Malakai 1:13 - Katɔti Ɔku Kedee

¹³ Bina ala bɔbla bɔɔtina ka bɛ́ɛnɔnku ala ammɔ bɔbla na biidie enu taakywɛ-nya ku lɛlɔ bɔtina. “Na si bíti bebuo bani na básɔ bíboku bɛnii bibakpa bite-mi ni, bɔƒɔ na ɔlɛka lɛƒɔ-ma?

Malakai 1:13 ပူးပေါင်းရင်းမြစ်များ

Samuel 2 24:24

Nsu ɔmɛni ƒui ni, Ɔga Dawid ɔ́su Arauna ɔnini, “Oowo! Ulebo-nwu kemmo lɛni, ɔdi ka lɛƒɔ kayu kadi na kakpa kammɔ lili. Ɔsika naaakana akpala adi bɔbla bute mina Unwoti Katɔti na ńtebile lɛla lɛdi ami ɔlati.” Anwuɔsu Dawid ɔ́ƒɔ mmɔ úye ku ɔmantɛ bakɔ bammɔ sika ɔƒualadi ebi antabi akyami anyɔ unu.

Yesaia 1:12

Si bɛ́da bɛ́lɛ-mi anumi ku ala ammɔ na bɛnii mina kakpakɔ na bíbo ni, ɔma névele-mii ɔnii biboku-nwu ala ammɔ, na bɛɛkɔ́-mi kaduli taayu?

Yesaia 57:6

Bɛɛkali ka kaƒɔ kadubɔyɔ-mi ka bɛ́ƒuna ka bitaakpa atabi suɛlɛ suɛlɛ ani na bɛ́sala bɛlɛ esu mmɔ aani baƒiɔ ku bina lɛla biala, na biiti akpala ku ntɛ ku antabi etela teetéte-nya?

Yesaia 61:8

“Ɔsika ami Unwoti ni, litemi bɔtɛ ulu siin lɛlɔ na mɔɔyɔ́. Na nkisi kuyu ku ɔkɔ etemila bɔtɛ ku ekpidi lidu bamba ƒui. Na kalɛ na mɔɔdi mina litemi lɛlɔ ɔsu ni, ndubɔƒɔ-ma kayu na linyimiku-ma bunyimi bɔni ndubɔkya ami ku-ma ntɛ uwi ƒui.

Esekiel 4:14

Mmɔ na lɛ́su nnini, “Unwoti Katɔti, buvele kemmo, taya na lɛbla ɔmmɔ udu! Ɔsika ńtabla lɛla lɛni na lise lɛni kudii na mina ngba kemmo na lɛdi lɛla lɛni ndubɔya na nteese-ɔ lɛlɔ. Na ńtadi lɛla lɛni nékpi ani ɔlati iye ebuo ɔni na eƒiebuo ɔdi ɔ́du ɔ́va iye lɛla lɛni na ásu ka liisé lɛlɔ lɛnɔ.”

Esekiel 44:31

“Bakpane beeebo kuƒi ka bakun aasɛ iye ebuo ɔni na anwu alati nékpi nwuna kukpi iye eƒiebuo.”

Hosea 13:9

“Israel, awɔ ɔdi ɔ́sa. Sɔ tasia lɛnu anii adubɔkɛ kebunku kadi asiku-mi kudɔ.

Lewiƒuɔ Ɔda Bubo 22:8

Utakun ebuo ukpine iye ebuo ɔni beƒiebuo nádu-nwu báva na ɔya na uteese lɛlɔ. Ami ndi Unwoti.

Lewiƒuɔ Ɔda Bubo 6:4

“Na si ɔ́nu nwuna likpidi ɔ́ti na ɔ́nu ka úkpi kɔtɔ ni, ɔlɛka ɔsia ulu biala lɛlɔ na ɔsɔku lɛla lɛmmɔ ubese kenye ute ɔlati. Buyu na úyu-nwu o-o bɔnya na ɔ́nya-nwu ɔ́kya úƒie-nwu lɛla lɛdi ɔƒɔ o-o, nwuna lɛla nse-nwu kudɔ na ɔ́da-ni úti o-o,

Amos 8:5

Biiye bɛnii, ‘Bi ɔsu na emeyi alasa bɔdi na buse kalɔ buteeye bula antabi, na lɛnwunameyi lɛnɔ lilavi pla na ɔdia na butaadi bula kakpa kuye? Ɔƒɛni na bɔɔwia ka butaadi kuye kɔmmɔ na bɔsia ala kuye kalɛ na ala ammɔ aƒɔ-bu kuye. Na bɔƒana akɔkula ammɔ lɛnɔ kalɛ na bɔnya-ma bɔkya na bɔkɛ kɔsia kaduɛ.

Mika 6:3

“Mina kadi bekyuli, bɛsu na linu si lɛ́ƒiɔ-mii na ulu ɔdi lɛlɔ?

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.

Malakai 2:12

Muuvele nnii Unwoti ɔsɔ utaya na bekyuli bani na báƒiɔ ulu ɔmɛni lɛlɔ basɔ babla nwuna bekyuli akɔ badi lɛnɔ si ina baawia kpakplaa ka beti etela adi beboku-nwu.

Malakai 2:13

Na lɛla bamba lɛni na bɛsɔ bɛɛbla ndi keku kani na biiwulo teewi nwuna lɛkpabi ka Unwoti úni ɔnii uláƒɔ bina akpala ka átaƒɔ-nwu anu ɔsu.

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Mateo 6:5

“Na si bɛɛkpali katɔ ni, bitabla ala aani anumi lɛlɔ bekyuli kalɛ. Ama baayɔ́ ka bata benye Yudaƒuɔ kasalakɔ ku ɔma kemmo ekpo ekpo asa bakpali katɔ kalɛ na bekyuli ƒui banu-ma. Mɔɔsu-mii geen nnii báakɛ bana lɛyuƒɔla biala ƒui.

Lɛkpa Ulu 15:21

Nsu si ebuo ɔmmɔ ɔdi ɔ́ƒɛ uwi kalɔ iye anumi abwɛ-nwu ni, iye lɛla bamba lɛdi lɛda-nwu ni, biteti ebuo ɔmmɔ udu bitakpa bitete bina Unwoti Katɔti.

Samuel 1 2:29

Na etela ku akpala ani na béti béboku-mi aani kalɛ na lɛ́tina ka babla na mina keliekɔ ni, bi ɔsu na bɛɛyá na eesé lɛlɔ? Na bi ɔsu na aabu ƒula bebi teetulo-mi, na bíti mina bekyuli bammɔ etela ku akpala ammɔ kɔdikɔ kɔbuni ƒui bínwini amii kɔdi na bílie lɛmwi?’