔ?” Ulu ɔmmɔ ndi ɔni na bɛɛsu bɛnini, “Likpidi bablane baada Unwoti kubiti, na ɔɔɔdaku-ni ka ɔtɛ litemi lɛmɛni ani.”

Luka 10:29

Nsu ka ɔda bubo ala ɔtinane ɔmɛni ɔɔwia ka ute lɛlɔ ubo ɔsu ni, ɔ́sɔ úye Yesu ɔnini, “Ɔma ndi mina ukyulikpana?”

Yohane 15:12

Na ɔda ɔni na líbo-mii ndi ɔmɛni. Bɛyɔ lɛlɔ aani kalɛ kani na ńtaayɔ-mii.

Lɛkpa Ulu 10:15

Nsu ka Unwoti ɔɔyɔ́ bina bati kuuku geen ɔsu na amii kani na úti ɔ́bla nwuna bekyuli. Na bɛmu bɛdi nwuna bekyuli.

Lɛkpa Ulu 23:5

Nsu bina Unwoti Katɔti útakpete Bileam ewida ammɔ. Mmomu búti na úti ewida ammɔ únwini kusɛ kusɛ úte-mii. Ɔsika ɔɔyɔ́-mii litemi.

Lɛkpa Ulu 33:3

Unwoti ɔɔyɔ́ nwuna bekyuli na ɔɔgyumana bani ndi nwuna badi. Anwuɔsu bɔɔlɛ-nwu akɔnkɔ kalɔ na bɔɔdi nwuna ɔda bubo lɛlɔ.

Lɛkpa Ulu 4:37

Ka ɔɔyɔ́ bina bati kuuku ɔsu ni, ɔ́ƒuna-mii ka binwini nwuna badi. Na anwu ɔlati úbo úbedie-mii ɔ́lɛku Egyipte kalɔ lɛlɔ ku nwuna ɔyikun bonwu.