Malakai 1:14 - Katɔti Ɔku Kedee

¹⁴ Biisé-mi kenye ka bɛdububoku-mi bebuo bani námanku, nsu bɛɛvumana teeti bebuo bekpidi mmomu teeboku-mi si uwi údu. Na ndubo ɔgbankpi buti buboku-mii lɛlɔ na ɔmɛni ɔsu, ɔsika ami ndi Ɔga Unengudi Unwoti Ɔyikune Ƒui ɔni na kadi bekyuli ƒui baayia na kesi kesii.”

Malakai 1:14 ပူးပေါင်းရင်းမြစ်များ

Ala Kalɔ Buse 27:12

Si mina ɔti útuku-mi ɔ́nu na ɔ́ti ka ami na ɔdi na líbo mɔɔtɔlɔ-nwu ni, ɔɔɔdi buwida mmomu na ɔdubo-mi?”

Samuel 2 24:24

Nsu ɔmɛni ƒui ni, Ɔga Dawid ɔ́su Arauna ɔnini, “Oowo! Ulebo-nwu kemmo lɛni, ɔdi ka lɛƒɔ kayu kadi na kakpa kammɔ lili. Ɔsika naaakana akpala adi bɔbla bute mina Unwoti Katɔti na ńtebile lɛla lɛdi ami ɔlati.” Anwuɔsu Dawid ɔ́ƒɔ mmɔ úye ku ɔmantɛ bakɔ bammɔ sika ɔƒualadi ebi antabi akyami anyɔ unu.

Kɔgya 102:16

Ɔsika Unwoti ɔdubɔsɔku Sion ɔma ɔtu na bekyuli banu kalɛ na uukeye.

Kɔgya 47:2

Ɔsika Unwoti ɔni ntulo ƒui lɛlɔ libo liƒu. Na anwu mɔɔdi kayawi ƒui lɛlɔ.

Kɔgya 47:3

Ɔ́ya na bɔ́di kadi bekyuli ƒui lɛlɔ na bakya-bu lɛgba kalɔ.

Kɔgya 47:8

Katɔti ulie nwuna lɛgaboku lɛni nse kedee lɛlɔ. Na ɔɔdi kadi bekyuli ƒui lɛlɔ.

Kɔgya 48:2

Sion Kɔbi kɔdi bula Katɔti kɔbi kɔni lɛlɔ na uli. Na kɔbi kɔmmɔ kɔ́kuku na kɔɔdia bɔnu sɔsɔ. Na ɔdi bula ɔga ɔma unengudi. Kesii kamɛni mɔɔyɔ́ kayawi bekyuli ƒui kaƒɔ.

Kɔgya 68:35

Katɔti lɛlɔ libo líƒu na nwuna keliekɔ kedee kemmo. Na anwu ndi Israel Katɔti. Anwu muute nwuna bekyuli ɔyikun na ɔ́ya na bebo kenyekɔ. Bimwi Katɔti!

Kɔgya 76:12

Uuboku bagabi bani mɔɔkɔliku lɛlɔ katɔ kalɔ. Na ɔɔyá na baga benengudi ƒui baayia-nwu.

Kɔgya 95:3

Ɔsika Unwoti ɔdi Katɔti ɔni na úbomo, na ɔdi ɔga unengudi ɔni na utulo baƒiɔ ƒui.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yeremia 10:10

Awɔ Unwoti kani ndi Katɔti geen ɔni nli ngba. Na aadi lɛlɔ uwi ƒui. Na si éti kɔnyi ni, kalɔ kaakunku na kadi bekyuli baayii udu.

Yeremia 46:18

“Egyipte, ami Unwoti Ɔyikune Ƒui ndi Ɔga geen. Na ɔni na nli ngba mɛni bɔdi ni, bekisine bani muukpó-mii badubo-mii lɛlɔ bɔdi na bakuku betulo-mii aani kalɛ na Tabor Kɔbi kɔ́kuku kútulo abi ani náka ámana-nwu ƒui, iye kalɛ na Karmel Kɔbi kunye kangyaa na ɛpu kɔtu.

Yeremia 48:10

“Mɔɔwia ka bɛdu Moabƒuɔ ƒui. Na si bɛ́ya na bana ɔdi úkeli ni, ndubo-mii buwida.

Yeremia 48:15

Nsu ami ndi Unwoti Ɔga Ɔyikune Ƒui na muusé kenye ka bina bekisine badubo-mii lɛlɔ bɔdi. Na bina bekpone bani ndia ntulo ƒui badubukpi na kekpokɔ.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Daniel 9:4

Na lɛ́kpali Unwoti mina Katɔti kpakplaa geen lɛ́su nnini, “Bula Unwoti, adi Katɔti ɔni na ébomo na ƒula lɛlɔ libo liƒu geen. Na bekyuli bani na baayɔ́-ɔ na beenú ƒula litemi ni, alalɛ ƒula linyese lɛni na ényimiku-ma kama kudii.

Seƒania 2:11

Ndubo-ma bukpo ku kɔnyi geen kalɛ na baƒiɔ bani ƒui nkya kalɔ lɛlɔ mɛni bayii bakya na basɔ baladi lɛla lɛdi belete bekyuli, mmomu kadi biala bekyuli ɔdi biala ɔdubɔkya lili kalɔ ute-mi na kesi kesii na belie.”

Sakaria 14:9

Na ɔmmɔ kama ni, Unwoti unwi pɛ kani ndubo bɔkya aani lɛlɔ ɔdine ɔni mɔɔdi kalɔ kammɔ ƒui lɛlɔ. Na nwuna lɛnyi lɛti na bekyuli ƒui badubɔkya lili kalɔ bete na kalɔ kammɔ lɛlɔ kesii biala.

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Malakai 1:8

Nsu ni, bɔnu bilánu ka útamanku ka biti ebuo ɔni na lɛnumi lɛ́bwɛ-nwu iye ɔ́sɔ na nwuna lɛlɔ ekpo étedu bɛkpa bite-mi? Amii biti ebuo ɔmmɔ udu bisienku bina aban ɔgadine unengu na bɛnu si kaƒɔ kadubɔyɔ-nwu na ubunku-mii lɛla lɛdi!

Malakai 2:1

“Ami, Unwoti Ɔyikune Ƒui, mbo lɛla bamba na lɛsu amii bakpane.

Malakai 3:9

Na ɔmmɔ ɔsu na ewida asiaku kalɔ kammɔ ƒui.

Mateo 24:51

Na unwoti ɔmmɔ ɔdubɔni kabla ɔblane ɔmmɔ kɔtu geen. Na nwuna kɔtu bɔni kɔdubɔyu ɔkplu aani anumi lɛlɔ bekyuli bɔdi kalɛ! Mmɔ na keku ku animi bɔdu bɔdubɔkya!”

Mateo 5:35

Bitakpali ala bitalɔ kalɔ, ɔsika aka ndi Katɔti lɛgba kanyakɔ. Na bitakpali ala bitalɔ Yerusalem, ɔsika mmɔ ndi Katɔ Ɔga Ɔyikune Ƒui ɔma.

Marko 14:8

Uleku ɔmɛni ɔ́bla lɛla lɛni na wakana. Úti nnɔmii bɔmɛni úwi-mi lɛlɔ úse ute mina kukpi asa na bava-mi.

Luka 12:46

nwuna Unwoti ɔdububo ubeyu-nwu ɔtu ɔni na ɔɔɔgyi uuuse. Mmɔ ni, Unwoti ɔmmɔ ɔdubɔni-nwu kɔtu kpakplaa kɔni námanku batuɔkplune bammɔ udu.

Korintoƒuɔ 2 8:12

Si ɔdi bina bɔyɔ ka bíte bekyuli ala ni, ɔdubɔƒɔ Katɔti anu ɔkɛnku lɛla lɛni nse-mii kenye. Na ɔɔɔdi lɛla lɛni na biiibo.

Lɛkpa Ulu 28:58

Na si bítewi lɛlɔ na bɛdi ɔda bubo ala bɔtina bɔni bénweni bákya ɔku ɔmɛni kemmo na biti ɔbu unengudi ɔni na bɔyia bɔkya-nwu kemmo bite bina Unwoti Katɔti ni,

Timoteo 1 6:15

Na Katɔti ɔdubɔya na Yesu Kristo wasɔ webo na uwi ɔni námanku lɛlɔ. Katɔti Ɔyɔne ɔmɛni lɛti mɔɔdi lɛla biala lɛlɔ, na anwu ndi bagadine ƒui Ɔga. Na lɛla biala lɛɛlɔ-nwu lɛnii Unwoti.

Hebriƒuɔ 12:29

Ɔsika bula Katɔti use aani ogya ɔni mɔɔkyula ala.

Budie Taatina 15:4

Ɔma makana-a anumi bunye na ulayia awɔ Blɔti, na uleti bumwi ulete ƒula lɛnyi? Ɔsika awɔ lɛti nse kedee, na kalɔ ƒui bekyuli badubo babakya-a lili kalɔ. Ɔsika bédie bátina ka aabla lɛla biala ulu siin lɛlɔ.”

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”