Malakai 1:11 - Katɔti Ɔku Kedee

¹¹ Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Malakai 1:11 ပူးပေါင်းရင်းမြစ်များ

Ala Alɛdi 1 16:25

Ɔsika bula Unwoti úbomo na nwuna lɛnyi lɛ́kɔ katɔ anwuɔsu na ɔlɛka bumwi-nwu na bɔyia-nwu butulo baƒiɔ ƒui.

Kɔgya 111:9

Unwoti uukpó taaƒɔ nwuna bekyuli. Na ulalɛ bunyimi bɔni na únyimi ku nwuna bekyuli kama kudii. Use kedee na ɔlɛka bɔyia-nwu.

Kɔgya 113:3

Na ɔ́si ɔƒɛ katukɔ útédu kanukɔ ni, bibo Unwoti lɛnyi kudu bimwi-nwu.

Kɔgya 138:5

Na badubudie lɛnu bete-ɔ na ala ani na ábla ɔsu. Ɔsika eekeye geen.

Kɔgya 141:2

Ya na mina katɔ bɔkpali bunwini aani oloƒui ƒɛƒɛɛ ɔni baakyula na ƒula anumi. Na si lɛ́kɔliku mina enu katɔ ni, na ɔbla aani useyi uwi akpala ani na baabla teete-ɔ.

Kɔgya 45:17

Ndubuteebo ƒula lɛnyi kudu ɔ́si kaba úsie kaba bekyuli akɔ, na badubuteemwi-ɔ uwi ƒui.

Kɔgya 48:10

Na kalɛ na ƒula lɛnyi líbomo ni, lɛni kani na buumwi-ɔ na kayawi kesi kesii. Édie ƒula kɔdianu kɔnu na ábla ɔyikun ala ala ani nse siin.

Kɔgya 48:11

Amii bani nkya Sion Kɔbi bɛya ebiti ada-mii. Na lɛlɔ lɛyɔ amii bani nkya Yuda lɛma. Ɔsika Katɔti ɔɔtɛ litemi ulu lɛlɔ geen.

Kɔgya 50:1

Katɔti Ɔyikune Ƒui ɔni ndi Unwoti mɔɔlɔ lɛla biala lɛni nkya kayawi ƒui ɔ́si ɔƒɛ katukɔ útédu kanukɔ ɔnii babasala na benu.

Kɔgya 65:9

Aanu kalɔ kammɔ lɛlɔ kaduɛ. Na aaya na ɔnantu ɔɔna teewi-ka lɛlɔ na kaadia edula. Na ntukpa buubo ntu na aayá na edula lidu lidu aalɛ́.

Kɔgya 67:2

Na aya na bekyuli ƒui banu ƒula lɛƒɔyɔ bati. Na banu bati lɛnɔ kalɛ na aaƒɔ́ teete bekyuli na kayawi ƒui.

Kɔgya 86:9

Kadi bekyuli bani ƒui na édie badubo babalɛ akɔnkɔ kalɔ bakpa-a batina kalɛ na eekeye.

Kɔgya 96:8

Bimwi Unwoti lɛnyi lɛni muukeye! Na biti etela biboku-nwu na nwuna kakpakɔ.

Yesaia 12:4

Na Unwoti limeyi lɛmmɔ lɛlɔ ni, bɛdubɔsu bɛnii, “Bimwi Unwoti lɛnyi na bɛkpali-nwu lɛnyi bivele ala. Na bibo nwuna ala ebendi ani na ɔ́bla kudu bite kadi ƒui, na bati ka Unwoti lɛnyi lɛ́kɔ katɔ katɔ ƒui.

Yesaia 12:5

Bidie ɔnu bimwi Unwoti, ɔsika ɔ́bla ala ebendi ani muukeye. Bɛya na kayawi bekyuli ƒui bati kalɛ na biimwi-nwu.

Yesaia 19:21

Na mmɔ na Egyipteƒuɔ badubɔnu bɔti ukyuli ɔni na Unwoti ɔdi na bataakpa-nwu na bataakyula akpala ku etela bamba lɛnɔ teete-nwu. Badubuse kenye bete-nwu na badi linyese lɛmmɔ lɛlɔ lɛnɔ.

Yesaia 30:27

Bɛɛnu ka Unwoti Katɔti ɔ́si ɔdubo agyu kakaaka na ɔkɛ ku kɔnyi kɔni nse aani ogya ku uyɔ ɔni mɔɔda na ɔ́kɔ úsela katɔ ƒui. Na etemila ani na mɔɔlɛ́-nwu kenye kemmo ese aani ogya unyemi ɔni mɔɔkyula ala.

Yesaia 45:6

Na ɔƒaani ni, ukyuli biala ɔ́si ɔƒɛ katukɔ útédu ɔƒɛ kanukɔ ɔdubɔti ka ami ndi Unwoti ɔmmɔ na baƒiɔ badi beeebo na badi lɛla lɛdi geen mina kalɛ.

Yesaia 54:5

“Unwoti Ɔyikune Ƒui, Israel Katɔti, mɔɔdi kayawi ƒui lɛlɔ. Anwu ndi bina Udiene ku bina ɔgya na ɔdubudie-mii.

Yesaia 59:19

Na ɔ́si ɔƒɛ katukɔ útédu kanukɔ ƒui bekyuli badubo butaayia-nwu na bemwi-nwu kalɛ na uukeye. Ɔsika ɔdubɔda ɔlɛ-ma lɛlɔ aani ketu kani néyi na kadanku ɔƒɛƒɛɛ kpakplaa na ɔbɔku-ma ƒui.

Yesaia 66:18

“Ngyi bina ablala ku kakali ƒui. Na uwi údu ka libo na ndubɔsala kadi ƒui bekyuli ku adi lidu batɛmine ƒui na lɛya na banu kalɛ na muukeye.

Yeremia 10:6

Bula Unwoti ɔni nébomo na ebo ɔyikun geen, awɔ lɛti kani ndi Katɔti.

Yeremia 10:7

Awɔ ndi kadi bekyuli ƒui ɔga. Na awɔ na ɔlɛka ukyuli biala ɔbu. Ɔsika ukyuli ɔyawine ɔdi uuubo kalɔ kamɛni lɛlɔ kesii kadi na ɔ́da anu utulo-ɔ.

Yeremia 4:2

Na bise kenye biala na mina lɛnyi kemmo! Na bɛdi lɛla lɛni kenye na bíse lɛnɔ lɛlɔ! Na kadi bekyuli ƒui badubo-mii buteemwi na lite-mii kusɛ kusɛ.

Amos 9:12

Mmɔ na Edom bekyuli bani nébu ku kadi ƒui bekyuli bani na lɛ́lɔ aani mina badi badubɔwia-mi kama ulu. Lɛni na Unwoti ɔni mɔɔbla ala amɛni ƒui ɔ́su úse.

Mika 5:4

Na lɛlɔ ɔdine ɔmɛni ɔdubɔtɔnku nwuna bekyuli ɔkɛnku Unwoti nwuna Katɔti ɔni lɛnyi muukeye lɛlɔ. Na ɔdubɔnu-ma lɛlɔ aani kalɛ na baƒonu ɔdane ɔɔnu nwuna baƒonu lɛlɔ. Na nwuna bekyuli badubulie ku atu bɔyɔ, na lɛla lɛdi lilékpoku-ma. Na kayawi kadi bekyuli ƒui badubɔnu kalɛ geen na úbomo.

Seƒania 2:11

Ndubo-ma bukpo ku kɔnyi geen kalɛ na baƒiɔ bani ƒui nkya kalɔ lɛlɔ mɛni bayii bakya na basɔ baladi lɛla lɛdi belete bekyuli, mmomu kadi biala bekyuli ɔdi biala ɔdubɔkya lili kalɔ ute-mi na kesi kesii na belie.”

Seƒania 3:9

“Ndubo adi biala batɛmine bɔbla sɛɛn na bamanku kalɛ na bemwi-mi lɛnyi. Na bana ƒui badubɔsala babla unwi, na babla ami, Unwoti, kabla.

Sakaria 8:7

“Ndubudie bekyuli bani na béti bátɔlɔku bésienku kɔlɔ kɔni nkya ɔƒɛ katukɔ ku kanukɔ

Malakai 1:14

Biisé-mi kenye ka bɛdububoku-mi bebuo bani námanku, nsu bɛɛvumana teeti bebuo bekpidi mmomu teeboku-mi si uwi údu. Na ndubo ɔgbankpi buti buboku-mii lɛlɔ na ɔmɛni ɔsu, ɔsika ami ndi Ɔga Unengudi Unwoti Ɔyikune Ƒui ɔni na kadi bekyuli ƒui baayia na kesi kesii.”

Malakai 3:3

Unwoti ɔdubo Lewi bebi ku bawɔ lɛlɔ bɔƒɔ na babla sɛɛn aani sika ɔƒualadi iye ugyiedi. Na ɔmmɔ kama na beti akpala ani nse sɛɛn beboku Unwoti.

Bumomo Bɔka 7:74

ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

Mateo 28:19

Anwuɔsu biteesie kayawi kadi biala bekyuli akɔ na bɛtina-ma ala kalɛ na benwini mina batɛyane. Na bɛkpila-ma ntu na Ati ku Ubi ku Katɔti Kɔyu lɛnyi kemmo.

Mateo 8:11

Mɔɔsu-mii geen ka bekyuli pii badubɔsi ɔƒɛ katukɔ ku kanukɔ bebo Katɔ Ɔga Ɔma limeyi kadikɔ. Badubulie kalɔ na badi ku Abraham ku Isak ku Yakob na mmɔ.

Luka 1:10

Na uwi ɔni na ɔkya ɔɔkyula oloƒui ɔmmɔ ni, bekyuli bakladi bewi keyi baakpali katɔ.

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Romaƒuɔ 15:16

Ɔsika ɔ́bla-mi ɔnii nnwini Kristo kabla ɔblane nte bekyuli bani naaadi Yudaƒuɔ. Na mɔɔbla ɔkpane kabla kani ndi ka lɛkɔ Katɔti litemi buni lɛmmɔ lɛsa lite bekyuli bani naaadi Yudaƒuɔ kalɛ na lɛkpanku-ma liboku Katɔti aani akpala ani Katɔti Kɔyu kɔ́bla kedee na adubɔƒɔ Katɔti anu.

Ƒilipiƒuɔ 4:18

Na bɛ́ƒɔ-mi kabla kayu ƒui. Na kayu kammɔ kétulo kalɛ na ɔ́manku muedi. Etela ani ƒui bíti bímene Epaƒrodito mɛni ni, émo-mi! Etela ammɔ ese aani akpala ƒɛƒɛɛ ani béti bákpa béte Katɔti, na áyɔ-nwu kaƒɔ, na aada-nwu kubiti.

Tesalonikaƒuɔ 2 1:12

Buuvele ala amɛni teete-mii kalɛ na bakɔliku Blɔti Yesu Kristo lɛnyi katɔ na amii ɔsu. Na anwu lɛnɔ wakɔliku-mii lɛnyi katɔ na anwu ku Katɔti lɛƒɔndia ɔsu.

Timoteo 1 2:8

Na baƒɔtaadine kasalakɔ biala ni, mɔɔwia ka banana bataakpali katɔ ku kayi kedee kalɛ na si Katɔti ɔɔnu bina enu katɔ ni, na ɔti ka bɛ́da lɛlɔ bídie likpidi kemmo. Na kɔnyi iye unyeƒi ɔdi uuubo-mii akɔ.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Budie Taatina 15:4

Ɔma makana-a anumi bunye na ulayia awɔ Blɔti, na uleti bumwi ulete ƒula lɛnyi? Ɔsika awɔ lɛti nse kedee, na kalɔ ƒui bekyuli badubo babakya-a lili kalɔ. Ɔsika bédie bátina ka aabla lɛla biala ulu siin lɛlɔ.”

Budie Taatina 5:8

Na uwi ɔni na Koƒonu Ubi ɔmɛni ɔɔƒɔ́ kakunkɛ kamɛni ni, ngba batu ine bammɔ ku benengu aavlanyɔ-ine bammɔ báyu bébi kalɔ na Koƒonu Ubi ɔmmɔ anumi. Ɔdi biala ɔda agyala ani béti kɔbuli bábla na baagyá taatu lɛnu. Na ɔdi biala ɔda sika ugyiedi kɔlaku kɔni néyi ku oloƒui. Na oloƒui ɔmɛni unye ute Katɔti bekyuli katɔ bɔkpali.